ساعدوني ولكم الأجر .

السلام عليكم………….

لوسمحتوا انا محتاجه مساعدتكم وإن شاء الله لكم الاجر…..

انا توني متخرجه وكنت مقدمه على التكنولوجيه وما انقبلت والكل يقول خيره واحسن…….

انا بصراحه محتااااره واستخرته اكثر من مره من كثر ما انا محتاره….

انا نسبتي مو قويه يعني60 بس عادى اقدر احول:::::……….

كنت حاطه تربيه مدرسة حاسوب او اقتصاد ثانوى..
بس الكل يقول تربيه متعب ومريح بس للعطل!!!!!!

وكنت حاطه تكنولوجيه هندسة كمبيوتر واتخرج وكمل بالبحرين واتوظف بالبترول …
والى اعرفهم بالتكنولوجيه والى هم تخرجوا مايمدحونها…!!!!!

الكل يقول الى علوم صحيه صيدله وكملى بره احسن لج…..؟؟؟

او علوم صحيه علوم بيئه.. بس انا ما اعرف شئ عن هذا التخصص..؟؟؟

او اتصالات وملاحه.. وهم هذا ما اعرف عنه شئ…

(((( بصراحه))))):::

انا ابي شئ مو متعب ومسماى زين والكادر زين ومكاني هم زين ووظيفتي ومعاااشى يكونون زينين….

ما ابي اتعب وبالاخر ولا شئ مثل الثانويه العامه..:::

انا شاطره ولله الحمد بالمواد العلميه ومن النوع اذا حطيت هدف جدامي ابذل كل جهدى عشان اوصل له…..

بس انا افكربحياتي بعدين اذا تزوجة وهم كبرة……

انا حبيت الصيدله لان رفيجاتي داخلين ومفكرين يتوظفون بالمستوصفات الى عند بيوتهم ودوام صبح ومريح….
وهندسة كمبيوتر عشان البترول ودوام صبح…
وسنان هم عشان المستوصفات…..

ياليت دلوني على الشئ الزين الى له مستقبل…..

هااااااااي
حبيبتي العلوم الصحيه لا تدخلين تخصص سجلات طبيه مو حلو
انا ادرس با لدورات الخاصه
التكنولوجيا بصراحه ما اعرف عنها شي ما لي احد فيها
ادري ما افدنج بشي بس هدا اللي اعرفه

هندسة كمبيوتر لها مستقبل موشرط تشتغلين في البترول واااايد اماكن يبون هندسة كمبيوتر
هندسة كمبيوتر وايد مرغوب

انصج اذا محتاره صلي صلاة الاستخاره وشوفي

لـيـش مـا يـمـدحـون لـج التـكـنـولـوجـيـا بالـعـكـس الكليـة زيـنـه و حـلـوة تخـصـص هـندسـة إلـكـترونيـة ( كمـبيـوتر + اتـصالات ) حلـو و لـه مستقـبل بـس هالـسـنـة كـانـت نسـبـة قـبول هندسـة كمـبـيوتـر 66% و الاتـصالات 63% مرغـوبيـن بكـل مـكـان و بالقـطاعيـن ومعـاشهم زيـن تقـدرين تكمليـن بكـالوريوس بـس أتـوقـع تخـصـص الـفيـزيـا و الكيـميـا يمـكن اهم الي لج عليـهم شـوية آنـا مادري انشـالله بنـات التخصص اهم الي يتكلمـون عنـه إنـتي بـس سألي عن شـنو بالضـبط تبيـن تعرفيـن عن الـتخـصص واحنـا ان شـاء الله ما نقـصر ويـاج

و تخصـصـات الـعلـوم الـصـحـية الي اختـرتيـهم حلـوين أتوقـع صحـة البيـئـة و الصـيـدلـة أحسـن تخصصـين وحتى مختبـرات يمـدحـونه الـبنـات و يـقـولون حـلـوو على الـعمـوم اذا انتي تحبيـن الفيـزيـا والريـاضيـات دخلي تكـنولوجيـا وإذا تحبيـن الكيميـا والأحيـاء دخـلي علـوم صحيـة وإذا تحبيـن شغـل المستشفيـات خلـيج على العلوم الصـحيـة ، شوفي أي المواد تميليـن لهـا اكثـر لأن التخصصاات الي ذكرتيهم كلهم زينين اهم شي تخصص تتقبلينه و تحبينه أمـا من نـاحيـة المستقـبل فـلا تحـاتينـه

مشكوووووووورين حييييييييل……..

انا بصراحه كنت ابي طب اسنان بس قالوا مصكر…

لأن كنت حاطه بالى ياهندسة كمبيوتر او اسنان او صيدله!!!!!!!!!!!

وانا عادى احب حيييل المواد العلميه……

بس مشكلتي شوى انجليزى والحين احاول احلها…….

لا تخـافيـن من إنجليـزي الهندسـة حده سخيـف و حتى الدكـاترة و الأسـاتذة الي عنـدنـا ما يـشرحون بالانجليـزي يتكلمـون بالعـربي و يقولون بعـض المصطلحـات الانجليزيـة الي لازم نحفظـهـا و بـس شغـلات بسيطـة راح تتعـودين عليـهـا بعـدين إن شـاء الله بس الصيـدلـة أتوقـع يبيلـه انجليـزي بالدراسـة والوظيفـة وحـدة تدرس اهنـاك قالتلـي جذي بس تـقول سهـل تتعوديـن عليـه لأن كلـه حفظ أسـامي أدويـة و مصطلحـاااات

انا بصراحه حابه التكنولوجيه اكثر واخواني مشجعيني عشان اتوظيف بالبترول……

وحابه هندسة كمبيوتر اكثر شئ لان انا نسبتي ما دخلني فاناويه ادخل فيزياء وبعدين احول كمبيوتر وحابه اذا تخرجته اتوظيف بمكان مريح يعني مدرسه عشان اكمل بالجامعه العربيه…………………….

انا احب الرياضيات والفيزياء وانا اقدر اعطي فيهم والكمبيوتر مع اتعود……

الحين هذا الى حاطته بالى اكثر شئ…..

انتي شنو تدرسين…""NaturaL . GurL

ليش التكنولوجيـا شنو علاقتها بالتوظيف في البترول ؟ غالبية الخريجات السنة اللي طافت قاعد يوظفونهم بالتربية البترول اعتقد تخصصات البنين اللي اهم هندسه كيميائية وهالتخصصات بس البنات ما عندهم جذيه ، و إذا انتي بخاطرج تتوظفين بالبترول عندج تخصص صحة البيئة بكالوريوس بعضهم يوظفونهم بمستشفيات وبعضهم بالنفط و على ما اعتقد بالهيئة العامه للبيئة

آنا بالتكنولوجيا تخصصي هندسة إلكترونية و ناوية أحول ان شاء الله لأن مو ميوولي بس من كلامج حسيت ان التكنولوجيا وايد تناسبج حسب ما قلتي وايد تحبين الرياضيات والفيزيا والكمبيوتر آنا انصحج زوري كلية التكنولوجيا والعلوم الصحيه على يوم ترى غير لمه تشوفين بعيونج وتسألين والله راح يصير أسهل عليج انج تختارين شنو تبين والله يكتب لج اللي فيه الخير

حيااااااااااااااااتي انتي …

انا اخواني ثنين موظفين بالبترول ويقولون الحين يبون خرجين تكنولوجيه…..

والله ما ادرى محتااااااااااااااااااااااااره حييييييييييييييييييييل حييييييييييييييييييييييل….

والى زادرني حيره الحين الكل يسولف عن التربيه مدرسة حاسوب واقتصاد واحترت اكثر………..

هااي حوبي
مدرسه كراااااااااف ولوعة جبد <<<أبوها مدرس وحاسه
أستخيري ياقلبي والخيره فيما أختاره الله …مره مرتين آخرتج بتعرفين وين تسجلين بس أستخيري
شوفي أنا طالبه بالأتصالات وملاحه حيل حابته وحابه مستقبله لأن الكـل يمدح فيه وبمعاشه
غيره مااعرف وأتمنى البنات يفيدونج
أهم شي تستخيرين وموفقه أن شاء الله

وعندج بعد البعث الداخليه..

بس طبعا للدبلوم مو بكالريوس..

التربيه مايقبلونج لازم تحولين ومادري يصير وولا بس التجاري اللي يقدررون يحولون..

انتي مبين انج حابه التكنولوجيا فقدمي عليها وموفقه يارب..

وضحت العنوان..

بس شروطج تعجيزيه توني اثبت عليها خخ جامعيين وماحصلناها..

وتوني انتبه ان التكنولوجيا ماقبلتج..

عيل جربي العلوم الصحيه والاتصالات وملاحه..

وموفقه يارب..

موفقه ان شاء الله ..

بس بقولج شغله شروطج موجوووووووووووووووووووووووووووده بس برا الكويت !!!!!!!!!!!!!!!!!!!!!
احنا جامعيات ماحصلناها لا مسمى ولا كادر ولا وظيفه سنعه ؟؟

[LIST]
لا منـو قال بس التجـاري
بس التجـاري حق الأدبي لأن ما عندهم كليه غير التجـاري
قبـل الكل يقدر يحول تربيـة أقصد الكليـات مو المعـاهد
بس الحيـن بعد القـرار اليديد ما يندرى اللي اهوه لازم نسبتج تكون 70%
يمكن لغـوا التحويل للي نسبهم أقـل بس ان شاء الله ما يكون صج
وهم مو شـرط الوحدة تكون جامعية عشان تحصل منصب ومعاش زين لأن الدنيـا حظوظ
بنت خالة رفيجـه خريجة علوم صحيه معاشها فوق 800 دينار
و زوج رفيجتي خريج علوم جامعه الكويت معاشه 750 دينار
السـالفه حظ
[/]

ويييييييييييه مافرقت 50 دينار الله يسلمج
انا خريجة علوم اجتماعيه معاشي 470 دينار فقط الكاتب بالمستوصف اعلى مني معاش !!!!!