|
|
السلام عليكم بنات شلونكم شخباركم
ماأعرف اقول مقدمات ادش بالموضوع على طول ,,,
بنات انا ريلي دايما يحب يقعد مع ربعه و يتله فتره يوميا يروح عند ربعه يقعد عندهم من الساعه 7 المغرب ليه الساعه 12 بليل يوميااااااااااااااااااااااااااا وبما اني مغتربه و قاعده بريحاتي فيضيق خلقي حيييل وسألته شتسوي عند ربعك كل يوم تروح عندهم وعاد قال والله ماكو شغل بس سوالف و كوت بوسته و يشيشون
جان اقوله اوكي روح الله يحفظك
ومن راح وانا يتلي فكره غبيه
قلت بقلبي ليش ماتسويين ديوانيه حقج انتي وريلج في البيت يعني بدال لايروح الديوانيه بشقة ربعه انتي سوي ديوانيه ,
وثاني يوم الصبح ولدي بالحضانه وريلي بالجامعه وانا طلعت من المحاظره و رحت الجمعيه العربيه و شريت شيشه صغيره ومعسل وجنجفه وزهبت القهوه وانا بعد عندي دراعه ورديه طويله زهبتها يعني اتخيل انها دشداشه و ريلي يايب معاه من لكويت شماغ لشماغ علشان اربط براسي وبس و فكرت اسوي حق العشى شاورما وزهبت الاب توب علشان نشوف هذا سعود الورع باليوتيوب ونضحك عليه ونتكلم بالسياسه مثل مايسوون الديواويين لوول خخ وبس .
ومن دشيت البيت خشيت الاغراض و ريلي ياه وتغدا ونام و ولدي طلعته من الحضانه و رديت البيت ونام و انتهزت نومتهم العصر وحطيت كل هالاغراض الي شريتهم بالصاله وسنعت الصاله والبلكونه حق الشيشه وخليت الصاله شبه ديوانيه ومن قام ريلي من النوم المغرب على طول كان بيروح الديوانيه بس لما شاف الصاله جنها ديوانيه وانا قلتله بالسالفه اني مسويتلك شبه ديوانيه ضحك وقعد معاي واستانسنا بس ولدي يخلينا على راحتنا ؟ لا طبعا
واخر شي حصلت زفه عنونه منه لاني رحت الجمعيه العربيه وشريت شيشه يمكن واحد من ربعه يشوفني وانا شاريه شيشه شيقول عني مرتك تشيش ؟ لول
بس حدج جريئة تشترين شيشه
صح كلامه واذا شافج احد يعرفه
لو انا سوالي مصيبه
انا نفسج متغربه وزوجي يروح الديوانيه
كله كويتيين وشيشه وجنجفة
بس اخليه يروح لأن ما احب ريحة الشيشه
مووووفقه حبيبتي
الغربة وماتسوي خخخخخخخ (؛
بس حبيبتي عاد انتي لازم تنصحينه يبتعد عن الشيشة اولاً ماتجوز لأنها من الخبائث وثانياً لأنها مضرة له..
والله يوفقكم ان شالله وماطولون هناك،،،
بس احسن لو استغنيتو عن
الشيشه
الهدف انهم يغيرون جوو … وسوالف شباب وضحك … وفصلات … وتحدي … وكلام نابي ساعات ;d
فا يعني مستحيل اسوي الدوانيه افبيتي … لانها وايد بتكون انثويه … عن الي بالدوانيه …
بس فكرتج حلوه حبوبه 
وبالنسبه مثل ماقالوا احنا بالغربه لازم اشوي ريال يفج ويروح حق شباب مثله تغيير جو كافي مجابلنا ودراسه ولويه
لان بالغربه مجابلين بعض مو نفس الكويت الاتزامات وزوارات
فخليه يروح بس مو كل يوم لان بلشت دوامات
وتقبلي مروري