شباب قتلوا بنت المؤذن لاحول ولا قوه الا بالله

المهم الشباب عزموا (الله يهديهم ويغفر لنا ولهم) وتم وضع الخطة المشئومة وتوزيع المهام والأدوار على الشباب.

ناس يحضرون الفرش على شان نجلس عليه ونوسع الصدر.وناس يروحون يشوفون الطريق ويحددون المكان. وناس يروحون يشوفون لنا (بنت الحلال) والتي ستكون كبش الفداء والفريسة لهذه الليلة. (حسبي الله ونعم الوكيل)

المهم أني من إلي راحوا يمهدون الطريق ويجسون الوضع ويحددون المكان لمناسب، وبالفعل وجدنا المكان آمن ومناسب ووضعنا الفرش ونزلنا زمازم (الثلاجات) الشاهي والقهوة والفصفص و المكسرات والبارد. (يعنى الشباب رايقين ذيك الليلة). وبعد طول انتظار وقلق ومتابعة معهم عن طريق الهاتف الجوال (خشية أن يتم القبض عليهم وتخرب الخطة)، حضروا الشباب والذين هم مكلفون بإحضار فريستنا.

وبمجرد وصولهم إلينا سألناهم حل أحضرتم (بنت الحلال) قالوا: نعم، وهي مربوطة في الموتر (السيارة) ، وتعلوا وجوههم الابتسامة والفرحة ونحن كذلك فرحون بنجاح الخطة وحصولنا على المطلوب. المهم، قلنا لهم أجلسوا ريحوا شوي وبعدين نتفاهم (معها) ومع الأخذ والعطاء والسواليف، قلت لهم: هاه من هي بنت الحلال هذي، قالوا لي مجيبين: بنت المؤذن؟؟!!

وبعد ما تقهوينا وشربنا الشاهي وجاء وقت العشاء، قمنا بفرش السفرة وإعدادالمائدة وقام أحد الشباب بإحضارالبنت والتي كانت مربوطة في الموتر ووضعها على السفرة (بالإضافة إلى أربــع نفر رز بخاري) بالإضافة للسلطات والمقبلات وقلنا: بسم الله، وبدأنا في الأكل والشرب حتى انتهينا من ذلك وبعد أن غسلنا أيدينا توجه كل واحد منا إلى منزله فرحاً مسروراً شبعاناً من بنت الحلال هذي، والله يديمها من نعمة…..