سذاجه بعض المتزوجات في انها تطرش رفيجتها حق ريلها

اشلونكم ياحلوات
موضوعي اليوم احس ضروري ان نتناقش فيه عن غباء بعض الزوجات للاسف
تشك بزوجها ان خربوطي تقوم وتكلم رفيجتها على اساس تقول لها اتصلي عليه جنج غلطانه وشوفي ماهيته اذا عطاج ويهه قولي لي
انزين انتي ماتسمعين عن سوالف الرفيجات الي يبوقون رياييل رفيجاتهم
رفيجتي سولفت لي عن رفيجتها بالدوام انها جذي شاكه بزوجها وطرشت عليه رفيجتها مطلقه ويوم اتصلت عليها جان تقول لها انا وزوجج بالشقه مع بعض وتوه نام معاي وبصراحه حبينا بعض وهذه شقته اهو ورفيجه وانا مو اول وحده ينام معاها زوجج اهو خانج ونام مع بنات وايد والنتيجه انها تهاوشت مع زوجها ومع رفيجتها وافضحت زوجها عند اهله واهو قام يبجي ويتحجج واسف وسامحيني ومادري شنو واهله طردوه من البيت لان ابوه يصير عم الزوجه اخو ابوها يعني اهي وزوجها عيال عم والسالفه واصله لي الطلاق
انتي بالاساس غلطتي اشلون تطرشين رفيتج تختبر زوجج هذا اكبر غلط
الوحده قد ماتقدر تبعد صديقاتها عن زوجها ولاتسولف عنهم جدامه وفي حريم الله يهديهم مادري وين عقولهم
ووايد سمعت سوالف من هالنمونه تطرش رفيجتها تكلم زوجها علبوا بتشوفه يتجاوب معاها ولا لاء والنتيجه خاويني واخاويج واخذ ريلج واخليج

اتمنى اسمع اراءكم بهالموضوع

حركه قديمه ومكشوفه والرياييل يعرفونها

ايييييييي والله معاج حق استغفر الله ماكو مخ

لو شنو ماأطرش حق وحده من رفيجاتي حق زوجي

واساسا التنبش ورا الزوج حركه مو حلوه

حتى لو تبين ادقين على زوجج وتلفونج ناسيته ولا شي حاولي ماتتصلين من رقم رفيجتج << الاحتياط واجب

ورفيقتها ماشاءالله ماصدقت خبر !!
قالتلها اختبريه ! راحت تنام معاه !!
لا صراحة عندها ذمة وضمير وقامت بالمهمة على أكمل وجه !!
وأصلا سواء أرسلت رفيقتها أو هي نفسها ،
يعني أنا وحدة من رفيقاتي شارية خط جديد ، تبي اتحرش بزوجها وتشوفه يعطيها وجه والا لأ !!
وبغيت اطقها ! يعني أول مرة اشوف وحدة تحفر لمذبحها !!
خلاص اذا انتي ماصدتي عليه شي ! وربي ماكشفه لك ! تعوذي من ابليس وعيشي حياتك !
ليش تدور المشاكل غصب ؟؟؟

ايوالله الحين الزمن صااير الواحد مايمن كلش
خاصه حركه التليفون واني اتصل منه

>>والله وحده من رفيجاتي احاجيها وكله تقول عطيني رقم زوجج اختبره لج وانا اقول لا مايحتااي لانه بيدري انج من طرفي

ولما كلمتها وانقطع الخط بينا وارجع تتصل فيني وقلت انقطع الخط قالت خلاص روحي اتصلي علي م تليفون ريلج قلتلها لا مو بالبيت
>>صرآآحه الله يهديها ماادري شتبي >>بس الحمدالله تزوجت وارتحت

اي والله الي تسوي جذي مع احترامي لها حدها غبيه ومافيها ثقه بنفسها كلش

بنت ابليشس ولقت ريل رفيجتها يايها على طبق من ذهب شنو تتوقعين منها ؟اكيد ماتصدق خبر خو للاسف في حريم فصخوا الحيا على الاخر ورفيجتج نصحيها لاتزن على خراب عشها
وايد حريم يتوهمون خيانات ازواتجهم ويفتعلون المشاكل الله الهادي

وااااااااااي شهالرفيجه الله يعينج عليها لو انا مكانج كنت اخليها تولي واضح ان غرضها مو شريف الله يكفيج شرها

حياكم اشكركم على مشاركاتكم ونورتوا يا قلبي ويؤسفني ان ليلحين في حريم جاهلات قاعدين يطبقونها يا عالم اصحوا لاتخربون بيوتكم بايدكم

وازيدج من الشعر بيت وازيد من تصرفات الغباء :
اللي تشتري خط على اساس تختبره
واللي تسوي لها ايميل يديد وتضيف ريلها فيه
اللي تسوي نفسها قاعده تتكلم بالتلفيون او تتكلم مع وحده تعرفها واول ما يشوفها تسوي حركات تخليه يشك فيها

والله يهديهم ان شاء الله

صح حركة قديمه واغلب الرياييل يعرفونها

انا انصدمت مره وحده دقت على ريلي بالغلط والظاهر من الي يشيرون ارقام وتبي تسولف ريلي ماعطاها ويه وقالي السالفه

وقالي على ان غشمره عباله اني انا دازتها عليه صج انبطت جبدي وعصبت عليه ليش احط نفسي بهالموقف وافتح النار على نفسي

بس انا غبيه وايد اسولف مع ريلي عن وحده من رفيجاتي والي اسويه حده غلط

يسلمووو على الموضوع

الحمدالله والشكر فاضييييييييييييييييين والله ماعندهم مشاكل

الرجل مخلوق بصري

يعشق بعينه

فالافضل عدم ذكر تفاصيل سوالف واشكال البنات

سوو مثلي

كل عرس انا احلى وحده

كل مناسبة بدلتي احل بدله

كل مناسبة رقصتي احلى رقصة

لين سويت له تعتيم اعلامي

فوفو

حبيبتي صاجه لووووووووووول
عسى الله يرزقج بالوظيفه الي في بالج يارب

والله لو اموت من الشك والغيرة مااسويه الواحد احيانا مايأمن في أخته اروح اطرش رفيجتي هذا كلام فاضي وع

قولة المثل وعلى نفسها جنت براقش