ساعدوني مضاااايجه وصاكه فيني الدنيا

سلام عليكم بقولكم مشكلتي واتمنى تساعدوني لان صج تعبت بحياتي وانا باول شبابي
انا وزوجي هالفتره مشاكل وايد بينا عادية و تافهه بس زوجي كل ماصار شي يقولي شيلي اغراضج و اوديج بيت اهلج و اقوم اصرخ بويها لانه يبط جبدي و اقوله اذا بطلع راح اطلع على قبري من هالبيت تدرون ليش لان ماعندي سند ولا ظهر اهلي مايبوني كلش و قالتها لي امي وايد اذا رجعتيلي مطلقه راح البسج لبس الخدامه و تطبخين بالمطبخ لنا و طبعن غير نظرت الناس لي و عيالي شبيصير فيهم الحين زوجي اليوم على اساس نروح ايكيا نشري اغراض حق بيتنا قعدنا متاخر و تعكر مزاجه و صار يتحلطم علي و يقولي شيلي اغراضج و بوديج بيت اهلج ما ابي اشوف ويهج انا متحملج عشان عيالي ما ادري شسوي احترت بامري و احترت بحياتي صرت الوم نفسي اني تزوجته بس طبعن مايفيد اللوم الحين بينا عيال و انا ابي اعيش عند زوجي اشلون اكسبه مره ثانية اشلون احببه فيني مو عارفه كشختله وايد ما يطوف يوم من عرسنا ولا ملجتنا الا و هو يشوفني باحلى لوك و ستايل والله ما انزل عند اهله الا و انا متكشخه وايد وايد و احط احلى العطور و اقول احلى الكلام و احاول ارظيه باي شي بس الحين قالي برجع بعد شوي و باجر بوديج بيت اهلج ولا تناقشيني بالموضوع و اهلي اصلن مو موجودين بالديره اهما بالمزرعه و يقولي اقطج عليهم بالمزرعه و يقولي هذي العطله من حقي ارتاح انا اعتقد ما اخليه و اطلع و هو زعلان لانه راح يتعود على فراقي اشلون اطيح العناد من راسه مع العلم ان زوجي سفيييير العناد و العصبيه شسوي تكفون قولولي شسوي دبرولي طريقه اي شي تكفون ابي اسلوب او حركه حلوة عشان اكبر بعينه او يغليني لو شويه طلعت مو غاليه ولا اسوى شي عنده تكفون انا اشوف جدامي تصرفاته والله ما اهمه ابي اخليه يهتم فيني و يحس اني شي ثمين عنده ابيه يحبني تكفون على ايدكم ردو ولا اطنشون بسرعه بعد شوي بيرجع الله يستر واللي ماتعرف تدعيلي تكفون

شوفي حبيبتي اذا قالج زهبي اغراضج ,,, دخلي الغرفه و كشخي ولبسي ,,
و قعدي ساعتين تحطين اغراضج بالجنطه و الضحكه شاقه حلجج و سوالفج حلوه
قطي عليه جم كلمه حلوه و تدلعي و سوي نفسج عادي روحتج لبيت اهلج
و كل شوي قولي لبنتج او ولدج الصغير روح عند بابا .. بوس بابا ,, ودلعيه حيل جدام عيالج ,, و اخذي رايه قولي له اخذ معاي هالبدله ولا هالبدله لبيت اهلي ..وكل شوي سأليه اذا انا رحت راح تشتاق حق عيالك و تشتاقلي ..
وبعد ثلاث ساعات من التجهيز .. بتشوفينه يقولج خلاص قعدي لاتروحين
و الله يعينج على ردة الاغراض للكبتات

صيري شطوره ويا الريال و اشتغلي بكيد النسا ترى الريال عقله نفس الياهل

اللة يعينج

حبيبتي اول شي وقبل كل شي خلج وااثقه ان محد راح يغير الي فيج غير رب العالمين

استغفري واستغفري واستغفري كثر ما تقدرين وادعي ان الله يهديلج ريلج ويحببه فيج

وايد رياييل انقلبو 180 درجة من دعااء الزوجاات بس

حياتي لا تسمعين كلامها اخاف يعاند ااكثر ويقولج شيلي الكبت كله معااج

هذا الحجي السنع مو شقي الحلج واي بدله احلاا

حبيبتي اللة يعينج ويسخره لج بس ودي انصحج نصيحه مادري يمكن تنفع وياج الريال لما يشوف المرة مبينه محبته له وضعيفه جدامه يبيع ويشتري فيها لاتبينين ضعفج صدقيني وانا عن تجربه كل ماحسستيه انج انتي الي ممكن تبيعينه يشتريج انا اختي مثلج كل كلمه والثانيه قالها شيلي قشج وروحي عند اهلج واختي كارهه بيتنا فا متحملته الريال لا صار بايع صدقيني لو شتسوين ماتغلين بعيوونه شوفي شنو الي منفره منج وحاولي تخففين منه وتجذبينه ناحيتج ماكو غير هالحل الي مايبه لاتسوينه

اشدعوه بيشوفني اصلن و انا احط اغراضي بيقولي انطرج تحت لا اطولين و ان طولتي ياخذكم السايق ريلي معققققققققد صج صج صج بس مضطره اتحمل هالدنيا و هالعيشه والحمدلله بس اهو يدور الفكه واذا قلتله بتشتاقلي بيقولي ابكل برود طبعن لا و هو مبتسم لان سويتها من قبل و حرني حيل احس بييني الضغط من سبته ما ينفع معاه هالاسلوب هذا والله انا اعرفه عدل راسه يابس و عناد والله احترت بنفسي وكرهت الدنيا بس اللي مصبرني عيالي وبس ومرات اتمنى اموت و مرات اتمنى اني مايبت عيال منه عشان اطلق و انا مرتاحه و مرات اتمنى اني اهلي غير عن هذوله اهلي ضدي و زوجي ضدي و كل شي ضدي تعبت والله تعبت ادعولي يا بنات الحلال الله يفرج همومكم ادعولي الله يفرج همي و يهديلي زوجي و يالف بينا اميين يارب العالمين ادق عليه مايرد امطنش فيني كلش ما ادري ودي اشك هدومي تعبت

حبيبتي شغلي القران في بيتج يمكن معطينج عين

واذا قالت ابي رتاح قولي له رتاح عادي وهذا بيتي وماني طلعه واذا تبي تطلع طلع انت وانا بقعد في غرفه ثاني يقعد فيها ما عليج قعدي

والله يعينج بس شغلي القران حتي لو جي خليه شغال الناس ما تعطي خير يمكن موسوسين فيه

واهلج ليش ما يعطونج اهتمام وامج ليش تقولج هل الكلام وين ابوج ليش ما لج ولد عم سندي لج مالج عم سندي لج مالج خال مالج عيال خالج خالتج يسندونج شدعوه اول مره شوف ام تكره بنتها قولي لمج اذا انتي تكرهيني انا راضيه بكرهج بس تحت رجلج الجنه

ان شاء الله البنات يفيدونج يا قلبي

حبيبتي تدرين شنو مشكلتج الكبيرة انه ريلج عارف نقطة ضعفج وهذي مشكلتنا يالحريم المهم الحين ماكو حل الا انج تتجنبين اي مشكلة معاه وخليه من نفسه يطخ و معقولة كل اهلج ضدج؟ ولا واحد منهم معاج؟؟ الله يعينج بس دايم خلج قوية جدامه لا تسوين روحج منكسرة لانه اهوا عارفلج غيري طريقتج معاه والله يهديه لكم

الله يعينج و يعيني نفس مشكلتي ريلي كلمة عنيييييييييييد شويه عليه مالنا الا الدعاء و الإستغفار

امي هذي اهي من صغري ماتحبني لاني كنت متربية عند بيت يدتي و امي كل ضدي ابكل شي تتوقعونه و كل خواتي مو محترميني علبونه امي مو محترمتني حته جدام الناس ماتناديني ولا تعاملني عدل و زوجي شاف ماعندي ظهر ولا سند قام كل شوي يقولي اوديج بيت اهلج شسوي بحياتي شسوي بعمري تعبت والمصيبه كل الناس اتمنى لهم الخير و اذكر الله اول ما اشوف وحده متهنيه مع زوجها و ابتسم و بشوشه حته يسموني كريكره من الضحك و اخش اللي بقلبي و من كثرت الهم بس ابتسم ابتسامه عاديه اذا كان الموقف يموت من الضحك بعد صارت همومي اكبر مني احس نفسي 70 سنه و انا 24 ما ادري شسوي بهالريال اشلون اخليه يعزني و يحترمني ابي اتهنى بزواجي ما ابي غير السعاده والهدوء بس مابي مال ولا جاه ولا مركز ابي كلمة طيبه و سعاده و هنا بينا ما اعتقد هالشي مستحيل ولا وايد علي وانا انسانه والكل يشهد فيني اني طيبه واتمنى الخير لكل وحده بالدنيا تكفون ادعولي ادعولي تعبانه

شوفي اليوم الخميس يعني ليلة الجمعة وهذي ليلة مباركة وعظيمة للدعاء
في وايد ادعية تقرينها وشغلي القران واستغفري ربج
واذا شفيته امعصب لا تناقشينه لان راح يعصب اكثر
الريال مثل الياهل شنو يبي غير الكلمة الحلوة تلين الصخر
الله يهديه لج

الله يهديه ويصلحه ويسخره لك ولعيالك ويجمعكم لمافيه الخير
ما أبي أزرع الشك بنفسك بس ياخوفي يكون شايف له شوفه ولا شكو كل ساعة يقول لمي هدومك وروحي بيت أهلك شنو وين العشرة ومين مكانة العيال

اول شيء ذكر ربك وخلي الله سندك وهذه حال الدنيا واكثري من الاستغفار والدعاء وحاول من كسر الروتين مثل تخلين الاطفال ساعه عند امج او خالتج وتطلعين وياه
والحين صليلج ركعتين وادعي ربج والله يوفق مابينكم