|
|
اااااااااااااخ والله مادري شقول بس بليز ديرو بالكم على قطاوتكم
قطوتي ماااتت :….(((( مسكينه صار فيها حساسيه بعيونها لي درجه عيونها قامت تتسكر مع الدوا والمراجعات تخف بس ترد مره ثانيه (( الدكتور يقول صغيره وجسمها ضعيف )) ليما المرض اثر على مخها بعد قلبي تعبت وماقامت تاكل ليما ماتت :…(( والله ماني قادره اوقف بجي كل ما احاول انسى اذكرها بالليل لانها كانت تنام على بطن اختها الحين اختها بروحها ومو عندنا حدي مو متخيله شكلها ااااااااااااااااااااااااااااخ والله قلبي يعورني عليهم
الله يصبري صج صج صج فاقدتها مو قادره انساها
وديربالج لى اختها ياقلبي صارت وحيده
والله مشكله يابنات اذا ربيتي حيوان وحبيتيه وتفقدينه حاسه فيج يالغاليه
بس ان شاءالله تنسين انتي سويتي اللي عليج
..وااااي حلآلآلآم..
>_<"..
ربي اختهـــا..
،.
وين اختها ؟ و جم عمرها ؟ و اي طبيب وديتيها ؟
انا جذي صار فيني لمن ماتوا كتاكيتي لمن كنت بالمتوسط
عقبها ما قمت اشتري شي لأنه ما اتحمل الفراق
الله يصبرج
شاكره مرورج حبيبتي
diva
عمرها 3 اشهر ووديتها العياده اللي بجبد لان كنا بالمزرعه جم يوم ,,, والمشكله اختها مادري وين احطها انا باخر الثامن راح ادش شهري لي ولدت الله يعيني حدي احاتيها
سمسمه
والله مجربه حتى الكتاكيت تفقدينهم امبيه هذوله حيوانات الله لايقول اذا فقدنا ادمي شبصير فينا حدي متأزمه
ام حشر
شاكره مرورج حبيبتي
ديري بالج على اختها طيها عند وحدة من اهلج ثقه على ما يرد الوضع اوكي عندج
حبيبتي ترى كله أجر في ميزان حسناتج لانج أهتميتي فيها ودتيها الطبيب .. وحـآولتي ..
أهتمي بآختهآ وديري بآلج عليهآ .. وكل شي ينقفد والله حتى الأعراض اللي تعني لنا نضيق لا ضاعت شعاد لو حيوانات تحس وتتحرك وتلعب .. الله يعينج
نشالله احصل احد يعتني فيها شاكره مرورج عمري
شموخي انثى
شاكره مرورج حبيبتي
بدويه
شاكره مرورج بعد قلبي شنسوي هذي الدنيا
مآجورة ان شاء الله
انا كان عندي قطو المسكين كان عيونه تدمع قلت عادي كل القطاوه من فصيلته يدمعون بهل طريقه الين ما شفته بطل ما ياكل و لون عينه
تغير فجأه صار ما يشوف و مات ><
وقتها بجيت عليه حيل حتى و انا بالدوام ابجي عند البنات على قطوي المسكين
الله يكون بعونج حبيبتي …
lojeen
تصدقين حتى سوشي اول شي ادمع عيونها يومين وانا مادري ما استوعبت قلت يمكن من الغبار بس شكيت وخفت لايصير فيها شي يوم وديتها الطبيب قالي حساسيه بس ماتوقعت تموت بسبتها !!!! مع اني ما اطوف الدوا اعطيها على طول والمراجعات هم مانطوفهم بس الله كريم