|
|
سوال عن رياض الأطفال .. الحكومة
السلام عليكم ورحمة الله وبركاته ..
بنات كويتيات وبالأخص الأمهات إلي عندها طفل او طفله في روضة الحكومة
عندي اسئل عن الروضات الحكوميه …
شنو منهجهم بضبط للأطفال؟
وشنو يعطون الاطفال من خبرات وغيرها …؟
وهل وجدتي استفادة على طفلك؟
هل اكتسب مهارات وتجارب جيده؟
والمهارات او الاشياء الي تعلمها هل عاديه او ممتازه؟
وشنو الماده التربويه والتعليميه الي يعطونها للطفل؟
واذا في سلبيات او مشكلات واجهتك مع المدرسات او الاداره او مع الماده الي يعطونها للطفل ارجوا ذكرهم؟
وشنو الي ما حبيته فيها؟
وهل تنصحين بالروضه الحكوميه او الخاصه للامانه؟
سمعت بعض آراء الامهات بصراحه كانت سلبيه فابي اتاكد
وهل صحيح انه روضات الحكومه كل رقص واغاني وبس من غير استفاده وتعليم؟
ارجوا المساعده انا ام جديده وبنتي على ابواب دخولها للروضه فأبي اعرف عن الموضوع
وجزاكم الله الف خير
ومنهج الروضه بالخاص اهوه منهج الابتدائي بالحكومه
والصراحه منهج الروضه غير الرقص والاغانى ما يعلمون
ومساعداتكم
نحن بالانتضار
وجان نسمع ردوووووووووود
انا ولدي على السنه اليايه راح ادخله الروضه
بس محتارة وين ادخله
ناس يقولون الحكومه احسن وناس يقولون الحكومه ماعندهم الا رقص و اغاني
؟؟
صج الللي عنده تجارب يا ريت يقولنا
عيالهم بالخاااااص
يعني لو نظام الحومه تمام جان دخلو عيالهم صح ولا لا؟
وبمادتي (الحاسوب) اللي المفروووووض انهم مدرسينهم حاسوب بالروضة وعندهم خبرة كامله عنه والله مايعرفون حتى شكله يعني يبون اعادة تأهيل من قلب …
وعندنا البنات اللي كانو بروضة خاصة والله حتى الامتحان تتهجى الحروف وتحاول تقراه ماشالله عليهم يعني فررررررررق …
منهج الروضة وااايد حلوو وفيه تعليم وسلوكيات وعلووم وحاسوب وكل شي …يعني خبرات متكاملة…
لكن…
ترجع استفادة الطفل على المعلمة نفسها…اكو ابلات يعطون من قلب ..واكو ابلات لا والله ..تقول معاشي ماشي ومايهمني!!!!
من ناحية ثانية….
عندج توجيه يمنعج من تعليم الاطفال الكتابة ..آنا كنت ادرس عيالي (الروضة) يكتبون اسمائهم والاعداد وبعض الكلمات واعطيهم تطبيقات توصيل وتحويط مشابه للابتدائي…
لكن يه التوجيه قالتلي لا …الطفل بالروضة بعده صغير ولا تضغطون عليه!!!!!
آنا عيالي الصراحة حاطتهم برياض خاص وكملوا فيها…
بس والله يستانسون بالحكومة اكثر ….وترى صج الفصول طبعاً بدون مقارنة الحكومة افضل والساحات والالعاب …
اذا انتي تعرفين مدرسة تعطي من قلب وعندها حب للرياض ….حطي بنتج عندها بالحكومة…
ومجرد نصيح ليزا …
اذا انتي ناويه تكمل بنتج مدارس خاصة حطيها بالخاص من الروضة..
واذا بس ناويه بالروضة …حراام يتغير عليها المكان وماراح تتقبل التغير ورااح يمشي مع الحكومة…
شنو منهجهم بضبط للأطفال؟ يعتبد تعلم الارقام بدون تركيز ولا مراجعه حصه بالاسبوع حصه وحده عرض الرقم فقط من غير كتابه ولا تعليم
وشنو يعطون الاطفال من خبرات وغيرها …؟
خبره عن اسم العائله اب اخ طبعا مو كتابه شفهي مو عرض كلمه لا بس مثقلا صوره اب نقول هذا اب (منهج متخلف ) -عن الاسلام عن الهواء عن النباتات من غير تركيز الحصه 20 دقيقه كل شيء بسرعه بسرعه
وهل وجدتي استفادة على طفلك؟ تبين الصراحه يتخرج يروح الابتدائي حتى القلم مايعرف يمسك وغير ماكوتحفيظ ايات مايعرف يكتب الارقام والاحرف
هل اكتسب مهارات وتجارب جيده؟ تجارب تصريخ المدرسه عليه من حكرتهم معاها تصرخ عليه وتسب فيهم وتخزهم ليمن يخافون
والمهارات او الاشياء الي تعلمها هل عاديه او ممتازه؟ عاديه
وشنو الماده التربويه والتعليميه الي يعطونها للطفل؟ جدول طفل الروضه اخذيه ساعه مطعم ساعه فرصه ساعه اللعب بالاركان داخل الفصل ثلث ساعه تدريس صباحا ونص ساعه تدريس خربوطي نهايه الدوام
واذا في سلبيات او مشكلات واجهتك مع المدرسات او الاداره او مع الماده الي يعطونها للطفل ارجوا ذكرهم؟
المشاكل الاطفال متفلعين من الالعاب اللي بالساحه لانشغال المدرسات عنهم
وشنو الي ما حبيته فيها؟
الروضه ممله للطفل منهج غير متطور
وهل تنصحين بالروضه الحكوميه او الخاصه للامانه؟
الخاصه افضل على الاقليحفظ ايات ويكتب الارقام
سمعت بعض آراء الامهات بصراحه كانت سلبيه فابي اتاكد
وهل صحيح انه روضات الحكومه كل رقص واغاني وبس من غير استفاده وتعليم؟
زيدي تصريخ وتوقيف على الطوف وطق
ارجوا المساعده انا ام جديده وبنتي على ابواب دخولها للروضه فأبي اعرف عن الموضوع
نظام الحكومه مشكلته واقف علي مزاجية الموجهه والناظره
يعني ماكو مرونه بالتعامل اذا المعلمه تبي تبدع تبي تسوي شئ غبر عن المألوف وتلقين الياهل عرفتي
وبيني وبينج انا ماشيه مع اليهال من اول السنه اعلمهم كتاتبة اسمهم واأحرف والأعداد بس الله لا يوريج من الشكاوي اللي يت من الأهالي بالمره مو متعاونين وعذرهم انه توهم روضه لي راحو الأبتدائي يصير خير بالذمه عاد هذا عذر والا أهما مالهم مقاقه لعيالهم
نصيحة مجرب الخاص أنفع لوووووووووووووووووول علي وزن الكويتي انفع
مع ان الياهل بهالعمر يكون ذكاءه أعلى مايكون بعمره كله ومستعد يتعلم ويتلقى وكثر ماياخذ معلومات يخزن ويستفيد منها وتركز بمخه …
ومايضره ان تعلم خو شنو بيوقف مخه يعني ؟؟
والحكومة ليلحين لا هذول يهال لا تعلمونهم شي خلوهم مثل الهمج …
المشكلة ان وااااايد في ابلات شطار انا الابله اللي وياي عقب ما رجعت من اجازة الوضع كانت تعطيهم واجبات
وبصراحة الموجهه قالتها لا تعطينهم ديري بالج يقدر اي ولي امر يشتكي بالمنطقة … مع انه الاطفال لي يومج هذا يسئلون عن الواجبات ويقولون نبي واجبات
وصج في ابلات يشتغلون بضمير وفي ابلات ……….. الله يهديهم بس
علشان ننحاش من الحكومه
بصراحه جزاكم الله خيرا
استفدنا وايد وفيدنا اكيد والحمدالله
بصراحه انابعد المشاورات والدراسات الاستراجيه والاقتصاديه
قررت انشاء الله الاتجاه الي التعليم في الخاص
والله المستعان
انا حاليا بنتي بحضانة القاده لطارق سويدان ممتازه وايد حابه المكان ومستفيده
بخليها فيها لم تكمل السن القانوني واوديها الباكستانيه الروضه
والله يكت الخير والصالح لي ولهم