شاركوني فرحتي اليوم آخر أيام النشاط

السلام عليكم .. شلونكم مدرسات وحشتوني موت .. اليوم رجعت البيت 2ونصف بس اليوم كان عيد عند كل المدرسات وحتى الطالبات والطلبة وكافة المعذبين في وزارة الحريم .. اليوم آخر يوم نشاط يعني خلص شهر مارس .. يعني يا مدرسات خلاص .. اسدل الستارة على بروفة يوم الثلاثاء تصدقون الطالبات اليوم كانوا أكثر ساعدة من المدرسات بس آه ..ل ووزيرة التربية تدري انه ما فيه أي فائدة ترتجي من هذا اليوم سوى العذاب والعناء للأهالي والمعلمات وزحمة الشوارع لا وضياع الوقت بلا فائدة نفس وجيه البنات المنحاشات من أول السنة لحد الحين وهم يلفون في ساحة المدرسة ما فيه عندهم نشاط غير الفرارة بالساحة والتخشش داخل الفصول وأحيانا ذا شافوا الناظرة انخشوا بالحمامات . الله يكرم السامع . يعني أكثر عيالنا وبناتنا ما استفادوا شئ .. بس زيادة لعناء والعذاب على المدرسة المسكينة وهي تطارد الطلبه لا وفوق هذا تلام على كل شئ ما علينا .. انا جاتني أكثر من افادة تدرون ليش لأن غبت أكثر من ثلاثاء يعني غصبن عني مريضة .. وما أدري ليش الوزارة تعاقب فقط من يغيب في هذا اليوم المبارك أستغفر الله .. بس قلبي قارصني يا بنات أخاف .. يكون هذا اليوم مقدمة لعاصفة تسونامي التربية ويكون السنة الجاية الله لا يقوله كل الأيام ثلاثاء يعني كل الأيام ما نطلع الا الساعة 2 هذا كلام سمعته أكثر من مرة ..
يقول راح تجيكم زيادة يا بنات بس لا تفرحون فيها يعني راح تكون اوفر تايم يعني ماراح نستفيد غير زيادة الهم والغم وتقول لنا وزارة التربية حللوا معاشكم ومارا نفرج عنكم الا الساعة 2 يعني زيادة هم ..أقول خل يستريحون بس .. ضيعوا التعليم هالحريم … أستغفر الله العظيم يا بنات أ التهاني .. شاركوني فرحتي .. اليوم آخر يوم نشاط استغفر الله العظيم واتوب اليه ولا حول ولا قوة الا بالله العلي العظيم .. حبيباتي نبي تفاعل معنا .. شاركوني فرحتي …….

ألف الصلاة و السلام عليك يا حبيب الله محمد

والله فرحت وااايد

لا إن شاء الله

الله لا يقوله

أنزين يطبقونه لما نتخرج أحنا

و أنتوا يالمدرسات تتوهقون >>^_*

على العموم

تقبلوا مرووووري البسيط و المتواضع

شكرا حياتي .. والله انا سمعت من احد الموجهين اتذكر قالوا انه راح يعطون الطلاب بالمرحلة الابتدائية أكل وبعدها راح تكون فيه اطالة في الدوام المدرسي يومها احنا قلنا استحالة يعطون الطلاب أكل مصاريف زيادة على ميزانية الوزارة .. هذا الكلام كان قبل ثلاث سنين أو ألابع بالكثير المهم يا الطيبة السنة هذه طبقوا الوجبات عطوا طلاب الابتدائي اكل وحطوا يوم الثلاثاء بروفة يومها صكت الدنيا فينا تخيلي والله العظيم الطالبات في هذا اليوم يكون استيعابهن أقل لا والغياب كثير في هذا اليوم واللي يقهر انج حتى لو كنتي مريضة لا سمح الله تأخذين لفت نذر على غيابج …….يعني يوم طويل كئيب ممل .. حتي لو تكونين مريضه غصبن عنج تداومين ……..استغفر الله تصدقين اليوم تخيلت نفسي طالبة مع الطالبات تدرين صكت في الدنيا .. قلت الحمدلله اني انولدت في العصر الذهبي وتعلمت على ايدي ناس وادارات وزراء يقدسون العلم ويحترمون المعلم اما هذه السنين انا ما احس اني معلمة …انا اقوم بكل الأعمال والقهر لما يطلب منج تدربين البنات على الرقص من أجل حفلة بصراحة احس اني سرت ارجوز وضاعت هيبتي أستغفر الله وأطفال صغار .. يتراكضون بالصف قدامج يصارخون .. ويزيد الصراخ والملل في اليوم ويقلون لج أبله متي نرد حق امهاتنا كأني أنا حابستهم يعني وحاطه الدوام للساعة 2 استغفر الله بس .. الله يعين وشكرا على المرور ..بس لا تدخلين سلك التدريس ..اختاري اي مهنة الا التدرس ….واذا عندج واسطة توسطي لي معاج …………..شكرا حياتي .

ويهي خير عليكم ——>

اليوم سويت مباشرة عمل
فقالت لي رئيسة القسم
حمدلله ما راح يحوشج دوام لي 2

افتكينا من هالحجى الفاضى طول اليوم نجمع بهالبنات وندخلهم فصولهم ويردون يطلعون شايشين بسبة هالنشاط

عموما اشوة افتكينا منه وانشالله العام القادم ماااااااااااااااااااافييييش للساعة 2

شدعوة فيه انجاز بهالنشاط
سالتكم بالله من انجزت شي عليه القيمة وطلع ابداع الطالبات خلا ل فترة النشاط

احنا مدرستنا خلوا حصة النشطة الحصة الأولى لوول افتكينا من النشاط مبجر..

وي فكة مالت على هالحصة البايخة

مابغينا

مبروك معلمات

راح يحطون معرض كبير حق النشاط طبعا وراح تكون الصورة الأولي
اما الصورة الثانية للأنجاز هي ضرب رؤوس المعلمين
والصورة الثالة هي لا بد انه يكون فيه ابداع للطلاب في جميع مدارس الكويت وونحط هذه الصورة

لج يا أبله وانت تطاريدين البنات أو الأولاد في ساحة المدرسة من الي باب ومن زنقة الى زنقة وفي الأخير تقولين والله وزارة التربية يبون لهم زنطة وفي النهاية تفوزين يا أبله بمارثون الجري والجائزة مناوبة في يوم الثلاثاء لأن لياقتج البدنية سارت عالية آه يا الليل ما أطولك وفي النهاية قولي تسقط الوزيرة نبي وزير ونبي تشيلون كل المسئولات الحريم من وزارت التربية وتفكنا من البهرجة اللي مالها داعي … خلاص الكلنكس وخلصت دموعي بس نبي نخلص الامتحانات بسرعة ونعطل ونفتك من العام الطويل وشكرا معلمتي…… وصبرا جميل والله المستعان

اول شي كللللللللللللللووووووووووووووووووووووووووووووووووو ووووش

بس والله بدعنا بانشطتنا خصوصا احنا يالعلووووووووووووووووووووووووووووووووووووووووم

الثلاثاء الياي ينتهي الدوام الساعة جم ؟؟

ايه والله ارتاحنا

اي والله افتكينا
تروح عشرين دقيقه عالفاضي بس مجمعين البنات بالصفوف ومسكرين عليهم ومتجابلين
لافايده ولاعايده

ايه والله واخيراا افتكيناا

احنا يوم الثلاااثااء ما نستوعب ولا شي واغلبيتنا يغيبون بهذا اليوم

–

هههههههههه حدكم مستآنسين ..
آلله لآ يغير عليكم ..