|
|
السلام عليكم
يعطيكم العافيه يابنات
تصدقون انا بخلص شهري
وللحين موفاهمه حسبتي؟؟ اهئ اهئ .gif "Eh S(16)")
السالفه ومافيها انا اخر دوره لي كانت تاريخ 13 اكتوبر 2024 وكانت فيها شوية لخبطه
وقالت لي الدكتوره موعدج مو على تاريخ الدوره, بعطيج اسبوع فوقها
يعني… اذا كانت اخر دوره 13 اكتوبر بيكون موعدي 20 هالشهر,, بس لان دورتي ملخبطه صار موعدي 27 ,, يعني باجر
اهئ اهئ
المهم.. سألت دكتوره ثانيه تقول بالسونار يبين ان موعدج 4 اغسطس؟؟؟؟؟
وسالت دكتوره ثالثه قالتلي موعدج 8 اغسطس
الحين انا موعارفه ولا فاهمه
مع ان راس البيبي تحت بس بعده مادش الحوض
وكل من يشوف شكلي يقول انتي مو ويه ولاده
مع إن الالام ذابحتني بآخر بطني
الحين شسالفه يابنات ,, انا خلصت شهري ولا بعد
بليزززززززززززززز
انقذوني
الله يشرح صدوركم يارب
ماعندي فكره بس خليها على الله الولاده تجي بوقتها
ان شاءالله البنات يفيدونج
ومادري شلون الدكاتره كل وحده بكلمه
وليش الحساب مو على آخر دوره ؟
لو على حساب آخر دوره تكون ولادتج
بتاريخ 20-7-2010
ولو الدكتوره قدمتها أسبوع موعد ولادتج بتاريخ 27-7-2010
ليش بعض الدكاتره راحوا لشهر 8
على الأقل يقولون آخر شهر 7 اشدعوا راحوا لي شهر 8
بصراحه أنا احترت
شوفي انا بنتي داشه 3 سنين الحين وتوا قبل يومين كنت اسال امي اشلون احسبتلي بعد قلبي قعدت ساعه تشرح وهم مافهمت
حبيبتي ريلاكس ماله داعي تعورين راسج بحسابات ولويه اذا ياج الطلق معناته ولاده<<خخخخخ يعني يايبه شي يديد
قلبي انا باجر ادق على امي واخليها تحسب لج وارد لج خبر والله يسهل عليج انشالله وهديه منى لج دعاء تسهيل الولاده
يامسهل الشديد يا ملين الحديد
يامنجز الوعيد ويامن هو كل يوم في امرً جديد
اخرجني من حلق المضيق الى اوسع الطريق
بك ادفع ما لا اطيق ولا حول ولا قوة الا بالله العلى العظيم
والله يسه عليج انشالله وتقومين بالسلامه
طبعا هذا حمالي الثاني,, وفي بجري ولدت طبيعي الحمدلله قبل الموعد الي عطوني بيوم بالضبط
والدكتورتين الي قالوا بشهر 8 ,, سألتهم ليش؟؟ قالولي هذا الي مبين عندنا بالسونار من حجم البيبي
مع ان البيبي وزنه ماشاء الله لا قوة إلا بالله 3 كيلو
يعني زين حق الولاده,, بس مادري شكو حجم البيبي بموعد الولاده
,,,
يعطيك العافيه ياخواتي الغاليات
والله ييسر لكم ,, ويزاكم كل خير
كانـت دورتـي فـي 12/10
وحـددت لـي الدكـتوره فـي 21/7
وجـبت قبـل موعـدي باسبـوعيـن
فـاتوقع انـج لـو تقـولين للدكـتورانج خايفه من كبر حجم البيبي
يمكن راح يولدج طلق صناعي
والله يسهل ولادتج ويهونها عليج
اهم شي مابقى شي على ولادتج
و دام قالت ٨-٨ حطي فبالج ان هذا آآآآآآآخر موعد للولاده و بعدها لازم يولدونج
انا موعد ولادتي حسب الدوره ٢٤-٩
بس حسب السونار طلعلي كذا تاريخ و الدكتوره قررت تاخذ تاريخ ٤-١٠
بس انا اراجع عند دكتوره وحدة فا ماصارت الحوسة اللي عندج
خليج على دكتوره وحدة
لي يا وقته انشالله بتولدين بالسلامه لاحسبه دوره ولا حسبه سونار
والله يهون عليج
مره يقولون 11 / 8
ومره 13 /8
واليوم 18 / 8
لا وفي دكتور قال 20/8
يعني كل واحد يعطي على كيفه . انا تاركتها على الله .
الراس نازل بس بعده ما دخل الحوض والمشيمه مرتفعه وقال الطبيب الاسبوع الجاي راح اشوف التخطيط والفحص الداخلي .
على فكره سويت اليوم فحص داخلي وقال الطبيب بعد ما دخل الحوض