|
|
.
.
.
.
الكل يعرف ان البنت اذا كبرت وللحين تلبس البامبرز يسبب حساسية وصعوبة التحكم في البول وفي حالات نادرة ممكن يسبب العقم الله يكفينا شره
.
.
.
.
.
عشان جذي أنا قررت أعود بنتي على الحمام بروحها
قطيت البامبرز لبستها سروال وكلي طاقة ونشاط وكل 10 دقايق اطير للحمام اوديها
وللحين كلي نشاط وحيوية
وإذا بالت (تكرمون) بالحمام عطيتها كاكاوالله وكيكلم ساعتين بس بللت كل اهدومها اللي بالكبت
الحين أعلن انسحابي .gif "Eh S(1)")
وانتصار بنتي علي 
لذلك يرجى على كل الأمهات مساعدتي عشان اهزم بنتي 
لا صج ياريت كل وحدة تكتب تجربتها مع عيالها تفيد وتستفيد
علما ان بنتي عمرها سنة وعشر شهور
ومشكووووووووووووورين
انتي بس عوديها كل شوي وديها الحمام ..
ان قالت وديها وبالاغلب ماراح تقول هم وديها ..
ولا تزفينها او تعصبين حطي في بالج ان توها صغيرة لا تصير النتيجة عكسية ويصير لا ارادي ..
ان وصخت هدومها قوليلها ليش ماما جذيه هدومج صارت وصخة ويع ريحتها مو حلوة بنقطها بالزبالة .. خل يضيق خلقها شوي 
ولا تجذبين قطيهم بزبالة نظيفة تالي طلعيهم ..
اممم شنو بعد ؟
اشتريلها بانتيات حلوة على الشخصيات اللي تحبها كل بانتي يتوصخ ترى بيضيق خلقها عليه ..
شوي شوي لين تتعود ..
انا بديت مع بنتي وعمرها سنتين بالضبط ..
لي سنتين ونص قامت تقول ابي حمام ..
بس مرات يفلت الموضوع ..
عقب السنتين ونص الحمدلله مافي مشاكل .. الا ما ندر .. اذا مكثرة سوائل او لاهية باللعب ..
وطريقة رفرف حلوه والحلاو ينفع بعد
عقب ماتسويها على عمرها وتخلص اتقول ابى الحماام
بس نطلع والبسها هدومها تسويها على روحها
خخخخخخخخخخخخخخخخخخخخخخخخخخخخخخخخخخخخخخ
حبيبتي
انتي اول شي تعلمينها مفهوم الحمام
يعني ماتقطين البامبرز
تشترين جمب إن اللي اهو مثل البامبرز بس ينلبس مثل الاندر وير
وتبدين تودينها الحمام من بعد نص ساعه من شربة الحليب او العصير او الماي
وتنطرين عليها تسويها بالحمام
واذا سوتها عطيها مكافأه وصفقيلها وشجعيها
اذا عرفت زين على زين
واذا ما عرفت ردي نفس الطريقه لين تفهم
لا تتوقهين عيالنا تعلموا يقطون البمبرز من اول مره علمناهم
كلنا نطرنا عليهم وكلنا تعبا معاهم بس بلنهايه تعلموا الحمدالله