سمعوا دكتور المستوصف شنو قال عن بنتى

السلام عليكم .. شلونكم يا أمهات وشلون عيالكم .. ربى يحفظهم .. سمعوا سالفتى .. اليوم عقب ما رديت من الزواره العصر بنتى بس ترجع يمكن رجعت 4 مرات قمت خذيته لمستوصف صباح السالم ودشيت على الدكتور قال اول شى شوفى الحراره ورحت حق السستر وحطت مال الحراره جان تقول الله اى ده حرارتها 30 ؟؟؟ اثارى جهاز الحراره خربان

ويابت جهاز ثانى وطلعت الحراره 36 ونص .. قلت لها لو سمحتى أبى أشوف وزنها لان بنتى عمرها سنه وشهر ووااايد ضعيفه قلت عشان أتطمن وحطتها على الميزان وطلع وزنها 9 كيلو !!! المهم خذيتها ودخلتها على الطبيب وقال مافى حراره تمام وقلت له عن الوزن جان يقول وااايد ضعيفه وفحص راسها جان يقول اليافوخ مو مكتمل بعده قلت دكتور عادى انا حتى ولدى الكبير يافوخه اكتمل لمن كان عنره سنه و3 شهور تقريبا .. وسألنى تمشى قلت تخطى شوى جان يقووووووووول نموهااااااااااااااا مو طبيعى واحتمال فيها كسااااااااااااااااااح ولازم تتحول على مستشفى مبارك ودش علينا دكتور ثانى وقاموا يتكلمون انجليزى وقال كساااااااااااااح وعطانى ورقه فيها اشعه وتحاليل عاد أنا طلعت من المستوصف بس أبجى وطرت فيها على مستشفى دار الشف ودشيت على الطوارئ وخذوا الحراره والوزن ودشيت على الطبيب وقلت للدكتور السالفه وأنا أبجى والدكتور فحص كل شى اذونها وراسها وبلاعيمها قال بالنسبه للوزن بنتج ضعيفه ومع التغذيه والمشهيات وزنها ان شاء الله يزيد بس مو شى خطيرررررررررر وبالنسبه للكساح قال بنتج توقف وبدت تخطى الكساااااااااااااااح معناته انها ما تتحرك وبنتج تتحرك وتوقف وتخطى وبعدين الدكتور شلون عرف فيها كساح بدون تحاليل وأشعه وبالنسبه للترجيع هذا انذار لبداية النزله المعويه .. قلت الحمدلله والله انهم خرعووووووووووووووونى قال انسى كل الكلام اللى قالج اياها دكتور المستوصف … أترك لكم التعليق يا الغاليات

ياعمري ماتشوف شر بنيتج و انشالله اتقوم بالسلامة و على اطبة المستوصف ولا المستشفيات الحكومه انا اصلا حاطه عليهم X لو شنو ما اغامر و اروح لهم عندي اروح الخاص و اقط فلاس و لا اروح الحكومه .

اول شي الف الف الحمدلله على سلامة بنوتج .. والله انتي تسولفين قلبي يرقع .. هالمواقف موبس تعور القلب الا تحسين بقمممممممته اعوذ بالله منها .. والله يستر على عيالنا من هالاشكال من الدكاترة اللي مادري من وين يايبين شهاداتهم .. الله لايعوزنا وياكم لهم يااااارب ..

الحمد الله علي سلامة بنيتج

مستوصف صباح السالم اللى فية كلش مايفهمون الإسبوع اللى فات وديت بنتي ايدها مجروحة لفوها لها بشاش وضباب بعد يومين فجيت الضباب ولا الشاش لاصق بالجرح والجرح ملتئم علية

يالله يالله مع زيت االزيتون والكريمات قدرنا نشيل الشاش …….

لو مخليتة يوم بعد جان خاط الجرح عل الشاش ؟؟؟؟؟

اي هذا المستوسف قطييييييييييييعه مالهم خلق روحهم ديري بالج أهم شي الصحه لج ولعيالج ىلا تودينها اي مكان

حبيبتي ماتشوف شر ….. وديري بالج عليها

بنت اخوى فقيره معاها حراره والمستوصف بس هالمضاد والادول فقيره وصلت حرارتها 40,6 وعلى الادول

من المستوصف الحلو

وداها دار الشفا قال انا شاك بشى سوا تحليل وطلع اللى شاك فيه صح معاها التهاب بالبول وهو سبب الحراه وعالجوها يومين وخلاص

لو على المستوصف لى الحين فقيره تعانى

الشر ما ايييييج يا قلبى .. والله مره ثانيه لو عيالى فيهم نشله بوديهم خاص .. ما تسوا على الخرعه

الله يسلمج يا قلبى .. انا لمن شفت الدكاتره تجابلوه ويتحجون انجليزى وعافسين الويه مت من الخرعه والله قلبى بغه يوقف .. وربى يحفظ عيالنا

واي لا كلش ولا مستوصف صباح السالم لوووووعة

3 مرات بنفس الاسبوع اوديلهم بنتي اسمالله عليها كبيرة تفهم تقول اذوني تعورني ويقولون مافيها شي وعلشان اذيتهم كل يوم رايحة رادة عطوني ادول ..
اخرتها انبط الغشاء ونزلت صديد ماتت وحيت حبيبتي لين قامت اتصرررررخ وديتها حق دكتورتها بغت تطقني تقول ليش جذي مهملين البنية حرام ماتت من العوار ..

ومرة وديت بنتي مفيها شي غريب يعني التهاب اذن هم قالي مافيها شي بس حرارتها 40 انا مستغرب ليش حرارتها 40 فحولنا على مبارك جان ريلي يقول خل يولييييي البنية تفرك باذونها يعني شنو ؟؟ وطبعا من ثاني يوم وديناها خاص وطلع التهاب بالاذن ..

مادري شنو مشكلتهم هذول ؟

الله يسلمج حبيبتى .. صج ما يفهموووووووووون

الشر ما ايييييييييج يالغاليه ومشكوووووووره يا قلبى

خو مستوصفاتنا ما يعطوووووون غير الادول

توووووووووبه بعد أودى عيالى للمستوصف .. ربى يحفظ عيالنا

اطباء الحكومه تخصص تخرع
يزت ما قمت اروحلهم
انا عيالي كله اوديهم الهادي

سلامة البنوتة الف سلامة