|
|
السلام عليكم ورحمة الله وبركاته
كل عام وأنتو بخير وعيدكم مبارك يالغاليات
غبت عنكم فتره لظروف بس ساعات أدخل لكن السموحه من بعض العضوات اللي راسلوني عالخاص وما قدرت أرد عليهم
طبعا اللي متابعيني يدرون أني سويت عملية شفط دهون من البطن وحقن المؤخره والسيقان هذا كان على شهر 2 وشهر 6 حقنت الخلفية مره ثانيه وذكرت في آخر رد لي إني راح أسوي زنودي وظهري كله وبحقن الخلفيه للمره الثالثه >>>> بصراحه أبي دهوني 
ألحين بقولكم على كل الملاحظات
طبعا قبل كل شي كان في بنات يسألوني إذا كنت متزوجه وشلون أقنعت الزوج فأنا مو متزوجه هذي النقطه الأولى
ألحين بقولكم عن عمليتي الأولى :
– شفطت بطني وصوب خواصري وكانت النتيجه رهيبه بس بنات للأمانه أنا على شهر 6 ومع الأمتحانات كنت بس آكل ونسيت أبو الريجيم والرياضه والحركة فردت الدهون شوي وهي الدكتوره قالت لي أصلا الشفط لو تسوينه وما تحافظين على نفسج ترد الدهون بس مو نفس الكمية القديمة علشان جذي قلت لها بشيل هالزوايد اللي طلعت مره ثانيه
– المؤخرة بعد الحقنه الثانيه بصراحه ما فشت وصارت وااايد أحلى بس لأنه المنطقه صارت لينه يعني في مجال تتعبى بعد قلت لها فووووووقه والله العظيم بنات أني بالحقنه الثانيه لو بقول أنها بس فشت بنسبه 5 % مو مثل الحقنه الأولى اللي فش تقريبا 40 % والحقنه الثانيه بتاريخ 23 – 6 وأحنا ألحين 9-9 والله بنات للحين محتفظه بالإستداره ( وبقولكم معلومه بنات كل ما الوحده حوضها عريض كل ما بانت النتيجه أسرع وأحلى يعني جنيفر بس أنا للأمانه الدكتوره قالت لي حوضي صغير علشان جذي قاعده أحقن جم مره وصوب الجوانب علشان أوصل للنتيجه اللي أبيها بالضبط )
– السيقان من شهر 2 لليوم الحمدلله محتفظين بجمالهم ورشاقتهم ولا أفكر أسوي فيهم شي لأن النتيجه وااااايد عاجبتني
بالعملية الثانيه اللي ان شالله أسويها بيوم الأثنين 13 – 9 ( دعواتكم بنااااااااااااااااااات 
)
– بشفط زندي لأنه فيه نسبة دهون وشحوم وتكتل
– بشفط ظهري كله من الزوايد الصغيرة والزغاديد
التكلفه 800 دينار مع رسوم المستشفى 400 بالسلام والكورسيه للظهر والزنود 65 عليكم الحسبة
سألتها عن العوار قالت شفط الظهر في آلام وأنا بصراحه الألم اللي حسيت فيه بالفعل هو حقن السيقان بس قالت لي أهون منه قلت له خلاص ما عندي مشكله مدام أنه أقل في الألم من حقن السيقان
وأي سؤال أنا حاضره
وانا من الناس الي سالوك ومارديتي وطبعا عاذرتك مشاغل الحياة وظروفها ماترحم
حابه اسالك عن تعبئة السيقان كم كمية الدهون الي احتاجوها ؟؟ يعني كم حطيتي فيها انا سيقاني معصعصه وماني سمينة لها السبب اسال
وبعد ودي اسالك عن شفط البطن والزنود ماترهلوا لان اختي تبي تشفطهم بس خايفة يترهلون وهنا بتكون المشكلة اكبر
بسألك ياحبيبتي
فخوذك كيف سويتي جراحتهم .؟
وبطنك والزنود كيف ؟
اقصد فيهم اثار او لاا ؟
وكمان جراحة البطن ؟
وتسلمين ياحبيبتي
وحآفظي على الي سويتيه ..حرآم عوآر عـ الفآضي ..!
هلا وغلا حبيبتي والله يسلمج ياااارب
دارين
تسلمين يالغالية على كلامج الطيب
مجرد اسم عابر
هلا وغلا حبيبتي والسموحه يالغالية
وبخصوص تعبئة السيقان هي مالها كمية محدده يعني الساق تحقن لين توصل لمرحلة الإمتلاء بحيث أنه بعد الحقن خلاص الساق ماراح تستوعب كمية أكثر وعلى فكرة هالمنطقة وايد حساسة لأنها بسرعة تنشد وللأسف أن أكثر منطقه حسيت فيها بالعوار
وبخصوص شفط البطن أنا بالعكس بطني كلش ما ترهل والزند بإذن الله راح أسويه يوم الأثنين مع ظهري
شموخ أنثى
المنتدى منور بوجودج وبوجود خواتي
وراح أجاوبج على أسألتج
فخوذك كيف سويتي جراحتهم .؟
أنا ما سويت فخوذي أنا شفطت بطني وحقنت المؤخرة والسيقان وبإذن الله يوم الأثنين بشفط الظهر كله والزند
وبطنك والزنود كيف ؟
ان شالله بسوي بطني لأنه في زوايد بسيطه وبشفط ظهري كله وزنودي
اقصد فيهم اثار او لاا ؟
يوم شفطت بطني مافيني ولا أثر من العمليه لأني ما شديت مجرد شفط
وكمان جراحة البطن ؟
الشفط عباره عن فتحه صغيرة مو شق
وأي سؤال أنا حاضرة
فلانه
هلا وغلا حبيبتي وصاجه بعد العملية ان شالله أحافظ على نفسي ما يسوى علي هالتعب كله يروح
عيدك مبارك وعسي يارب تتهنين بالنتيجه تدرين اول مره اروح عياده تجميل بعد ماقررت اني افش ظهري وزنودي لان حيل متضايفه منهم والرجميم مافاد
ورحت للدكتوره شرين ياحليلها بشره ونصوحه والله يعطينا خيرها ويكفينا شرها ويكتب اللي فيه الخير
وارجع واقول صج فرحت يوم شفتج هنيه لان قعدت احاتيج وقلت عمليتي ان الله اراد مااسويها الا لين تبين عطر البوادي والحمدلله اللي عطرتي الصفحه بتجربتج والله لايحرمج اللي تبين انا وياج وكل البطاااااااااااااااات الحميسات
بعد عمري حبيبتي والله ياارب ينولنا ببالنا
عاد تذكرت شي بقوله
يوم براجعها على أساس تحط لي موعد العمليه جان تقولي أنتي عملتي إييييه شكيت بنفسي قلت شنو شمسويه جان تقولي وهي تضحك في جم بنت يايين عندي وقايلين أن في وحده كاتبه تجربتها بالمنتدى حقن الشفط والحقن وعرفت إني أنا بسبب إني حطيت موضوع عن حقن المؤخره بالبنج الموضعي وبصراحه من تجربتي العوار بالنسبه لي مو طبيعي والظاهر البنات خافو من هالموضوع جااان أضحك وقلت وأنا صاجه عند ربي أذكر تجربتي والله فوقي بيحاسبني ولا لي مصلحه بشي اللهم ألا أني أحبكم مثل خواتي ونورتي الموضوع بالغالية
عسووووله
حبيبتي والله ان شالله من تخلص العملية والله يارب يقومني بالسلامه وأطمنكم عااااد أنا اللي أعرفه من هالقسم وايد بنات يسألون عن شفط الزند وهذي أول مره بسويها وبقول ان شالله النتايج أول بأول على شكل يوميات بإذن الله
وبعد لا أنسى بأول وثاني يوم لمن تبين تنامين ما تقدرين تنامين على ظهرج بس العوار واايد محتمل ومع الأيام يخف وايد الله يقومج بالسلامه وتردين لنا غزال ويرزقج بولد الحلال اللي يقدرج ويحبج
وسيري ونحن من ورائك