سالفتي اليديده بنات عفية دشو!!!

اشلونكم بنات
مشكووووووووورين على ردودكم و نصايحكم ودعواتكم لي واللة انة كفيتو وفيتو
طبعا سالفتي انة انا وزوحي بنرد عقب انفصال
وايد اشياء ظايقتني و بقولكم بالدور
اول شي بنات قبل جم يوم رحت بيت حماتي اخذ عيالي يوم كانو زايرين شفت شي ابيتهم كان ابشقتي قلت يمكن شاريه نفسة لانة ريلي ذوووويق عاد يوم كنت اسولف مع ريلي قتلة اغراضنا هذي موجودة كل شي عندنا و خل ناخذ شقة واغراضنا موجوده جان يقووولي انا وزعت كل شي بغيت اذبحه و تذكرت كلامكم انة لا تعصبين ولا تعلين حسج سكت قتلة ليش جان يقولي عادي حبيبتي نشتري كل شي يديد قتلة اذا على قولتك ماراح يصير عندنا معاش جم شهر من وين ابنشتري علما بنات انة يوم جهزنا الشقة دفع اكثر من 10 الاف دينار
و قتلة ليش الغسالة ما غسلنا فيها الا جم مرة لاني كنت اودي اهدومنا بيت اهلي ماكان عندي خدامه و كنت يايبة توينز بعني يدية ابقراطيسها حتى الجولة وكل شي بنات لو بايعهم ميخالف بس ليش يعطيهم عطية واهما يوم تزوجنا حتى تويستر ما يابو كلا اهلي طبعا سكت عن الموضوع قلت اللة يعوضني وسكت

الشي الثاني اللي قهرني يوم قتلة حبيبي لا تقول حق اهللك انة بنرد خل نسوي سربرايز لهم لانة خواته كانو يجبوني حييييل خصوصا اختة العودة كانت تقولي انة انا كنت ابيج حق ولدي اللي توفا مو حق اخوي بس ياللة نصيب كانت كلا تقولي جذيو سميت ولدي عل اسم ولدها غير ابعيد الام اييب لها و حق خالتي ام ريلي اللة يرحمها و كانت امي كلا تعزمها وبيناتنا تلفونات كانت كلا تقولي حقريييية اخوي و اعرفه لا تعطينة وية
و اصلن سبب انفصالنا كان انة خواته شيشووني علية وخصوصا اختة الصغيرة كانت كلا تنام عندنا و تودي عيالي و تقعد عندهم اذا انا عندي مشاوير لانة اخاف من الخدم انا وكنت كلا اشكيلها لانة عبالي انها رفيشتي وكان الكلام كلا يوصلة اللي كنت اقوولة
المهم اللي قاهرني الحين انة سمعت من ناس انة ريلي كان بيخطب او بالاحرى خطب اللي كانت سبب انفصالنا بس بعدين رد ابكلامه قال اكيد البنت فيها شي اشلون تاخذ واحد عندة 3 عيال و ماراح يدفع مهر ولا بيسوي عرس لها اللي سمعتة انة رد ابكلامه وقالي لو افتر العالم كلا ماالاقي وحده نفس مرتي
والطامه الكبرى انة اللي عادتها بحسبة امي اهية خاطبتلة وييين اللي كانت تقولة بيتي يتعذرك ليما ترد مرتك
ما هانو عليها عيالي حسبي اللة ونعم الوكيل فيها وقلت حق حماتي الوسطية انة انا زعلت ولو شنو ما اطب بيتها عقب هالسالفه جان تقول انا ما ادرى و ماكنت موافقه وقالتلها اختها بعد مطلقها شكو تزعل
لا واللي قهرني يوم امس قالي تدرين اذا فلانة (اختة العووده) بتمووت من القهر اذا درت انة انتي رديتي اهو زل السانه
اووووووووووووووووووووف ليش تموت لايكون بايقه حلالها انا سكت قلت اللة يسامحها لا وداقه علي تقولي خل ولدج العود ينام عندنا بنات انا اعيالي عمرهم ما نامو عند احد غيري حتى عند امي عمرهم مانامو الا عن حلفة اللة يوم والده انا نام ولدي يومين عند امي واللة يعلم اشلون نام كان يبجي لين ينام مع انه متعود على امي قتلها لا انا ولدي ما ينام عند الخدم جان تهب فيني ليش حبيبتي اشايفتني اللي انومه حشاشة يوفي عن الخدامه انا متعنمده لانها كانت حارتني قتلها اوكي بس اذا بجى تيبونه انشاللة الفير قالتلي اوكي ساعه بالضبط ولا يايبنة لي انا ادري كانت تبي تتهاوش بس انا صرت احسن منها اهية كانت تبي تعاندني
وبعدين السالفه الثالثة
انه كان يحن بنات يلا خل امرج ولا بيي بيتكم الحين كنت اقولة انطر مايصير الحين
الحين سكت مرة وحده اقولة بحجز فندق و بخلي عيالي عند امي يقولي انتي ماتقدرين قتلة انا عازمتك وبعدين انا وانتة واحد سكت قالي خل نرد ويصير خير
والحين انطر الاحد

عطوني رايكم باللي صار واشلون اخلية نفس او ميت علي واشلون اتصرف مع حماتي

حياتي سالفتج تعور القلب..
انا اقول اذا انتي تبينه وشاريته لايتاثر فيج اي شي وانشالله الله يهدي سركم
وبالنسبه حق الاغراض اللي وزعهم انشالله يعوضج احسن منهم
اهو يمكن عرف غلطته وعرف قدرج .. والمثل يقول ماتعرف قديري الا لما تجرب غيري
حماتج مره عوده مثل مافهمت منج.. لاتدققين على كل الي تقوله… حاولي تطنشين ..
عشان مايطلعج انتي الغلطانه لو رديتي عليها وبالذات انكم توكم بتردون فا عشان ماتبدون بخلافات من اول شي
وبالنسبه شلون تخلينه ميت عليج فا صدقيني راح تكسبينه بطيبتج وقوليله انا شاريتك واي مشاكل من بره ماتهمني
وانج بتصبرين وتتحملين عشانه وعشان عياله مو عشان شي ثاني.
والله يوفقج ويهدي سرج انشالله

الله يهدي سركم ووفق مع زوجج وخليج لعيالج

نصجيه عطيهم طااااااااااااااااااااااف ولا تقولين لاي احد عن سوالفج مع زوجج حياتج الخاصه ملكج انتي لاتسولفين لاحد عنها
لا زوجي قالي وزوجي سوا لي
عشان ماتفتحين عيون الحريم عليج وحطونج تحت المجهر

وزوجج عامليه بللي يرضي لله ورسوله
ووصلي اهله احتراما لعيالج بس لا تعطينهم وجهه ولا تدخلون بحياتج

مادري شقولج انا مو تمام بالحلول
الحل اللي عندي راح يكون سلبي
لأني راح أتصرف على أساسه
عالعموم ننطر ردود البنات والله يعينج

مشكووووووورين بنات على ردودكم

اول شي مبروكيين على الرده والله يتمم عليج ويسعدج

بقولج شغله ترى اكثر المشاكل اللي تصير بين المره وريلها سبت الحموات وانا وغيري شافو بلاوي ومصايب منهم وخصوصا اذا كانوا غيورات اوحسودات ( للاسف )

على العموم سووي مثلي الحقران يقطع المصران حقريهم ولا تردين عليهم ليمن اخرتها بييهم الملل واهم شي خلي علاقتج وياهم رسمي يعني لاتطيحين الميانه معاهم مثل قبل ولا تقاطعينهم خير شر … يعني مري عليهم على الاقل بالشهر مره و بالمناسبات وانا هالطريقه واايد انفعت معاهم صج قالوا عني شايفه نفسي ومتكبره بس على الاقل افتكيت من مشاكلهم وحتى هالطريقه سووتها بنت اخوي ونفعتها مع اهل ريلها .

اما اشلون تخلين ريلج يموت عليج مثل قبل … صدقيني الريال يموت على الوحده الهاديه اللي تتدلع عليه بس ابسنع وما يحب المتجبره العصبيه ودايما قوليله انشالله حتى لو هالشي ماراح اتسوينه …. واذا بغيتي شي منه اخذيه بالمساحل مو بالصراخ

على العموم الله يوفقج ويهنيج ويصخره لج ويخليج حقه وحق عياله

لاتزعلين مني بس بصراحه مادري ليش احس انج تكبرين المواضيع
ترا يا اختي العزيزه شي طبيعي اذل الاهل شافو ولدهم مطلق اكيد يبون يخطبون له مافيها شي سواء يحبون مرته القديمه او لا مو كرها بالاولى لالالا ولكن يبون اخوهم يستقر
ثاني شي بما ان ماشاء الله خوات ريلج حليوين معاج وانتي بنفسج تقولين ان اخته تقعد مع عيالج وتوديهم وتييبهم والاخت العوده تمدحج وتقولج انها كانت تبيج لولدها الله يرحمه بعد شنو اكو احلى من جذي حموات بس العيب منج ترا ماكو وحده ترضى ان مرت اخوها تتشكى من اخوها مهما كان هذا اخوها وبقلبها اهو اغلى منج فمهما كانو حيل يعزونج بس كلمة الحق تنقال لازم تمدحين ريلج جدامهم وماتطلعين عيوبه لهم ومشاكلج مع زوجج الافضل انها تكون بيناتكم وماتطلع بره حتى لو كان منو اللي جدامج تثقين فيه

نصيحه لاتاخذين موقف من خوات ريلج ترا انتي ماشالله الله حاطج عند حموله يحبونج وزينين وترا ماكو انسان كامل وحتى الخوات اكو مشاكل بينهم فلا تاخذين موقف منهم لان اللي سووه طبيعي واللي عليج الحين انج تفتحين صفحه يديده مع الكل وتكسبينهم وماتخسرينهم وهذا لمصلحتج انتي اولا ولمصلحة كل عايلتكم اللي باذن الله راح تكون سعيده
والله يوفقج انشالله

الله يهدي سركم ووفق مع زوجج وخليج لعيالج

نصيحه باختصار حقريهم يعني اقنووووور معتبر بعدي عن المشاكل وموحللو تحتكين فيهم زياده عن اللزوم

اكزاكتلي

مثل ماقالت الاخت بالضبببببببببط .. خلج رسمية ومن بعيد لي بعيد ولا تشتكين لأحد خاصه خواته .. يعني شي طبيعي بيقلبون عليج ويقولوله يوم من الايام

الله يوفقج انشالله

الله يهدي سركم حبيبتي ..وهم حطي ابالج ترا هذا اخووهم ومستحيل بيحبونج ولا بيفضلونج على اخوهم صح ولا لأ؟؟ خلاص فتحي صصفحه يديده وعلى بياض انشاءالله .. وصفي نيتج وانشاءالله كلشي يرد احسن من قبل

الف الف الف مبروك والله يهدي سركم سمعيني عدل بيتج وريلج مالج غيرهم وحماتج اهله طااااااااااااااف وابدي بزينه والبسمه فهمتي ولا تهدن بيتج علشان حووش سوري على هالكلمه بس يبطوون الجبد هالبشر ما يخلون الوحده بحاالها وبيضي ويه ريلج فهمتي الحين عرفتيهم عدل يعني ضحي وهلاي فيهم وحبي بس لا احد يعرف شنو للي في قلبج فهمتي وزوريهم وسووي حلووج وفطاايرج وروحيلهم هذي اخته فهمتي شنو اخته خلي لما تبي تحرشه عليج وهو يشووف تصرفااتج حلوه معاهاا راح يطنش اخته وطاااف لنغزاات والحجي للي بيووصلج منهم لا تهدين بيتج وبيت عيالج ما راح يضيع وتشتت غيرج وغير عيالج خوو حبيبتي الريال عادي يعيش حيااته وينسااا فهمتي بيتج وبيت عيالجوابدي داائماا بزينه وادعي ربج ان يسخر ريلج حقج وحق عيالج ويجنبكم كل شر وكل من بغاا فيكم شرر والله يحفظكم من كل اذيه يا حي يا قيووم ويهنيج ويسعدج ياا رب

اممممممممممممم

حبيبتي .. ترى انتي نفس مشكلتي بالضبط ولقوولج شغله خلي اهله اللحين بلوووك .. واكسبي ريلج صوووبج .. قطي كل شي
ورا ظهرج وتمسكي بريلج .. بالاول بعدين خططي حق كل واحد بعدين .. واغراضج الي توزعووو اتعوضينهم .. بس انا لما طلعت
من بيت ريلي خذيت قشي كله ماخليت ولا شي ولاشي كل شي خذيته وحولته بيت اهلي وركنتهم بالسرداب عندنا

ولي رجعه ومتابعه مموضووعج حبيبتي ..

حطي فبالج اهم شي زووجج وعيالج والباجي محد مهم صدقيني موفقه خير ويارب تسعدين بحياتج مع زوجج وعيالج