شاكه بشغله وابيكم تساعدوني >>> بليز ترا صكت فيني الدنيا

مرحبا

بنات انا زوجي عنده ايميل وانا اعرفه بس مايستعمله كلللللللللش الا لما يسافر يدرس بره عشان نتواصل مع بعض >>> هالشي هذا حسب علمي

المهم اليوم و انا شابكه قمت اصلي رديت والا اللابتوب طافي شغلته والا مثل يوزر جديد واشوف الا ايميل باسم زوجي وتاريخ ميلاده وكاتبين عندك 35 مسج بس الايميل مسكر وانا ما اعرف هالايميل ولا عطاني اياه

المهم حفظت الايميل وحاولت ادخل حطيت رقم تلفونه لان هذا باس وورده الدايم ماتبطل وانا منقهههههههههههره اخاف انه يخربط والا ليش يعني ماعطاني الايميل

انا افكر اسويلي ايميل جديد واضيفه واشوووف شراح يسوي شرايكم؟؟

لحد يقولي طنشي وراح تخسرين اذا طلع يخربط و و و و انا وحده مو نوعي اتنازل واتحمل انا بس بتأكد واذا طلع يخربط بواجهه..

شرايكم شسوييييي والله منقهره

حبيبتي لاتخلين الشيطان يلعب براسج

يمكن مسوويه جذي عبط ولا يبي يشار ك بمنتدى بس مايبي بشارك بايميل اهله وربعه

إنتي أسأليه وأن شاااء الله بيقولج

مشكوره حنان عالرد
والله مادري شسوي

بنات زوجي رعي صلاة يقوم للفجر وخايف الله
معقوله يكون يخربط؟؟؟؟
هذا وانا متحمله شغلات عشانه

حسبي الله ونعم الوكيل

لا تكلمينه

بعد ما يامن يسوى شيء بالجهاز مال البيت وينطر لما يطلع بره البيت ويشوف من كمبيوتر ثاني

ونطري لما تخف التوتر تفكرين عدل

اذا هو راعي صلاة لاتخافين عليه

يمكن مسويه حق شيء ثانى مو شرط خرابيط

يمكن مال احد ثانى

انا برأيي ان تسأليينا بنية صافية و عفويا ان مثلا ( حبيبي انا فتحت الاب توب و شفت الايميل .. هل ايميل لك ؟ ليش ايميلك الي انتا معطيني اياه ما يفتح معاك ؟ )بسلوب وكلام حلو بدون ما اتبينيين اي شك … واتكونييين على نياتج

عنيده
غافله
تانا

مشكورين

مادري شسوي

لاتفتحين الموضوع
الريال لو عنده خرابيط بالنت
بتطفح لي برا النت
وكل وحده تحس وتعرف زوجها عنده غيرها ولا لا
لاتسوين مشاكل من ولا شي
خو هذا ايميل مو خط تلفون :s

هو صح كلامك شيء يحير

انتى حسيتى انه متغير صوبك او زادت طلعاته او مكالماته ؟

لا عادي بس قبل مرت فتره كان زوجي ينام بالصاله ولما ادش اشوف التلفزيون مبطل والليت مبطل عاد اقووله ليش ماتنام عندي يقول والله غفيت وتم على هالحال شهرررر عقب زعلت وبجيت وقلتله اذا نمت بالصاله مره ثانيه والله لازعل عليك وصارله اسبوع ينام بالدار عادي

هالشي شككني شدعوه شهر كاااامل مايحس ويغفي ؟؟؟

شوفي حبيبتي انا نفسج بس انا عندي الباسوورد وايميل ريلي بأسمه يعني يبين انه ايميل ريال … لقيت 15 ايميل ولما فتحتهم الا شي من msn والباقي استضافة من مواقع تعارف خرابيط علشان يغرون الريال واهو مايدري تخيلي … يعني لاتشكين بزوجج بعض المواقع اهي تدز اعلانات وانشالله ماكو الا العافية

حطى تلفزيون بدارك عشان ما يصير حجة ينام بالصالة

وبعدين قولي خير يقوله الله
وان شاء الله ماكو شيء

بنات انا وحده ما اصبر تصرفت غلط و تاكدت انه يخربط

دقيت عليه قلتله انت جم ايميل عندك قال واحد قلت اللي عندي قال اي

المهم دزيتله مسج باسم الايميل اللي لقيته قلت هذا من ايميله طول يمكن 10 دقايق عقب دق علي

قالي مادري ما اعرفه ليش
قلتله بس سؤال
قام يحن غصب قوليلي قلتله لقيته بالجهاز ولقيت 35 مسج
قال جان بطلتيه قلتله لا ما اعرف الرقم السري
قال مادري
جان اقول الظاهر مال جني

جان يعصب فجأه انتي شفصدج وانتي وانتي قلتله شفيك معصب انت مو تقول مو لك خلاص انا مصدقتك واذا انت عندك خرابيط الله بيكشفك

قال انتي مو صاحيه يمكن مال ربعي المشكله بنات الايميل باسمه وتاريخ ميلاده واهو دايم جذي بالمنتديات هذا نكه المهم قلت مال ربعك باسمك قال اي 3 من ربعي نفس اسمي وميلادي والمشكله اني اعرف ربعه كللللللللللهم بس واحد نفس اسمه
لا وتحسون متنرررررررررررفزز قلت اوكي قال باي باي وصكه موووو صاحي والله انه خاف

مالت عليه

يخربط والا مايخربط منتي طاقة ايدج بالسما
شوفي عطيه طاف ولاتصرين المباحث
خلية يلعب ليمن يتعب
مرده لج