|
|
آنا آسفه أخت جماانه
وآنا ماعاند
بس مثل ماكفلتيلي حرية الرآي بالمنتدى
أنتي ملزومه تكفليلي حرية الرد
والمصدر جريدة الرأي اليوم
أنا مو جايه أبريء ساحة سالم الراشد ولا جايه أدينه
ولا هالموضوع أصلن يحقلي
أنا حطيت الموضوع وحطيت كلمته وقلت اللي تبي تسامحه تسامحه كيفها
وفتحت الباب لأي رأي وكل وحده تطرح رايها وتقول وجهة نظرها وهي حره بهالشي
بس ماتوصل لدرجة انها تتهمني أوتدعي علي
وكأني قلت سالم بريء !! أنا ماقلت هو بريء
أنا قلت تاب تبون تسامحونه سامحوه ماجبرتكم وقلت غصبن عنكم سامحوه !
ولمه قلت سامحنا العرااقيين والاردنيين والفسلطنين أنا قصدت الدوله قاعده تساعدهم وتعطيهم بالمليارات وحطيتهم كمثال
وحده تقولي حنى ماسمحناهم أنتي سامحتيهم كيفج
منو جاب طاري سامحتهم او ماسامحتهم يعني أنا إذا سامحتهم بعطيهم المليارات وإذا ماسمحتهم بقطع عنهم الخير !! وأنا شكوو فيهم ؟ أحكم قارة آسيا وأنا ما أدري ؟
والله الموضوع كله أختياار ولا جبرت رأي ولافرضت رأي
ولاحتى سويت أقتباس حق رأي معين وقعدت أناقشه
لأني أدري أن هذا رأيج وأنتي حره فيه ومايحقلي أناقشج لآن هذا موضوع عام مو موضوع نقااش
ماني عارفه ليش كل هالهجوم علي وأنا ماني قاعده أجبر أحد قاعده أقول الموضوع على كيفكم ياجماعه
فتحت الموضوع بس عشان كلمته لمه قال سامحوني يأهل الكويت
أنا لا أدخل بالنوايا ولا أشكك بالنوايا فالنيه بينه وبين ربه والله أعلم بها مني .. أنا فقط علي من ظاهره وظاهره تااب
وأنا أقولكم يابنات ظاهريه تاب شرايكم تسامحون أو لآ !!
ماقلت غصبن عليكم سامحوه ولا قلت تراى أنا القاضيه وخلاص بطلعه برائه غصبن عليكم .. !
موضوع أحطه بين أيديكم وأخذ أرائكم ..
فليش كل هالهجوم ضدي
ولا هي بس الحره وحطيتوها فيني ..!
عمومن تبي تتكلمون تكلمو .. تبي تجيبون طاري الراشد كيفكم .. تبي تشككون بنيته كيفكم .. تبي تدعون عليه كيفكم ..
أما أنا وكلي أمل أرجو أن محد يغلط علي
لأن ببساطه مالي شغل
وعلى فكره من أهوال يوم القيامه مشهد القصاص يأتى بمحمد مشخص العينين مزرق الجسد
فيقول له جل جلاله ياعبدي لمه أتيتني هكذا ؟
فيخبره
فينادي المنادي ويأتى بهم للقصاص وعند الله علم القصاص
يعني القصاص فالدنيا وفي الآخره
ما أقول غير لاحول ولاقوة ألا بالله
وآسفه جماانه بس قاعده أشوف المشاهدات كبير
هذا دليل أنه في ناس منقهره من الموضوع ومكبوته وودها ترد
ردوا عادي محد يمنعكم المنتدى معطيكم حرية الرأي لآنه بتالي كل شخص يتحمل أرائه
بس أرجو أن الكلام مايكون موجه لي
لأن الموضوع كله لاناقه لي فيها ولاجمل
أنا عن نفسي كمواطنه مراح أسامح هالضابط وغيره اللي
عذبوا المطيري وأذبحوه والله على الظالم