سمعت كلام رفيجاتي واكلتـها ؟؟ وحدي متوهقه الحين ؟؟

هااي بنات .. بدش بموضوعي سيدا …
بقوولكم مشكلتي بنات انا توني عروس وعمري 22 صارلي 9 شهور متزوجه و بدايه عرسي رفيجاتي يتكلمون عن الحمل وانج بتحملين وانا بالجامعه ويقولون توج صغيرا ووراج دراسه واهم متزوجات المهم قالولي اكلي حبووب منع حمل قبل العرس بشهر لان وحده منهم مجربتها وحملت عادي وانه ماعندي خوات ولا احد يقربلي اساله عن رايهم بالي بسوي وامي مره عيوز وقتلها جان تقولي سألي احد او قالت لي لا لاتاكلين المهم ان رفيجاتي يقولون دورتج منتظمه وراح تحملين بسرعه الزبده اني اكلت حبوب منع حمل ياسمين 3 اشهر من زواجي وبعدين هديتها لان امي كله تهاوشني وتقول هديها مع العلم انها ماكانت تدري اني شريت وكليتها بعد شهر علمتها وجان تعصب وبعد شهرين هديتها المشكله بنات ان ريلي يبيني احمل وانا خاايفه حيل وبسوي تحليل اخاف يبين اني كنت ماكله حبوب وانا هادتهم صار لي 6 اشهر بنات قولولي شسوي ادري اني غلطانه وسمعت كلام هالبنات الي ماورااهم خير والله قاعده ابجي وانا اكتب .. خايفه يبين اني اكل حبوب وانا ريلي يموت فيني ؟؟ شسووي تكفوون الي صار لها مثلي تقولي لما سوت تحليل بان شي عن الحبووب ؟؟

مايبين حبيبتي انج ماخذه حبوب بس انتي روحي سوي تحاليل وتأكدي انه كل شي سليم ومره ثانيه لاتسمعين كلام البنات مو كل رفيجه تبي الخير حق رفيجتها

ان شاء الله البنات يفيدونج

بس ما اتوقع انه يبين في التحليل

عدل كلامها مايبين

بس روحي لدكتوره نسى وقولي لها كل شي بدون ماريلج يدري وبتسوي تحلييل وبتقوولج ضرج ولا لا
وانشاءالله كل شي اووكي

بس موزين الوحده تاخذ حبوب اول زواجها جان خليتيها مانع طبييعي باتفاق مع ريلج

اكبر غلط عملتيه الله يهديك بس بكرية وتاخدين حبوب اذا احنا اللي تونا بكريات وحملنا باول حمل ونخاف نطول بالحبوب بعد الحمل الاول انا بعد حملي الاول اخدتهم 5 اشهر بس وهديتهم الحين قبل 4 اشهر وللحين ماحملت بس على ماسمعت انه يبقى اترهم 5 او 6 اشهر ان شاءالله مافيك الا العافية والحمدلله انك وقفتيهم لانه لو استمريت عليهم سنة او اكثر ممكن يسبب عقم وانتي باذن الله مافيك الا العافية

روحي للدكتور أحمد الشاذلي لانه مريح وحدتى اذا تبينه ما يتحجى بشي توصينه ومايقول

مشكووووووووووووووووورين حبااايبي والله ريحتوووني

لا ما يبين

لا يا قلبي ما راح يبين بالتحاليل بس مرة ثانية لا تسمعين كلام رفيجاتج

لا قلبي ما يبين و طبيعي اول ما تهدينهم يضل مفعوولهم جم شهر بالجسم بس اذا رحتي
طبيب نسا وولادة قوليلها كل ش بصراحه و اذا ما تبين ريلج يعرف روحي بروحج و قوليلها اذا يه ريلج معاج ما تييب طاري
و انشاءالله تحملين باقرب وقت انت قوليله ان التاخير بداية الزواج شيء عادي و بشرينا

لا قلبي ما يبين و طبيعي اول ما تهدينهم يضل مفعوولهم جم شهر بالجسم بس اذا رحتي
طبيب نسا وولادة قوليلها كل ش بصراحه و اذا ما تبين ريلج يعرف روحي بروحج و قوليلها اذا يه ريلج معاج ما تييب طاري
و انشاءالله تحملين باقرب وقت انت قوليله ان التاخير بداية الزواج شيء عادي و بشرينا

حبيبتي ما اتوقع ان اياخر حملج الحبوب لانج كليتيهم 3 اشهر بس وهذا ما ياخر الحمل

روحي لدكتورة نسا وسوي تحاليل وسونار عشان اتعرفين سبب تاخرج بالحمل

وبعد ماتطمنين على نفسج خلي زوجج يحلل يمكن يكون السبب منه

لا مايبين في بنات يقعد مفعول الحبوب وتسبب لها مناعه شهر شهرين او 3 أو أكثر وكل وحده على حسب جسمها اناأعرف وحده خذتهم وبعد ماتركتهم شهرين وحملت

وبصراحه انتي تسرعتي ونصيحه لاااااااااااااااااتسمعين كلام أحد وأحسن شي استخيري قبل تسوين شي عشان لا تندمين بعدين

ختي كل مرا يختلف هرمونها عن الاخرى وانشاء الله مافيج الا العافيه بس انصحك بالدكتور ماجد الشمري عجيييييييب ودير بالك تاخذين اي موانع وانتي توج متزوجه

فديتكم ريحتوني عسى الله يريح بالكم