سمعوااا اخر اخبار لجنه المرأه البرلمانيه ياليتهم ما حطوااا لجنه

محلياتالاثنين 15/3/2010 العدد:837 | المزيد
لجنة المرأة ترفض منح الأرملة إجازة بمرتب كامل
رفضواا النائبات خواتنا بحجه ان المده طويله… صح الكلام يعني ما تقدرون اتقللون المده يعني مثلا سنه سنتين ثلاث مو ترفضونه مره وحده ….
اقرأ الموضوع تحت
د. أسيل العوضيرفضت لجنة شؤون المرأة والأسرة برئاسة النائبة الدكتورة معصومة المبارك الموافقة على اقتراح النائب شعيب المويزري بشأن إصدار قرار يرخص للمرأة الموظفة المتوفى عنها زوجها الحصول على إجازة خاصة بمرتب كامل من تاريخ انتهاء عدة الوفاة حتى بلوغ الأولاد سن الـ18 أو زواج البنات.
وأوضحت مقررة اللجنة النائبة الدكتورة أسيل العوضي سبب رفض الاقتراح بإجماع آراء اعضائها وهو أن مصلحة الوطن أهم من مصلحة الفرد، مشيرة الى أن هذا الاقتراح سيؤدي الى استنزاف الكثير من موارد الدولة في الرواتب دون أداء عمل مقابل لها، فضلا عما سيؤديه ذلك من حرمان المجتمع من العناصر النسائية الفعالة وإفراغ سوق العمل من كوادره الفنية والمهنية.
من جهته، استغرب النائب شعيب المويزري عدم موافقة اللجنة على الاقتراح برغبة الذي تقدم به بشأن إصدار قرار يرخص للمرأة الموظفة المتوفى عنها زوجها الحصول على إجازة خاصة بمرتب كامل من تاريخ انتهاء عدة الوفاة حتى بلوغ الأولاد سن الـ18 أو زواج البنات.
وقال المويزري في تصريح صحافي إنني كنت أتمنى موافقة لجنة المرأة والاسرة على اقتراحي هذا، مشيرا الى ان المرأة التي يتوفى زوجها تبدأ مرحلة صعبة، وتواجه هي وأبناؤها الحياة منفردين، ونظراً لذلك فإنه تقدم باقتراحه لمراعاة الظروف الصعبة التي تواجهها المرأة مثل تربية الأبناء ومتابعة تعليمهم والإنفاق على رعايتهم الصحية ومواجهة غلاء المعيشة وتوفير سبل الحياة الكريمة لهم.
وأضاف المويزري ان كل ما سيق يستلزم بقاء الام مع أبنائها بعد وفاة زوجها ليكونوا تحت نظرها وبين أيديها، وحتى لا يتأثر الابناء بفقدان والدهم ومعيلهم ومربيهم في نفس الوقت.
وتابع قائلاً: وكنت أتمنى أن تشعر لجنة المرأة بما ستواجهه أختها المرأة عند فقدانها لرب الاسرة ومعيلها الوحيد من صعاب في هذه الحياة

بيييييه ضحكتني كلمة استنزاف موارد الدولة

يعني لو بيحسبونها راح يلاقون عدد الأرامل قليل … اشدعوه عليهم هالإستنزاف.. والمره بهالحاله بتجابل عيالها و تربيهم ويصيرون ذخر للكويت لازم يراعون حالتها النفسيه وشعورها بمسؤوليتها كامله تجاه عيالها .. اشعجب!!ما تستاهل يعني!!

بصراحة صح كلامهم يعني اذا الوحده زوجها مات وعمر ولدها سنه تقعد 18 سنه معاش كامل خلاص بعد تتقاعد احسن لها

والله المويزري بدع

هما ما كانو بيعطون كل رب اسره وكل بالغ باللالاف

اشوف ما قالوا استنزاف موارد دوله

والارامل من كثرهم

صج لا يفلح قوم ولوا امرهم لمراءه

هالحريم ما أقول مالت عليهم
إلا أقول مالت علي الي رشحهم………………… ولا تعيدونها وترشحونهم
أصلا كلهم حاقدين على المرة
ثنتين منهم عوانس……………. ما عاشو الحياة كحريم ولا جربو اليهال والمسؤوليات والدوخة وعوار الراس والقلب
ووحدة مالقت واحد كويتي ياخذها قامت خذت موكويتي ……………. يعني عيالها مو كويتين
مع احترامي للحلوية الجاسر وتحفظي بعد على أراءها
يعني للأسف كلهم مااااااااااااااااااش
لا وثنتين منهم طلعوا تبع الليبراليين الي يبون التحرر الزايد بالكويت وحاطة وبها دوب الحشمة والتكانة

أنا موو مأيده أصلاااااا من البدايه سالفة الحريييييييم بالمجلس والله ما ينفعونا بشي ,,,,
هذي معصووومه تراااكض تبي تجنس عيال الكويتيات اللي أبوانهم أجانب …(عشاااااااان نفسها وعشااان عيالها أجانب )

بس بيني وبينكم هالأقتراح ,,,مادري أحس ماله داعي ,,,أوكي أرمله بس بتقعد 18 سنه يمشي لها معاش وهي قاعده بالبيت ,,,مايصير

لو سنه معقوووووووووله ,,,بس 18 سنه غللللللط …

صح معاها حق الارملة يمشي لها معاش زوجها كافي عليها شنوو بتنهبون يعني
اقتراحاتهم كلها فلوس بفلوس ماشفنا شي عدل
بس يبون يحلبون البلد ويبوقون
وعاد الارملة بتجابل عيالها ولابتتزوج وكل يوم من ديرة لديرة والعيال على الخدم هذا الواقع

خووووش اقتراااااح ….

والله يفكنا من هالنائبااات السعااالوه ….

ليش حبيبتي ماااله دااااعي …؟؟؟!!!

بالعكس له داااعي … الله يعين الأرمله …

شدعوه 18 سنه وايد … والبنات لما يتزوجون يعني احتمال اكثر من 18 سنه !!!! معاهم حق الصراحه

بذمتكم من دشن المجلس ..سمعتوا وحده فيهم تكلمت وطالبت في شي لمصلحة

المرأه الكويتيه؟؟ للأسف اولا" ماترشحوا باختيار الشعب..الحكومه فرضتهم علينا ونجحتهم بطريقتها..

ثاني شي:الدنيا كلها بصوب ووجود نائبه تمثل الشعب وهي ماتحجي كويتي هذا بروحه مصخره!!

ثالث شي: وحده جنست زوجها وعيالها والثانيه تاخذ قروض بالملايين والثالثه معطينها ارض منحه قيمتها شي وشويات

مادري شالمناسبه!! والرابعه مايندرى شماخذه بعد…ماقول الا الله يفكنا من مجلس الامه ماعاد نبي مجلس بس يترشحون حق

البوقات والهوشات بين بعض واستجوابات..وياعيني عينها الكويت حاطها ايدها على خدها تنطر احد ضميره صاحي يجي

ياخذها ويركض فيها ليما يوصلها طابور الدول المتقدمه..الله يجيبه لج ياعيني عينج ياديرتي..

نفس رايي بالظبط(مافلح قوم ولو أمرهم إمرأه)..

الله يعين

المشكلة كلنا صوتنا واحد الي إهوة ضدهم مااااااااااااااانيهم طلعوهم برة المجلس………زبس ليش صوتنا مو مسموع؟؟؟؟؟؟؟؟؟؟؟؟؟؟
خصوصا لجنة المرأة لاتدشها ولا وحددة منهم
صاج النائب الس قال المراة عدوة للمراة وناقد عليهم بس شيسوي