|
|
السلام عليكم : )
هذي اول مشاركه لي بس حبيت توصل سالفتي للحوامل وخصوصا اللي يراجعون عند نزهت بالسلام انا بكريه وحامل الحين بالشهر الثامن كل مراجعاتي كانت عند نزهت بالسلام من بدايه الحمل ليحد الاسبوع 32 من الحمل رحت لها وشفت اكو بقعه كبيره بجسم البيبي واهي اول ماشافت الحجم تلخبطت حيييل ولما ظليت انا وزوجي نسألها شنو هذا جان تقول والله ماادري يمكن جيس دهن يمكن جيس ماي يمكن ألياف يمكن القولون يمكن ومليوون يمكن ويمكن وبالنهايه جان تقولي خلاص ان شاء الله ماكو شي انتي روحي وتعالي موعدج بعد اسبوعين وبنشوف اذا يزيد او ينقص او شيصير المهم خفت حيل وطلعت من عندها ابجي لأنها ماريحتني وكان مبين انها موعارفه شي بثاني يوم رحت عند د.أشرف اخصائي سونار بالسلام اول ماشاف البقعه جان يقول اووووه اووووووه شنو هذا قلتله والله ماعرف انا يايه ابي استشارتك قالي خليني شوي وقعد يفحص ويشوف جان يقولي هذا تضخم كبير بالكليه من متى عندج هالحاله قلتله والله امس الدكتوره نزهت اكتشفتها وأبشرك ماعرفت شنو اهي جان يقولي لاتسكتين روحي مستشفى ابن سينا عند اخصائي اجنه وهذا خطر ومومن الحين التضخم كبير عند كلية الجنين قلتله خلاص باجر اروح جان يقولي ليش بااجر اليوووم روحي (( تخيلو ونزهت تقولي عادي ننطر لي بعد اسبوعين ونشوف يمكن يصغر ويمكن يكبر ويمكن ويمكن ) بغدها على طول صعدت فوق عند نزهت لأنها بنفس المستشفى مثل ماقلتلكم عطيتها التحاليل وقلت لها هذا اللي ماعرفتيه جان تقولي اوه هذا خطر ويلا يلا ولالالالاده الحين قيصريه لاتنفجر كليه البيبي!! وهذيل ابرتين اخذيهم حق رئه الجنين وتعاليلي عقب باجر بولدج لاحظو بدون ماتعيد السونار وبدون ماتفحص بنفسها وتشوف !!!!!(( لعب يهال)) سألنا بأبن سينا قالولي مانستقبل الام واهي حامل احنا نستقبل الجنين بعد ولادته مانقدر نسوي شي الجين وبس تولد اتييب لنا الحاله واحنا نعالج الطفل اما الحين واهو ببطن امه مابيدنا شي لازم تراجع عند دكتور نساء وولاده .. طبعا ماارتحت وبعدها بيومين خذنا موعد عند الدكتور ماجد الشمري اخصائي نساء وولاده وعنده تخصص نادر اسمه آلام أم وجنين رحت له سوالي سونار وفحصني جان يقولي شنووو هذا انتي ماتراجعين قلتله امبلا والله ملتزمه كل اسبوعين مراجعات قالي شلووون توها تكتشف الحاله هذي مع تكون الجنين يعني من الشهر الرابع تكون مبينه وااضح والطب تطور ونقدر نسوي العمليه والجنين ببطن امه من الشهر الرابع وينولد بأذن الله مايعاني من شي وطبيعي حيل ونكون تفادينا كل هالمخاطر قلتله هذا نصيبي وقلتله دكتور قالولي ولاده جان يقولي لا بننطر ليحد ماتدشين بشهرج يعني 3 اسابيع عشان الجنين يكون كامل ورئته سليمه وان شاء الله مايحتاج حق الشيشه ونقدر نعالجه بعد الولاده مباشره
الله يساعدج حبيبتي
ويزاج الله مليون خير عالتنبيه
وماحبيت أدخل ومارد عليج
ومالي غير الدعاء
الله يحفظ جنينج من كل شر أن شاءالله وتشوفيه مشافي معافي يارب أن شاءالله..
و ان شاء الله تفرحين بشوفة ضناك سلليم معافى آمييين يا رب العالميين
مع الاسف هذا خطأ بعض الاطباء ..
الله يقومج بالسلامه انتي والجنين يارب وتبشرينا ان ماكو اي شي خطر امين يارب العالمين
والدكتوره هذي الله لايقطنا عندها بس انتي ما سويتي سونار رباعي بالسادس؟
اختي تمر حنا للأسف ماسويت الرباعي قالولي مومهم اهو بس عشان تشوفين شكل البيبي وانه مافيه تشوهات او اعاقات وانا متوكله على الله بهالموضوع وللأسف طلع الخلل بأجزاءه الداخليه اللي انا واثقه انه دكتورتي كانت تشوفه من البدايه بس موعارفه شنو اهو ففضلت انها تسكت وماتقول شي ليحد ماكبر حيل وصارت ماتقدر تخش اكثر
خلي ايمانج بالله قوي وادعي ليل نهار ان الله يقومج انتي والياهل بالسلامه
وتولدين بالسلامة
خليها على الله حبيبتي خلق الداء وخلق له الدواء
حسبي الله ونعم الوكيل عليها من دكتوره
وهالدكتور صج حقيره وين شرف المهنه والامانه دكاترة هالايام اي شي مايعرفون الا فتح بطون هذا اللي شاطرين فيه وفالحين بالتخرع
الله يولدج بالسلامه ويشافي الجنين وإن شاء الله ما عليه إله العافية
وطمنينه لمن تولدين
حسبي الله ونعم الوكيل