|
|
الســـــــــــــــلام عليـــــــــــــــــكم
قريت كثير من مشاكل المتزوجين ولاحظت اغلبهم يقولون انا وزوجى دايم نتناجر وماندرى على شنو الهوشه حتى او تقول انا احبه وهو مايحبنى او يحبنى بس مايعرف يبين مشاعره تجاهى
فى هالموضوع بنتكلم عن استراتيجيه الحب بين الزوجين واختلاف كل شخص فى طريقه تعبيره لحبه او شعوره بحب الطرف الثانى
فى بعض كتب علم النفس سوا دراسات للمشكله الزوجيه العاطفيه عشان يعرفون استراتيجيه الزوج والزوجه ومدى التوافق بينهم
يقول واحد من هالكتب غالبيه المتزوجين يكونون يحبون بعض بس ولا واحد يحس بحب الثانى 00ليش !!
هنا راح نعرف السبب واختصرها بالامثله المبسطه
يمكن بعضكم سمع او قرا عن انواع البشر ناس بصرى وناس سمعى وناس حسى كل واحد له ميزه منها تقدر تجذبه صوبك او تلفت انتباهه من نقطه معينه تكون موجوده بشخصيته
المثال:لما يكون الزوج بصرى والزوجه سمعيه
اهو يظهر حبه لها بالهدايا والمشتريات والرحلات والزيارات ويرسل لها بوكيه ورد وكل شى واهى رغم كل هذا تقوله انت ماتحبنى طبعا الزوج يستخف ويقولها سويت لج وفعلت لج ومابين بعينج تقوله ايه بس تشتري لى لكن عمرك ماقلت لى احبج –لانها سمعيه تبى تسمع كلمات الحب ماتى تشوف الحب مثل زوجها البصرى
مثال ثانى:يكون العكس الزوج سمعى وهى بصريه ويقعد اهو طول الليل والنهار يتغزل فيها ويقولها كلام حب رومنسى والزوجه تقوله انت بس شاطر بالكلام وقت الصج انت ماتحبنى وطبعا يستخف هم الزوج يقولها كل كلامى ماحسسج بشعورى تقوله اوكى ورنى هالحب اشتر لى هديه ولا خلنا نسافر ابى اشوف الحب بعيونى واصدق حبك مو بس تتكلم على الفاضى
خواتى كل طرف له استراتيجيه حب معينه شوفى انتى شنو ميزتج وهو زوجج شنو ميزته وعطيه الحب الى اهو يبيه مو انتى الى تبينه واهو يسوى العكس يعطيج الى تبينه انتى مو الى اهو يحدده
افهميه وخليه يفهمج قبل تزعلين منه ولا يزعل منج
ملاحظه
الامثله موجوده فى كتاب قدرات غير محدوده للكاتب انتونى روبينز
من صفحه 198 الى 199
للى حابه تتاكد وتشوف بنفسها صدق هالكلام
انشالله اكون افدتكم بالمعلومه البسيطه
انا عندي كورس ان ال بي انشالله قريب
كوين عند منو بتاخذين دورتج؟
انا حاجزه عند دكتور نجيب الرفاعى بعد العيد انشالله تبدا الدوره
اتوقع اذا ماغيروني
لانها من الدوام
