|
|
السلام عليكم ورحمة الله وبركاته
كيفكم انا اول مرة اكتب هنا وبدخل في الموضوع على طول وياليت احد يشاركني في الراي والاقتراحات
انا توني متزوجة تقريبا بكمل شهرين على العيد
انا تزوجت بمنطقة غير عن زوجي واتفقنا انه ينقل دوامه بعد الزواج عشان امور النقل كانت تتطلب وقت مايتوافق مع وقت الزواج فخلاها بعده واهو حاب منطقتي كثير جهز الشقة في نفس منطقتي واثثها بالكامل وعشنا فيها طبعا وقت دوامه يروح لمنطقته ويجي نهاية الويكند وعاجبه الوضع الين تخلص امور نقله يعني متحمس كثير للنقل انا طبعا موظفة وهذا اللي خلاني من الاساس مااروح معه وكله على اتفاق بيني وبينه وكل درى انه بينقل دوامه عندي
اللي صار هالاسبوع اخته صار لها ظرف قوي يتحتم انه زوجها مايكون عندها لفترة ممكن تكون سنة سنتين مدري حسب الحكم اللي بيصدر واهو يعين يعني يقوم برعايةامه واخته اخته موظفة وعندها اثنين صغار ولا عندهم احد يقوم فيهم غير زوجي اذا زوجها موموجود وهذا اللي صار ولخبط امورنا وحطنا في دوامه وبالذات انا اهو مايبي يجبرني اجي منطقته لانه عارف اني ماحبها ونفس الوقت وده يعيش في نفس منطقتي انا ابي اعيش بالاستقرار عشان كذا اقترحت عليه اطلع من دوامي واقدم بمنطقته اهو احتار اكثر لان اخته قالت لاتجي هنا وتغير ترتيب حياتك عشاننا وبنفس الوقت يبي يستقر وانا متاكده حتى لو اخته قالت بندبر امورنا اهو بيجلس يحاتي لان البيت مافيه احد كبير اعرفه زوجي واجلس انا بزوج جسده معي وقلبه وكله يفكر باهله وتقلب نفسيته اكثر
توافقوني الرأي اني اجي عنده واقدم على وظيفة هناك عشان استقرار حياتنا ولا اصبر الين تضبط امورهم ولا ادري الين متى ولا الزم زوجي ينقل مع عدم المبالاة بظروف اهله اللي جت فجاة طبعا هذا مستحيل الاخير
طبعا الفرق بين المنطقتين 400 كيلو
ووظيفتي شرط ماتنازل عنه واهو عارف
اخته لو تجيب سواق ماراح يامن عليهم لان ماعندهم رجال في البيت غير المنطقة حقتهم لكم عليها
كون انهم من اخوان من ابو فما احد ممكن يمد لهم يد مساعدة واحنا شايفين وضعهم في الزواج يعني يحضرون مجاملات
انا من مبدا الاستقرار النفسي اولا وثانيا مابيه يتعود على بعدي وعدم تحمل مسؤلياتي
شاركوني ارائكم .gif "Eh S(17)")
وراح يصير تباعد بينكم خليج معاه أحسن والله يوفقج بوظيفة أحسن هناك
مافكرتي في انج تسحبينه عندج وتطنشين اهله
عفيه عليج بنت اصول
طبعا واكيد ولازم وظروري مايتخلى عن امه واخته
هذول اهله قبل لايعرفج واهم الابدا والاولويه لهم هم
هذي امه جنته وناره
وهذي اخته اللي مالها بالدنيا سند الا اهوو
وطبعا عيب ومنكر يخليهم ويسكن بمنطقه غير منطقتهم
اولا لانهم اهله
وثانيا لانهم عرضه وشرفه ولانهم بويهه
فمستحيييل ومحااال
انه يتركهم واذا تركهم مافيه خير
واذا مافيه خير لهله
مافيه خير لبنت الناس!
انتي اسم الله عليج عاقله
روحي مع زوجج
ضحي عشانه
ساعديه هذي ظروف قهريه
اعينيه ع البر بهله
وصدقيني انتي الراااابحه
اولا واخيرااا
لو توزعين جرايد احسن بكل موضوع بعد شوي افتح البطانيه انام القاج ترددين " بنات فيه منتدى دلنتي عليه … " واجي اغمدج بالبطانيه
ههههههههههههههههههههههههههههههههههههههههههههه
هذا أخوهم وواجب عليه يقوم في اهله
واستخيري و الله يكتب لج اللي فيه الخير
وهو يستاهل انك تنقلين للمنطقه اللي اهله فيها .. لانه في البدايه دور على سعادتك وعلى الشي اللي تتمنينه ( اللي اهو يكون عندك )
و اشهد انك بنت رجآل .. وَ بنت أصول
والله يجمعكم ويهنيكم وين ماتروحون ..
ولايشوفون غيركم يارب
جربي اجازة بدون راتب وشوفي عجبك الحال كملي ما عجبكيش الحال تبقي عملتي الى عليكي وارجع مكانك