|
|
السلام عليكم……………..
بنت انا بدش بسالفتي واتمنى انكم تساعدوني بليييييييييييييز … 
اول شي انا متزوجه اموووت بزوجي واحبه والحمدلله اهو يحبني بعد خذينا بعض على حب
فيه بينا مشااااكل بس تنحل بنفس اليوم والصراحه انا اكثر منه اتنازل واروح اتأسف..حته لو اهو غلطان وصدقوني يا بنات كل بيت فيه مشاكل لا تحاتون حالي حال بعض البنات( طحت على صور خطوووط وميموريات وحته بالطلعه خز بالبنات والاقوى من كل هذا طق)بس امشي الامور بمزاجي لان عندي قاعده بالحياة (صعب نبني بس سهل نهدم) فاحاول اكسر الشر وامشي بحياتي مرده الله بيهديييه مو هاذي السالفه طبعا !!
بنات انا صغيره بالعمر وزوجي يكبرني بواايد وانا حامل الحين وسبق اني جهضت ولله الحمد الله عوضني …
يا بنات المشكله مو بزوجي… أهله !!! عند خوات اعوذ بالله كانت العلاقه معاهم واااايد زينه بس للاسف زوود الميانه او اقدر اقول غيرتهم من كل يسويه لي زوجي
قامو يقلون ادبهم لا يسلمون ويقطون نغزات وما يكلموني خير شر !! ليش؟؟؟ حالي حالكم
زوجي يدري عن كل صغيره وكبيره قالي طوفي انتي عليج من امي وابوي والباجي بالطقاااق وقمت اطوف صرت مهانه وقلت ميخالف…
وبالتالي من كثر سبهم ونغزاتهم لي قمت كل يوووم افكر اقول انا شسويت لهم؟؟ليش ما يكلموني؟؟؟ما قمت حته اكل عدل
طحت على زوجي وقام طار فيني للمستشفى…
والدكتور بلغنا : نبظات قلب الجنين حيل سريعه>>>>>بطها بويه زوجي قال اظاهر المدام تبجي واااايد تره يأثر عالجنين
الظغط منخفض>>>>>>>>قال ليش ما تاكلين؟؟؟؟؟؟
والمشيمه عندي نازله…..
امبيه اذا الدكتور من نفسه حس وقال تره الحامل هرموناتها متلخبطه وااايد تعصب لازم اتحمل كلها جم شهر وتولد
ولا يرد يقول : اهيا حساسه… المهم طلعنا قام وشرالي اكل عشان اكل قتله كل هذا بسبت خواااتك ظل سااكت ولا رد
انزين……………..كل هذا من سوالف خواته يا بنات شالحل؟؟
مشاكلي معاهم قامت تأثر على علاقتنا…قاعده اشوف زوجي مو قادر يتقبلني كله يطلع وانا كل هالسنين بنيت علاقتنا وبالتالي خواته يهدمونها ؟؟؟ تعبي راااح بلااااش شسوي يا بنات والله يسبوني ويغلطون على اهلي وكله ابالهم احنا سحره حسبي الله ونعم الوكيييل ولا للعلم مره زفت خدامتهم زف بس عشان قالت لهم منو احلى وحده ردوا الخدم قالو فلانه(انا) احلى وحده ولا تشوفون شسوت فيهم…انا صغيره واهما تره كلهم كبااار بالعمر فليش يحطون عقلهم بعقلي والله زوجي قالي ياها مره
(انتي كبرتي بعيني صج انج صغيره بالعمر بس اعقل منهم)
واهوا قالي خلاص طوول فترت حمالج لا تزورينهم وقتله جدام ابووك اطلع بالشينه!!ناقصينه بعد يزعل
والحل؟؟؟؟؟اسكت؟؟؟؟؟احس اني مهااااااااانه
ارد الصاع صاعين>>>>كلهم بيوقفون مع بنتهم وبتكبر المشاكل!!!
انا افكر بنفسي وافكر باللي ابطني
اذا بتعرفون التفاصيل شنو يقولون لي مستعده اقولكم بس ابي رد منكم
تكفوووون يا بنات فيدوني
اهم ما عليج ريلج و عمج و خالتج و خواته حقريهم الحقران يقطع المصران
علاقتج معاهم خليها رسميه
ودامج تدرين عن سوالفهم يعني تدرين انهم مو صاحيين فلا تهتمين لهم
واصلي عمج و خالتج لان هذا من حقهم عليج و الباجي طنشيهم خلج رسميه جدا
ومردهم بتسنعون و الزين زين و بتحسفون
الحق حق ..؟؟؟؟!!!
لا يغلطون خل يحترمون نفسهم !!!
منو يرضا على نفسه الغلط..؟؟؟
شنو هذا ؟؟لا خل اهم يكبرون عقولهم ويحترمون انفوسهم
انتي مو مسويه شي شلون يسبونج ويسبون اهلج ويتطنزون؟؟
وربي لو مكانج افور ابهدل الدنيا اخااااف صج!!
وتبجين وحالتج حاله وحامل وقامته بقلبج ليش؟؟
قوليله انت لو تحبني تحط حد لخواتك
وروحه ما اروحلهم بالطقاق يطق اي احد يتكلم ولا نفسيتي
انتي عليج من زوجج وبسسسسسس
وشوفي اوقات مايكون فيها احد وزوري امه وابوه والسلام وعليكم السلام وطلعي
كلميهم بنفسيه خل يعرفون انج مو طوفه هبيطه لهم
قهرتيني ؟؟!!
كونج طيبه ومحترمه ومتربيه وخوش بنت هذا مايعطيج الحق تسكتين على الاهانه وتخشين بقلبج
شنو لو وحده فيهم ببيت حمولتها بترضا باللي ترضين فيه عندهم
قولي لزوجج هالكلام قولي انا ماني عبده عند خواتك وان غلطوا بغلط والله لو توصل لمدة الايد
كله ولا كرامتج
اشتطيت 
وخلي علاقتك بأم زوجك وأبوه بس وروحي لهم اذا ماكانوا خواته بالبيت يعني اذا راحن لسوق او مشوار
ولاتهتمين بخواته رضن والا انرضن بالطقاااااااااااق وباللعنه
اهتمي بصحتك وبحالتك النفسيه ولا تفكرين بشي اشغلي نفسك ترى مايسوون ظفرك
وانتي اصلا مهتمه حيل لهم ومعطيتهم اكبر من حجمهم ياقلبي هذولا حشرات وانتي بكرامه
ولاتخلين هالمشاكل تأثر على زواجكم انتي وصلتي الصورة لزوجك وهو اللي يتصرف
لاتقولين مو متضايق من تصرفات خواته الا يتضايق وصدقيني مع الوقت هو اللي راح ياخذ حقك
بعدين شلون تسمحين لهم يغلطون على اهلك يعني عادي يسبون اهلك عندك؟؟انتي الظاهر شخصية سلبيه
وهذولاااا ماتنفع معهم الشخصيه السلبيه المفروض من اول ماغلطوا على اهلك وصلتي المشكله لاهلك
يوقفون زوجك عند حده شهالمصخره مافوقهن رجال هذللي؟؟؟؟؟؟؟؟؟
والله ينصرك عليهم يااااااااااااااااااااارب
ترا احنا من طيب اصلنا و تربيتنا نحاتي الكل و نشيل هم الكل وودج تكونين محبوبه و سمعتج زينه عند الكل … بس اكو ناااااااااااااس حشاج ما ويه حشيمه
اقولج بعد مره الزم ما عليج ضناج باجر الله يحاسبج و ربي يسخرلج زوجج يا عمري و يقومج بالسلاامة
ترا احنا من طيب اصلنا و تربيتنا نحاتي الكل و نشيل هم الكل وودج تكونين محبوبه و سمعتج زينه عند الكل … بس اكو ناااااااااااااس حشاج ما ويه حشيمه
اقولج بعد مره الزم ما عليج ضناج باجر الله يحاسبج و ربي يسخرلج زوجج يا عمري و يقومج بالسلاامة
|
المشاركة الأصلية كتبت بواسطة اشتياق
 شلون تسمحين لهم يغلطون عليج ؟؟
الحق حق ..؟؟؟؟!!! لا يغلطون خل يحترمون نفسهم !!! منو يرضا على نفسه الغلط..؟؟؟ شنو هذا ؟؟لا خل اهم يكبرون عقولهم ويحترمون انفوسهم انتي مو مسويه شي شلون يسبونج ويسبون اهلج ويتطنزون؟؟ وربي لو مكانج افور ابهدل الدنيا اخااااف صج!! وتبجين وحالتج حاله وحامل وقامته بقلبج ليش؟؟ قوليله انت لو تحبني تحط حد لخواتك وروحه ما اروحلهم بالطقاق يطق اي احد يتكلم ولا نفسيتي انتي عليج من زوجج وبسسسسسس وشوفي اوقات مايكون فيها احد وزوري امه وابوه والسلام وعليكم السلام وطلعي كلميهم بنفسيه خل يعرفون انج مو طوفه هبيطه لهم قهرتيني ؟؟!! كونج طيبه ومحترمه ومتربيه وخوش بنت هذا مايعطيج الحق تسكتين على الاهانه وتخشين بقلبج شنو لو وحده فيهم ببيت حمولتها بترضا باللي ترضين فيه عندهم قولي لزوجج هالكلام قولي انا ماني عبده عند خواتك وان غلطوا بغلط والله لو توصل لمدة الايد كله ولا كرامتج اشتطيت |
نفس الكلام .. منتي طوفه هبيطه لكل من هب و دب والي بيزعل يطق راسه بالطووووفه
هالناس يفسرون الطيبه على انها ضعف للأسف !!
واجاملهم وبس لاتروحين لهم الا لما تولدين
والله يعينج عليهم عيشه تقصر العمر حسبي الله عليهم
مارحموج وانتي حامل اصبري والله وياج
حبيبتي إذا انتي ساكنة عندهم مو ضروري تنزلين بزوارتهم ، وإذا ساكنة بشقة بروحج لا تزورين بزوارتهم !!!!!!!!!!
زورسي بروحج ومو ضروري زوارة عالغدا ولا العشا ، تعالي بعد صلاة المغرب قعدي للساعة 8 ولا 9 وطلعي،
يا بنتي انتي مو طوفة هبيطة عشان يحذفون عليج كلام ويغلطون وهو قاعد يطالع بعينه وما يحرك ساكن !!!!!!
ابعد عن الشر وغني له …………..
لاتسكتين صدقيني في نوعيه من الناس ماينفع معاهم الطيب بيقعدون طول عمرهم ياذونك ردي عليهم ولاتسكتين عنهم اهم شي كرامتك ……
على قولتج اذا اهم مو صاحيين ليش اهتم واعور راسي
مشكووووووووووووووره
لا تهتمين لاحد الزم ما عليج نفسج و صحتج و صحة الجنين الي ببطنج و قللي روحاتج لهم
عشان انا محترمه وطيبه قامو يدوسون فوق راسي وريلي زاد الطين بله يوم شافووه ساكت قالو اييييه خل انمصخرها
انا اليوم بقول حق ريلي نفس الكلام اللي قلتيه !!! شجعتيني ماشالله عليج اسلوووب يحرج الواحد ببوق كلماتج وبقوله وعجبتيني
صج لو اهو يحبني يحط حد حق خواته…..والله خوش انا مرته باجر بصير ام عياله وصج تحملت انا بما فيه الكفايه جد طفح الكيل انا اليوم ماكو لازم احاجيه شجعتوني تسلمييييييييييييييييييييييييييييييييييييييين حبيبتي
ومشكوووره وااايد …فدييييييييتج…