|
|
.gif "Eh S(1)")
انشالله تكونون كلكم بخير و صحه و عافية …
أكيد سمعتوا كلكم مثلي عن زيت الخروع .. و ان البعض ينصح الحامل تاخذه عشان تسرع (تحمي) الطلق و يخليها تولد بسرعه .
أمس كنت عند دكتوري و سألته عن هالموضوع و عن المشروبات اللي تسهل الولادة و تسرعها و حبيت أفيدكم معاي قبل لا تسوون عمليات انتحارية .gif "Eh S(13)")
تضركم و تضرب بيبياتكم …..
قاللي بالحرف الواحد هالحجي اللي صج صج خرعني .. 
يقول ان زيت الخروع زيت ينحط أصلا حق المكاين .gif "Eh S(2)")
وانه له تأثير سام على الجسم و على الجنين ..
اللي يصير إنج لما تشربين الخروع تسببين تسمم للجسم اللي بدوره يعمل على طرد هالمادة السامه منه .. تبتدين تحسين بمغص و تعب و دوار ( أعراض التسمم) و بعدها تعمل أجهزة الجسم على طرد هذا السم و منها الرحم اللي تكثر انقباضاته لهذا السبب ..
والبيبي المسكين اهو المتضرر الأكبر من هالعملية اللي تقلل نبض البيبي و تخليه يتعب بسبب هذه الإنقباضات الغير طبيعية !!!
يعني بنات اشتسوى عليكم إذا عيالكم لا سمح الله صار فيهم شي !!!
اللي خلاج تتحملين هالبيبي 9 أشهر داخل بطنج يخليج تصبرين عليه جم يوم لين ايي بالوقت اللي ربج كاتبه
اللي تبي تسهل الولادة تبتعد عن هالأفكار المغلوطه و السموم .. و تكثر من التمارين الرياضية و الرطب و التمر و المشي و أهم شي الإستغفار و الدعاء في الأشهر الأخيرة و السهالات من رب العالمين ..
و ممكن تشربين الدارسين بس هم باعتدال و ابتعدي عن اي شي ممكن يضر جنينج , و لا تنسين تستشيرين طبيبتج قبل لا تقدمين على أي خطوة …
دعواتكم لي الله يقومني بالسلامة أنا و البيبي اللي ببطني .. و الله يسهل علينا و عليكم ..
هااا … للحين تبووون خروع ؟؟؟؟؟
اول مره اسمع هالسالفه
اللي اعرفه انه اهو مسهل للبطن ولو حق المكاين جان ما يعطونه بالصيدليات !
وحلفت انه مااخذه لو شنو صار من العذاب الي شفته
معني ماخذه بس قفشتين على عصير
.gif "Eh S(6)")
الله يسهل على الجمبع انشالله
صديقتي بعد قالتلي انه لما شربته نشف لها ماي البيبي
مادري عاد اذا صج ولا لا
وجم وحده اعرفهم خذو خروع تدهورت حالتهم .. واخوي اللي اهو ريال مره شارب خروع لانه مادري شنو فيه مريض وناصحينه يشرب خروع .. طاح بالفراش ثلث ايام لاهو حي ولا ميت ..ويها اصفر وحالته حاله بغا يموت .. .
نص القرشه
والله بنات بغيت اموووووووووووووووووووووووووووووت تكرمون من الترجيع والاسهال
ما بجيت من عوار الطلق … لأ …. بجيت من الهوايل اللي سواها فيني الخروع
بس اختي كانت تولد عند فوزيه القطان وقالت لها ان لمن تاحذين خروع وبكميات انتي تحددينها من كيفج وماتكونين مفتوحه
قولي الله يستر علي وعلى البيبي
الدكتوره تقول لازم اذا بتشربين خروع على لاقل تكونين معديه اسبوعين من تاريخ دخولج للشهر ومفتوحه على الاقل 2.5 سم
وعقبها تشرب خروع
اختي مرتين تروح لها وعقب ما تشيك الدكتوره على رحمها وكل شي اوكي تسوي لها توسعه اذا كانت محتاجه وعقبها تقولها شربي 4 قفاش خروع مع عصير مانجا …
وماشاء الله اختي سوت جذي لارجعت ولاسهلت ولا شي !!
عادي كلها جم ساعه وياها الطلق وتحملت لمن وصلت 5 سم وراحت الطبيب وولدت بالسلامه
بس ما اعتقد تسوي هالشي حق البجر
احط قفشه او اكثر شوي بعصير المانجا باليوم كنت اشرب مرتين او 3 مرات
طعمه كللللللللش ما يبين
بس !!!
ما سواااااااااااالي ولاااااااااااااااا شي
لا سهال ولا طلق ولا تقلصات ولا شي
بس كنت ابي اولد لني متشفقه مطفووقه
ويارب تولدين وإحنا وياج بألف سلامه بعد قلبي 