شالحل مع هالبنات؟؟؟ الموضوع للشاطرات فقططط

في شغله املوعه جبدي عدل حبيت انتناقش فيها

يعني بنات يغيبون واذا داوموا يسولفون طول الحصه وباقي الحصص يقصونها

مو هني المشكله كل وحده ذنبها على جنبها
اما انهم ايونلج حول 20 بنت كل وحده تقولج ابي دفترج باخذه البيت
ليش ياشاطرة لما الابله تنقلنا اتسولفين ليش اتقصين الحصص
اذا انتي مهمله انا شكو فيج
والا كل ما اتخلص حصه نطت وحده ابي دفترج وهي طول الحصه تزن ويا الي يمها ولا كأن في ابله واقفه
اللي ابي اوصله عبر المنتدى هووو التالي:-
1- الدفتر حق مكتسب لصاحبته ماهي مجبورة تحذف كشاكيلها على اللي يسوا واللي مايسوا خصوصا ان احنا مانعرف بيئة بعض واذا كانت كسلانه يمكن تغيب لها جم يوم وانتي تاكلينها.
2- لو البنت رفضت وقمتي طقيتيها زعله خو دفترها موغصب تعطيج اياه زعلتي والا رضيتي!!
3- اتحملي مسئولية نفسج واذا تحبين اتقصين الحصص وتقضينها سوالف تحملي مسئولية نفسج
انتو اشرايكم بهالموضوع وشتسوون وشتقولون حق هالفئة من البنات الله يهديهم؟؟؟

انا والله دفاتري مكتوب عليها ممنوع اللمس حريمتهم يطلووووووووووون حتى داخلها واللي تبي تزعل خل تطق راسها بالطوف
والله هذا اللي ناقص طول المحاضره جنهم سيلانيات حمدالله و الشكر و اخر شي تيي تمد ايدها و بالحلج المليان ابي الدفتر

اولا و اخرا هذا رايي المتواضع فقط

هلا حبيبتي والله البنات اللي يبون الدفاتر من الشاطرات مشكله لان البنت ما تدرين شنو بيصير فيها بالبيت يمكن اخوها الصغير اواي احد يفتح جنطتها ويا خذه ويلعب فيه وانتي على بالج تبي تييبه باجر وتتفاجاين ان البنت يا غايبه او متاخره وبالاخير انتي تاكلينها وتقولج انا اسفه دفتر ضاع وشنو بتسوين بعدين ؟؟
والله حبيبتي انا معاج لازم البنت ما تاخذ الدفاتر مالوت صديقاتها وانا عن نفسي ما اخلي البنات ياخذون دفتري واقولهم اي شي مثل ابي اسطره او اعدل فيه شي وجذي …
ادري اقرق وااايد بس ماعليه ابي اطلع اللي بقلبي وتسلمين على الموضوع

والله زين اتسوين ياضحاوي انا جذي تخيلي وحده شقالت لي تقولي عيل ماتبين تعطيني دفترج صوريلي اياه
هذا اللي ناقص اخلي شغلي واجابلهم

يسلمو حبيبتي على هالموضوع الجميل

بصراحه معاج حق

احلا عذر اني ابي اكمل فيه شغلات وبعدين اعطيجياه واذا اهي فهيمه بتعرف انا شنو اقصد
اما اذا طقتها زعله بكيفها انا اهم ماعلي مستواي شتسوى لم تغيب وتسألني الابله عن الدفتر واقول لها ان الدفتر ماخذته فلانه وغايبه راح اتقول الابله انتي مهمله شلون تعطين البنات دفترج وانا قايله لكم ان التسليم الدفاتر اليوم
امانه شراح استفيد منها اني نقصت عشان سواد عيونها لا واللي يزيد الطين بله لم اسألها ليش غايبه تعبانه تقول لا بس مالي خلق

بالله عليكم مو قهر

سوري على الطواله بس بصراحه مو ضوع يجنن ويعطيج الف الف عافيه
وتقبلي مروري

اوووف من هالبناات
والله انا ودي ما اعطي احد دفااتري بس ما اقدر يكسروون خااطري
يعني مثلا صديقتي قبل نص سااعه ياات لبيتناا وخذت كل دفااتري ما خلت غير العربي وبصرااحه انحرجت اقوولها لا
وكثير بناات بالصف ياخذوون دفااتري اقوولهم اوول شي ما اقدر بعدين اترااجع وارووح اوديه لهم

يسلموو ع الموضووع

قرقتج عسل
صاجه واذا ضيعته وقالت اسفه شسوي بأسفها!!
وليش ماتنقل معانا؟! البلوه ان صفي فيه وايد من هالاشكال

والله انا كنت كرررررريمه لووول لا صج اي وحده تطلب دفتري اعطيها ياه جنه سبيل
لاني ما احب ارفض طلب حق اي احد
ومع هذا اكسب اجر فيهم

بالعكس ماطولتي حبوبة انا فاتحه هالموضوع عشان نتناقش واحب اعرف رايكم
وصاجه بكل كلمه قلتيها صج يبطون الجبد
ماقول غير الله يعينا عليهم

اي اذا اهي صديقتج وتعرفينها شي حلو التعاون
انا اتكلم عن البنات اللي بس سوالف بالحصه وقص حصص ويناشبونج بدفاترج وانتي تكونين ماتعرفين البنت ولابيئتها
يمكن يضيع او تنساه او حتى تقعدين اتطرين دفترج منها بالغصب ترده

احترم رايج والله يعطيج على نيتج

انا كسلانه .. و داشه أتطمش ..
عالشاطرات … وااااااي لعينات .. حدكم .. ونحيسات ..

لوووووووووووووول. .

اتغشمر وياكم .. حبيباتي .. بس هم مرات الوحده تكون من صجها تعبانه..

ومو لاقيه أحد .. و الدنيا مسكره بوجها .. وخليج على كلام الرسول بما معناه من فرج عن مسلم هما. . فرج الله كربة من كربات يوم القيامه ..

والله اوقات تطيح علي بنت من السمه .. و انا ضايعه .. و إني أدعيلها نهار وليل ..
بنت عطتني مذكرتها ..

السنه اللي فاتت وربكم للحين أذكرها لها ..وما أنساها .. وألحين لو تبي رقبتي سداده لها ..

لأن كنت بحالة .. ما يعلم فيها إلا ربنا .. كنت بسقط .. بس كله منها ..

كككككك
والله مولعينات النوري بس صج ضحكتيني
حسيتج اتقولين كسلانه وافتخر
لأ جد جد يبين البنت اللي عندها ضرووووف والبنت اللي تسولف وتقص الحصص
انا اتكلم عن الفئة الثانيه!
مشكووورة عالمشاركة العسل

لوووووووووووووووول
حبيبتي لا تعبين روحج انا لمن يصير معاي جذي أقولها ناقص الدفتر بكمله حتن لو تدري أنا جذابه عشان بعد ماتسألني وانا حره دفتري وكيفي والله:/
ويييييييييييييييييع ماحب هلبنات أااااااااااااااااااااف لوعو جبدي بقرقتهم وااي بنات أقولها حياتي أنا بنتبه مع الابله ممكن تسولفين بصوت واطي أتقولي أنتي شتبين ؟؟؟ واااااي ودي ودي أذبحها بس أبشركم يوم الاحد بغير الكلاس مابي اكون معاها عمى كسل وقرقه أنزين شلي يايبج قعدي بلبيت أبركلج ولا اطر بعد كشاكيل فووووووووووق شينها قوات عينها
ويييييييييييييييييييييييييييييييييييييييييييييييع صج محتره منها انا على طريف لو ماغيرو الكلاس صج صج بذبحها

والله الصراحه انا معاج

ليش البنات ياخذون الدفاتر

يسولفون و يضحكون و احنا نتتتتتتتتعب على ما نحل و اهم بارده مبرده الحل تنقله