سالفتى صار لها ثمان ايام اوتسعة

الجمعة اللى فاتت قلت لابو عيالى ياخذهم للجاخور معاة خصوصا ان كل عيال الجماعة بيجون للجاخور ودايم يسالون عيالى ليج ما تجون-فقلت ابو فلان اخذ العيال معاك-كل عيالهم يقولون وينكم-ما قلت هالكلام الا الله ياخذج العن ابوج وانهد علي مع العلم انة ما يستاهل العيال لا يدرى عنا وكلة منشغل مع الربع او اللى يكلمهم بالتليفون بنات الحرام وما يحمد ربة عالخير اللى عندة انا صالحة وجمالى متوسط وموظفة وسنعة بس بنات الحرام صادينة عنى -وقلت دام قام يصيح علي جدام عيالي حتى انهم قالو لو طقج طقيناة ما صارت حياة انتى طيبة وما سويتى غلط ليج يكرهج يمة خل نروح عند خوالى -قلت عيب وانا اسنعة-دايم يهاوش اطوف بس الحين اسنعة ولا يومكم زعلت وطنش ودزيت لة مسج اطلب انة يتسنع او يطلقنى خصوصا وانا ذايقة مرارة الهجران والاحتقار يقول احملى وهو ما يحوشنى الا 2بالشهر وللحين ما همة زعلى قلت لة بالمسج مو هامتك لان عندك منهو ملهيك ومشبعك وطنش تنتعش ما همة الردى الخاين صبرت شفت اثار المص على جسمة من زمان وبلعت المر وطلقنى يبي يفك عمرة والحين ما بين الطيب فية مطنش شرايكم اتطلق مع انة عارف ان مالى مكان لان امى ميتة وابوى متزوج والحريم تارسين البيت وكلن همة عيالة بس شسوى

الله يهدي لج ويصلحه انا من رايي ان الطلاق ما وراه الا البهدله لج ولعيالج لانج مثل ما تقولين مالج مكان حقريه ياحياتي وغيري منت طريقتج معاه وصدقيني اهوا الي بيلحقج بس السالفه يبيلها صبر وصدقيني راح يجيله يوم ويمل من سوالفه الخربوطيه وما عليج الا الدعاء والله يصبرج

عيشي لعيالج .. قومي بواجباته وطنشيه لا تعطينه ويه…. ولا اتطلقين راح اتضعين .زخلج ابيتج وحقرييه عطيه مو ابو لباس عطيه عايلة بو لبااااااااس كلها

واجرج على الله

لااااااااااااااااااااا غلطانه خلي احد من خوانج يكلمه
شوفي الرجال اذا شاف الوحده ساكته عباله خايفة منه لازم تبينين له انج قوية احرقرييييييييييييييييييييييييييييييييه بس شلون؟؟؟انا اعلمج
غيري بشكلج 180 درجة وبعدين احقريييييييييييييييييييييه خلي وجوده وعدمه واحد؟؟؟والله الحقران ينفع معاهم
ولازم احد من خوانج يتدخل لازم لان شكله زوجج اسمحيلي حركاته حقيرة وادعي له الله يهديه…بس لاتفكرين بالطلاق والله انا اول ايام عرسي زوجي طقني ودخلت اهلي بالموضوع والحين يخاف مني ولايقدر حتى يغلط علي ادبته من اولها ولازم الرجال يعرف ان وراج احد وظهر موضعيفه
والله يوفقج وطمنيني شنو يصير معاج؟؟؟؟

صبري عليه ودام انتي وضعج ما يسمح بالطلاق خليك في بيتك وحاولي معاه بالطيب وغيري اسلوبك يمكن اسلوبك الحالي ما ينفع معاه غيري الطريقة وحاولي تجذبيه لك
واقري قران وادعيله عسى الله يهديه ان شاء الله ويسخره لك
الله يوفقك

شوفي ياقلبي عيشي حياتك كأنه مو موجود البيت بيتك وانتي موظفه مو بحاجته
عيشي عشان تسعدين نفسك وعيالك ولا يهمك راح ولا جا ولا تدخلين معه بنقاشات خاصة قدام عيالك
المره تقضب بيتها وتقعد فيه لا تروحين عند الحريم اللي راح تضيق عيونهن من قعدتك عندهن
وعيالك خليك الابو والام لهم عوضيهم حتى عن حنان الابو
ورجلك مرده بيرجع لعقله ويعقل
اطلعي وروحي واستانسي مع عيالك انسيييييييييييه ماعليك منه

عليج بالاسغفار *** وربي *** .. اسألي مجرررب ..
واذا عليه هو احقريه ويتعدل اهم ماعليج روحي غيري استايلج وتكشخي كل يوم لا يمر يوم بدون ماتتكشخين ..
والباقي خليه على الله احقرررريه

الله يعينج

خل احد يأدبه لج

مشكورات عالمشاركة اتمنى انساة واعيش لنفسى بس الوضع ما يساعد مخلى كل شى علي حتى اذاتعبو العيال يبي كل شى انا مع العلم انى مدرسة واتعب حييييييييييل بالدوام وادرس واودى واجيب واسم الله عليهم اربعة كلهم بالمدرسة اصغرهم باولى واكبرهم بثامن وكل شى براسي حتى مرضت الاثنين اللى فات ما هميتة وولدى تعبان قال بابا ودنى الطبيب قال وين امك-خلاص لاعت جبدى بعيش لعيالى بس مو راضى يخلينى اعيش براحة كلة يسال وين معاشك مع العلم ان عندى بيت شارينة شراكة وساكنين عند اهلة كل ما سالتة وين الايجار انجن وسواها سالفة 14 سنة شاريتة ما خذيت الامية طول هالسنوات وكل ما قلت لابوة ابي االايجار لو نصة كل الاحريم طلعو ببيوت خاصة لهم قال هو ياخذ من معاشك -الايجار ما فية البيت خربان وقاعدين نسنع فية-والزوج الغلوس ترقص على قلبة يصرف الظاهر علي بنات الحرام كلة يقول ما عندى شطير معاشك-مع انة يعطى بس انا ما يجى نص الشهر الا اتسلف تعبت وزهقت حسبي الله علية يشوفها بعمرة

حبيبتي اقعدي في بيتج وماعليج منه هوو الطالع وانتي الداخله

طنشيه ولا كنه موجود تناسي وجوده كللش عيشي لنفسج ولعيالج وخليه يصرف عليكم وهوو كلب عزج الله

والله ما يلقى نفسي متحملتة ما يجى الا بعد الفجر وحقران درجة اولى لي وانا اشتاق يكون لى زوج يحس فينى اسوى لة اكل -كل اللى معاى بالدوام يقولون ما نسوى لة ريوق الفجر كيفة اقعد واسوي وما يطلع الا زافنى-تعبت-ترى مو من زين وجهه بس حظى عاثر

الله يعينج ويفرج عنج ان شاء الله
بس خلاص اختي انتي وحده ام عيال صدقيني الطلاق مو حل
الغيه من تفكيرج وعديه مات وارتاحي

الله يعينج ياقلبي ويفرج همج
حبيبيتي لاتفكرين بالطلاق ابد ابد وعلى قولتج ماعندج احد امج متوفيه وبيت ابوج مليان
اصلا لو اتطلقتي راح تتبهدلين الله يعينج
اصبري على زوجك وعيشي لعيالك وخليج قويه لاتنكسرين عيشي واحتسبي الاجر
وادعي ربج بالليل وصلي صلاه تهجد وخليها عادة ولاتتركين صلاه التهجد والدعاااااااااااااء بالليل
وربي راح تشوفين الفرق
موشرط تشوفين الفرق بزوجج انه راح يتغير هذا ابتلاء من الله والله مايبتلي الا عباده الصالحين
والابتلاء وراه اجر
لكن الفرق اللي راح تشوفيه بنفسيتج وبأمور دنايج الثانيه راح تتحسن ان شاء الله وتنفرج ضيقتج
الله يعينج ياقلبي ويصبرج يااااااااااااااااااااارب

انت الحين عيشي معاه وطنشيه وغيري اسلوبك معاه واذا وصلت الي الطلاق انت تقولين انج شريكة معاه بالبيت تقدرين اطالبينه بنصيبج ياه يشتريه او تسكنين فيه والله يعينج على هالريال
والريال اذا حس ان الزوجة صارت قوية وما تخاف منه يتغير ويحسب لها الف حساب والحمدالله انت تشتغلين ومنتي بحاجة له