ساعدوني يابنات التربية الاساسية

السلام عليكم بنات انا طرحت هالسؤال من قبل بس ابي بعد آراء

شنو رايكم ابكلية التربية الاساسية؟ و هل انتو مرتاحين فيها؟
و رايكم ابدكاترتها ؟ و هل دراستها صعبه ؟؟؟

بليييييييييييييييز و تنصحوني بالتحويل لها مع العلم اني طالبه ابجامعة الكويت بس مو مرتاحة ؟؟؟؟؟

و سلامتكم و مشكوورين

اهلييين ..

والله الدراسة حلووة ومسهلين علينا عكس الجامعة ..

يعني انا اشوف خواتي اصعب مني للعلم مثل تخصصي بس انا اسهل ..

صلي أستخااااارة وشوفي ..

والله يوفقج ويسهل عليج

واي أستفساار حاضرين..

وعليكم السلام والرحمه

شوفي حبيبتي انا عن نفسي مرتاحه بكليتي والدكاترة حسب فيه الزين وفيه الشين بس الاغلب زينين
اما دراستها دايم اسمع انها اسهل من الجامعه …هذا ثاني كورس لي الدراسه سهله الحمد لله والامتحانات سهله بعد

عطيتج رايي وانتي فكري عدل وصلي استخارة والله يجيب الي فيه الخير
بالتوفيييييييييق

كليتنآ كمبنى نو بس كتخصصات حلوة ولآ أروع وآنآ مرتآحة فيهآ ودكآترنآ زينين درآستنآ صعبة بس مو حيل على فكرة دكآترة كلية التربية يجون الأساسية والعكس صحيح بعد منآهجن نفس الشي اللهم احنآ يركزون على المرحلتين الابتدآئية وريآض الأطفآل

حيآج معآنآ حتى المبنى بيغيرونه

عن المبنى.. مو حلو بس يمشي حاله..
اما عن الدكاتره فأغلبهم زينين ومحترمين ويقدرون الطالبه..
الدراسه مو سهله سهله لأن مستحيل تلقين دراسه سهله بس مستوى الدراسه زين ومو صعب..
أنصحج فيها وانتي استخيري والله يوفقج وين ماتروحين

أنا بنت كلية التربية الاساسية ،، واواااافق البنات بكل كلمة قااالوها يعني المبنى مووووحلو بس يبووون يغيرووونه ..
والدكاتره فيهم الزين وفيهم الشين ،، والدرااسه اذا مستواها زين مو صعب ولا سهل ،،

واستخيري ياقلبي قبل كل شي ..

بنااااات شاكرتلكم مساعدتكم و نصيحتكم والله ماقصرتو تسلمووون ماتدرون شكثر ساعدتوني بس وين بودووون المبنى؟؟؟؟

حبيبتي انا اقولج الصراحة

وايد حلوة وراح ترتاحين بس ما راح ترتاحين من البنات اللي مو شايفين خير والله يعينج علي الخز اللي مو طبيعي انا اسمي الكلية مستشفي العيون من كثر الخز اللي فيها و ما شالله البنات ما يرحمون احد
الله يعينج

المبنى موشي بس الحمدلله على كل حال التخصصات زينه الدراسه مو صعبه ولا سهله متوسط واغلبية الدكاتره يسهلونها الله يسهل عليهم

الدراسه حلوه وسهله مافيها شي والدكاتره زينين بعد والتخصصات كل سنه يسكرون تخصص تره ديري بالج واستخيري

العيب الوحيد المبنى قديم وبس الباجي سهالات وموفقه

مو مسألة مو شآيفين خير موضة الخز منتشرة بالديرة

ههههههههههههههههههههه

اي والله وانتي صاجة يا مطيرية منتشرة حيييييييل

الحمدلله اختي والله الدراااسه يمشي حالها .. مو سهله .. بس مو بصعوبة الثانويه << وااايد اسهل منها
ومثل ما قالوا البنات .. الدكاتره يساعدون بعد ^^

وعلى الخز .. فشي غريب عجيب عندنا =
والله مراات اشك برووحي احس ان فيني شي غلط P= ههههههههههه
مادريت انه شي طبيعي عندنااا !!
<< شحليلهم الغرب والله كل وااحد فيهم بحاله .. جان زين نقتدي فيهم بهالنقطه بس ~Pp;

ويللا حبوبه استخيري وشوفي وين تلقين راحتج ~.^ والله يوفقج ان شاءالله بأي مكان تختارينه ،

& تقبلي مروري

انا كنت بالجامعه وحولت للاساسيه ووااااااااااايد مرتاحه الدراسه سهله حيل بالنسبه للي درس بالجامعه وجربها بتلاحظين الفرق قبل يوم كنت بالجامعه ادرس دراسه حتى ايام الثانويه ما درست جذي وهم درجاتي ما كانت بمستوى الدراسه والتعب اللي اتعبه الحين والله ما ادرس دراستي عالماشي بس ملتزمه بالحضور وانتبه لشرح الدكتور يعني ما اطلع من المحاضره الا وفاهمه فوقت الامتحان ما اتعب ودرجاتي كلها لb و a نصيحه مجرب اذا انتي حاسه انج ما تقدرين تكملين حولي لا تضيعين سنين عمرج وانا ما حولت قدمت على نسبه الثانويه العامه وبعدين عادلت موادي لانه التحويل لهم شروط معينه لكن لمن قدمت على شهادتي الثانويه ما طولت بسرعه انقبلت

انتي باي كليه …

والله انا بجامعه الكويت ومرتاحه وتخصصي حلو .. واشوف ان حرام انتي بجامعه الكويت شدي على نفسج وكملي لان حرام بس اذا ما تقدرين تكملين حولي وصلي استخاره احسن