ساهمو معنا لعمل حملة لتزويج البنات تحت شعار

ادري العنوان غريب
بس الأغرب ؟؟؟
سوالف البنات
مواضيعهم كلها >>> أبي اتزوج >>> عندكم رقم خطابة ؟>>>>>دورولي ريل>>>>> مطلوب معرس موديل 2024 والمهر علينا

اخذ وحده وعليها 3 بنات مجانا ؟؟؟؟؟!!!!!!!!!!!!!!!!!!!!!!!!!!1
أي شي ؟

البنات شفيهم صارت فيهم لهطة عالزواج توها عمرها 14 توها بالغة تبي تتزوج
بعدين اللي حسبالها ان المنتدى والا الخطابة والا الكلام بالتلفون مع فلان وعلان اهو اللي بيزوجها
غلطاااااااانه

نصيبج اللي الله كاتبه اييج لي عندج بس قوي ايمانج وثقي بالله

ادعي لج وللي تحبينهم زميلاتج خواتج ايا كان الدعاء بظهر الغيب مستجاب
وطدي علاقتج بربج لان هو الرازق الوهاب المعطي

ولا احد غيره
لا خطابة
ولا مصبنه

ولا علاقات من تحت الطاولة

حطيت الموضوع بقسم الزوجية عشان نفيد خواتنا اللي مو متزوجة وقاعده تحوس بينا وتقرا المواضيع اللي المفروض ما تتطرق لها عشان كل وحده تحط تجربتها بالزواج

عشان يعرفون ان النصيب يصيب وبدون مراكض

انا عن نفسي كنت مقدمة وظيفة ببنك وكان ريلي مدير الموارد البشرية مع ان عمره 27 بسسسسسسسسسسس فقدمت
ودق علي عشان المقابلة
ورحت المقابلة عصرني فيها عدل وقال لي نطري تلفون يدقون عشان يقولون لج اذا اوكب ولا لأ
والله العظيم والله يشهد على كلامي ثاني يوم الصبح امه دقت على أمي
وحبينا بعض بعد خطوبتنا
لان خطوبتنا كانت خطوبة مصاروة
4 سنين لين خلصت المعهد عشان امي ماكانت راضيه لين اخلص
تدرون ريلي شيقول :
مرو علي بنات كثر شعر راسج بس كل وحده تدش علي تبي تطيحني يعني والله محد يابني كتاف الا ثقلج
وبعدين ايي الحب

شفتي ان نصيبج اييج لي عندج ياريت الاخوات يحطون تجاربهم معاي عشان نشجع بناتنا الحلوين

اي والله صح كلامج يعطيج العافيه

ربي يخليلج زوجج ويحفظكم لبعض ويدوم السعاده عليكم <<<<<< بعدي تو الناس على الزواج هههههههههه

هلا ومرحبا / اختي : حرم راشد الماجد ( ليش راشد الماجد ؟؟؟ مو من زينه يذكرني أول بسايق عندنا كان يشبه لووووول )

صاجه بموضوعج ، الزواج قصمة ونصيب والملجه تنكتب بالسماء قبل الارض باربعين يوم ، وانا انصح البنات ( انا تزوجت وعمري 29 سنه ) لا يكون همج الزواج بس صح ادعي ربج اسأليه الزوج الصالح بصلاتج . بس بحياتج العامة اهتمي بأشياء ثانية – هواياتج القراءة الرياضة التطوع باللجان الخيرية المشاركة بالمنتديات . وفي اشياء وايده تقدرين تسويهنا قبل حنة الريل وصيحة اليهال .

بالتوفيق يا بنات والله يرزقكم الزوج الصالح

اي والله صاجه
يس شنقول والا شنقول
توهم اصغار
والنصيب يصيب لو بآخر العالم

لانه الحين غير قبل الحين الكل متفتح والكل شاف الدنياا وغيره تلفزيون نت افلام طلعات دوامات الكل مختلط بالناس فتلاقين الكل يشوف الي حواليه ويبي يسوي مثله ,,

تخيلي انا عيل شلون تزوجت راده من المدرسه مسائي وكانو ناس بيخطبون اختي ونزلوني انا بدالهاا لانه واحد متقدم لهاا قبل ولانه الي متقديم لناا اهل ابووي ,, وحطوني بالامر الواقع وسبحان الله صار نصيب يعني النصيب يصيب لوو شنــو ,,

صاجه ان البنات مالازم يستعيلون على نصيبهم اللي الله كاتبه بيشوفونه.. بس همن البنات اللي مو متزوجين ودهم يفضفضون ويشكون همهم خاصة ان بعضهم ينحرجون يصارحون اقرب الناس لهم بمخاوفهم هذي ..يعطيك العافيه عالموضوع بس عندي تعليق على عنوانك بجزءه الاخير( ملينا نلم المخده)اشوفه جريء وجارح..

حبيبتي اذا العنوان جريء
ابي اتزوج مو جريء
عندكم رقم خطابة مو جريء

صاجة والله ياحرم راشد الماجد اتصدقين احنا ماكنا جذيه اشفيهم هالبنات ميتين علي الريل والله لاحقين علي الغثة وعوار القلب حسبالهم طلعات ولعب وسفرات مايدرون ان الزواج مسؤليه وتضحيه والزواج قسمة ونصيب واللي مكتوب لج راح تاخذينه والله ذكرتيني بسالفة كنت اشتغل بنك وام ريلي يعني خالتي كانت عميلتي واهي اخطبتني حق ولدها وحسبالهم اللي بالدوام احنا نحب بعض وكنت لااعرفه ولا يعرفني وهذا يسمونه النصيب اما الحين تشوفينهم هالمكياج والعطر الفوااااااح عن بعد والضحكة والعلج اللي يلعب بالحنج والدلع بالكلام ليش كل هذا علشان ريال سامحوني علي كلامي انا اقصد البعض وليس الكل كل وحده بتاخذ نصيبها وعن الحنه بتزوجين صدقيني بتزوجين

عندي بنت عمتي تكسر خاطري عمرها 29 قريب تصير 30 وليلحينها ماتزوجت واهيا مو الي من النوع الي يحن
بس مرات تشوفين الكسره بعيونها اختها الي اصغر منها تزوجت وانا اصغر منها مخطوبه
والله انا بصلاتي ادعي بس حق اختي وحق بنت عمتي وسبحانه الله اشوف انا الي قاعدين ايولي الخطاطيب
وصج كل شي قسمه ونصيييب ماكو احد ياخذ نصيب احد

كلامج عدل والله حسبالهم اذا ترصصت وتعطرت بتتزوج الرياييل نظرتهم غير البنات يفهمون هالاشياء غلط
واشكر تفاعلج حبي