سرطان الثدي الله يكافيكم شره خايفه يابنات

شلونكم بنات ابقولكم شي انا صارلي تقريبا 8شهور احس بعوار بصدري اذا ركضت او كنت نايمه انا قلت يمكن من الدوره بس بنات انا من زمان تيني الدوره وماعمري حسيت بعوار بصدري ورحت مستشفى لندن عند دكتوره مصريه وفحصتني وسوت اشعه مقطعيه واشعه عاديه سونار يعني ونص ساعه واهي تفحص وتقول سويتي فحص مادري شسمته اي ماموغرام على ماظن وانا اشوف في الأشعه مثل كور وايد بعدين قالت مافيج شي هذا العوار من الغده المفاويه؟ شنو يعني مافهمت وطلعت الحين بنات رد على العوار انا مارضع واخذت رقم دكتوره هند الناصر اوهدى الناصر وبروحلها بس من عنده فكره عن سرطان الثدي او الله يكافيكم شره تعرفون احد فيه تكفون قولولي لاتهملوني

حبيبتي لا تفاولين ماكو الا الخير وطمنينا

ان شاء الله ما فيج الا العافية

مدام الدكتورة قالت لج انج سليمة لا تحاتين بس مافيه مانع تتاكدين اكثر

انشالله مافيج الا العافيه

مرات الغدد اللمفاوية تسويلج عوار فترة وبعدين يروح

ومدامها شافتج وقالتلج مافيج شي

انشالله مافيج الا الصحة والعافية، وعسى الله يبعد عنج وعن اهلج كل شر.

عشان ترتاحين وما تحاتين كل وقت، روحي عند أي دكتور وسوي فحص سرطان الثدي، وهذا ضروري حق الوحده اذا تعدت سن الثلاثين هالفحص.

الله يطمن قلبج انشالله، وطمنينا عنج حبوبة

ان شاء الله تعالى ما فيج الا العافية لاتحاتين ومادام قلت لج مافي شي خلاص لاتفكيرين وايد ترى التفكير اهو المرض واذاتبين تاكدين سوي اشعةالموموغرام ترى حتى الحكومة يسونها

حبيبتي في دكتوره انا سامعه عنها وتخصصها هالشي

اسمها مرفت الصالح .. بالجابريه عيادتها
خل تسوي لج سونار وان شاء الله مافيج الا العافيه لا تحاتين

إن شاء الله مافيج إلا العافية ولاتخافين ولاتحاتين هالأشياء ما لها تأثير بس يبيلها متابعة كل ست شهور يعني ياخذون عينة من الأورام ويسوون سونار للتأكيد فقط انا نفس الشي صارلي وقالي الدكتور ان هالشي طبيعي ويصيب اغلب النساء سواء كانو يرضعون او لا والالم نقدر نتحمله لأنة نفس الغزات فترة وتروح وانا وخواتي فينا هالشي ولله الحمد كل هالأورام عبار عن غدد واكياس ماي يعني شي طبيعي لاتخافين

الف سلامه اختى شوفى هالموضوع يمكن يفيدج

فحص ذاتي لسرطان الثدي بالصور

https://q8yat.net/showthread.php?t=130552

حبيتى لا تفاولين ان اشاالله ما كو شى
و الحين الطب تقدم تصدقين اعرف وحدة صار فيها وسوت العملية وخذت الكيماوى والحين الحمدالله ما فيها شى ان شاالله لان طلعت ادوية وشغلات تعالج وقالوا لها العلاج 70 او80 بالمية يعتمد على النفسية والقليل يعتمد على العلاج وتفاءلى بالخير تجيديه ان شاالله