|
|
مرحبا لاحلى منتدى بكل مافية
حابة اطرح عليكم مشكلتي ويمكن تفيدوني بحلولكم…..قبل فترة صارت مشكلة بيني وبين ريلي وكبرت السالفه لدرجه ان الكل تدخل فيها من اهلي واهلة…كانت لحضة غضب وانفجرت ماقدرت اصبر رحت وشكيت لاهلي وطلبت الطلاق رحت لاهلي
وبعد ماهدت اعصابي بعد كم يوم ..قعدت اتكلم مع نفسي وقلت والله مااخلي وحدة من بنااات ال…..يخربون بيتي وياخذون زوجي مني…بعدها دقيت على زوجي وتاسفت لو باني دخلت الكل وبعدها رجعت للبيت وهو ماطلب مني …للعلم انا اهلي بديرة وزوجي بديرة …المهم اهو استقبلني بالمطار وسلم علي وانا كنت مطنشيته…وبعدين راضاني وكل واحد اعتذر للثاني والحين بعد كم شهر تذكر السالفه وصار يزعل من دون اي سبب واضطريت اني اتكره فترة ورحت عند اهلي ….ولما بغيت ارجع قالي انا مسافر ولما سالت وين بتروح قالي ماادري …المهمضليت تقريبا شهر عند اهلي لايكلمني ولا شي وقبل العيد باسبوع ارسلت لو مسج اني اشتقت لو وابي ارجع ….
وقالي انو يكرهني ومايطيقني وقام يتذكر كل المشاكل ..قلت لو انا احبك وشاريتك وماابي اخسرك وقلت لو خلص انا تعلمت من ذيك التجربة وكانت درس لي وفهمت الحياة زين عطني فرصة اثبت لك اني تغيرت حتى بتفكيري ..قعد يقولي لاترمين نفسك علي وانا مصرة اني ارجع لو باي طريقة وقلت لو خلي الناس تعيد الحين وتفرح وبعدين الي تبي تسوية انا موافقه ورضا وحددلي يوم ارجع فية…المهم رجعت لايكلمني ولاشي صرت البس واتكشخ واتحرش فية ويلمسني عادي بس المشكلة ماصار يقعد بالبيت…..وضليت ساكتة مااتناقش معه ليش تاخرت وليش ..وليش…حتى لما كان ينام برا ماكنت اتكلم كنت اضحك وانا من جوا محترقه…لين مااكتشفت انو رايح للمغرب وقايل لاهلو اانوا رايح للصين وانا ماقالي وين راح واكتشفت انو جايب هدايا لاهلوا وانا ماتذكرني بشي وكل هذا ماتكلمت ولا تناقشت..وسكت وصرت اضحك واسولف وهو ولا يتكلم… وبعدين تعبت قلت لازم يدري اني انا اعرف عن خرابيطة وقلت لو انت وين سافرت مارد علي وبعد كم يوم قالي روحي عند اهللك وعصبت وقلت لو ليش ماتبيني انا تغيرت المشكلة انو يقعد ساكت ولا يتكلم تعبت نفسيا لاني ادري اذا سافرت بيقولي ال ترجعي وقلت ادري انك سافرت المغرب وماتكلمت لان الكل داري وانا اخر من درا وانت ماكرهتني بخصوص المشكلة الي صارت بينا انت فيك شي صاير لك شي خلاك تكرهني الي قالوا انتي وش دراك اني رحت للمغرب وشو الشي الي خلاني اتغير عليك قلت لو لو اعرف كان ماسالتك وصار يتاخر بالليل وقلت لازم اكسبوا الحين قبل لااسافر وسويت اجواء في البيت شمع وحركاااااااات وانا قعدت اتحرش فية ومشى كل شي تمااام بس المشكلة انو ماصار يتكلم معي ولا يسولف حتى بالفراش مايطلبني غير انا اتحرش فيةوكملت على هالحال بنفس كل شي الضحكه والشكل مرتب وعلى هالحال من شهر عشرة للشهر ذا واهو الحين ارسلني عند اهلي …وسافر لانوا يدرس انتساب …وصار لي اسبوع ادق وارسل مسجات ولا يرد علي ولما طلبت انو ايرسلي فلوس ارسلي لاني محتاجه اصرف وماابي اهلي يدروا اني جيت من دون مصروف وتشكرت لو انوا ارسلي مصروف ..وقلت لو اني مشتاقه لو ابي اسمع صوتك لاني ارتاح لما اكلمك تخيلوا بعد هالمسج سكر التليفون وربي تعبت ماادري ايش بسوي وانا ماابي اخرب بيتي لاني احبة احبة احبة …وماابي بنت ابليس تاخذ زوجي بكل سهوله …تكفون ساااعدوني الله لايحرمني منكم مالي غير الله ثم انتم اشكيلكم حالي لاني وعدتوا اني ماراح اشكي لاحد من اهلي او اهلو ا بس تعبت قولولي ايش اسوي تكفون
.gif "Eh S(14)")
ز
بسكم خلاص ما كوشغل
اليوم اليمعة والله ادعي من قل قلبي على لي يشوهون صورة المغرب وما راح انسامحكم
ويوم الحساب خلي ريلتج ينفعتج
وسالفة السفره ماتعتبر كبيره قد الكلام اللي هو يقوله
يعني الرجال يقول كارهج ولا تقطين نفسج هذا بالاول وبعدين اوكي رجعتوا لو هو مسامحج من داخله كان رجعت المياه لمجاريها وصارت المعامله طيبه مثل الاول
المفروض هاليومين تقعدين معاه وتتفاهمي وتقولي له لو بخاطرك شئ قوله خليه يفضفض يمكن اشياء وايد مكدرته بس مو قادر يقولها
خليها قعدة مصارحه بينكم وتقربي منه اكثر لو تكلم وقال اللي عنده ولو فيه ملاحظات حاولي تتقبلينها برحابة صدر وقد ماتقدري حافظي على بيتج
والله يسعدج
اول شي حولي انج ماتقربين منها لانه راح يمل منج ويفكر انج لازقه في شوفي حبيبتي اي رجال بالدنيا اذا ضمن انه زوجته
ما تقدر تستغنى عنه يتغير عليها والسبب انج ماتقدرين تخلينه خلج عنده بالبيت لاتروحين عند اهلج لاتعطينه فرصه يلعب
من وراج لما تشوفينه داش عليج هلي ورحبي في وشوفي طلباته خلج حواليه بس مو تتحرشين وتلزقين في خلي كلامج معه اكثر
من العسل مثل اذا ناداج (هلا حبي , هلا ابو بو عيالي , هلا برجالي , حيالله سندي بهالدنيا) ترى الرجل يستانس على الكلام الحلو
تدرين الرجل ليش يخون او ليش ينحاش من بيتها ؟ لانه يحس بنقص ويبي يروح حق اي وحده تحن عليه وتملي هالنقص الي عنده
عاد بنت ابليس ما يقصرون بالكلام الحلو الدلع تلقين من يدق عليها لي يسكره وهي (ها عمري وها حبي انت يابعد هالدنيا باي حياتي انت )
هو دايخ بهالكلام وده مايسكره منها بس لو شغله او الغثه الي ناطرته بالبيت جان قعد وياها لي الصبح..
وثاني شي انا من الله خلقني ما احب هالدولتين ( اندونيسا والمغرب) ياختي كلها بلاوي وسحروه لحظه زوجج يصلي ولا لا حطي
قران بدارج شوفي زوجج يتضايق او يقوم يطلع لما يسمع القران ولالا اذا يتضايق ويحس انه مخنوق اعرفي انه *** اعوذ بالله
اذا طلب منج ماي جيبي له ماي مقري عليه مع كل هذا راح تعرفين…
والشغله الثالثه قومي كل يوم الساعه 2 الفجر صلي ركعتين قيام اليل والاستغفار وادعي انه الله يهدي لج ويسخره
قال رسول صلى الله عليه وسلم: ((ينزل ربنا إلى سماء الدنيا كل ليلة حين يبقى ثلث الليل الآخر فيقول من يدعوني فأستجيب له من يسألني فأعطيه من يستغفرني فأغفر له . . )).
وعسى الله يهدي لج يارب…
حبيبتي رجلج قالج روحي لبيت اهلج قولي لا والله هذا بيتي ووين روح لهم وانت رجالي
ثاني انتي تقولين رجالج يروح المغرف في شسيء اسمه جواز ما تعرفين تخشينه
ثالث تقولين انه يسافر للدراسه انتي مرته من حقج تروحين ويه شحق تنثبرين بالبيت بروحج قولي رجلي علي رجلك وابي روح وياك واذا سافرتي ويه تتغير نفوسكم ويتغير طبعه
انتي للي غلطانه من اولج كله علي بيت اهلج وكلج لزقه فيه وكلج تضحكين بيني ل ه انج متضايقه قوليله للي بقلبج
شغلي القران كل يوم والله يعينج
انتي عندج عيال منه ولا لاء
واحد رااعي سفرات … وموشايل مسؤولية زوجة وبيت
واللي قهرني ادزين له مسجاااات … ولا يرد عليج …شنو اللي شاغله ؟؟
وبعدين … هو يسافر …. ليش دراسة ولا وناسة … ؟؟
عسى الله يهديه
و الله يعينج
كثري من الاستغفار