|
|
اول الشي الصبح اقوم (سبحان الله) المهم الساعه 1130 ولا12 احوس مع عيالي اوكل واغسل…..
اكل اللي جدامي وانا ماشيه لاني مااشتهي اكل بالحوسه كيكه ولا بسكوته كرواسونه
الساعه 2الظهر اكل 3توست مع لبنه او جبن عصير
بعدين خرابيط يا مكسرات يا بفك وكاكاو
الساعه 530 6 نسكافيه
العشا على حسب ريلي اذا موجود اتعشى اذا موموجود طااااااااف (همبرجر او كباب او باستا او سلطه..)
الساعه 2 بالليل حليب كاكاو
واحس وزني ثابت مو قعد ينزل مع اني اتعشى 3ايام بالاسبوع ليش؟؟موقعد انزل وايد
نبي نضعف …. بالتخفيف وطريقة اكلج هذه حتى لو راح تضعفين بطيء وخصوصا الخرابيط الي بين الوجبات اهي الي تخرب الدنيا
صدقيني لو تلتزمين بثلاث وجبات مع تووو سناكس راح تضعفين بس قللي الكميات ما اقولج سوي ريجيم او غيري نظامج بس عدلي عليه
انا جذي اييبولي فلس مشتركة بنظام الوجبات اكلهم عادي جنه اكل مطاعم كل شي اييبون مافي حرمان بس الكميات صغيره لحد ما تصغر معدتج وتتعودين والسناكس مرة فاكهه او سلطة فاكهة صغيرة او قطعة
كيك هم صغيره بعد
جربي هالطريقة ماراح تخسرين
موفقه انشالله
حبيبتي ركزي على الوجبات ال3 الاساسيه
ولا تاكلين بين الوجبات علشان تيوعين حزة الوجبه ولاتكثرين بالعشا
يعني سوي شوربات وسلطات وحطيها بالثلاجه يعني زهبي اكلج لا تنطرين الصدفه او فضله عيالج او بفك وبطاطهم (لا يا شيخه )
طبعا انتي تتكلمين عني بس انا مع اكل وفجعه بزياده تالي الليل مره جربت وخليت بالثلاجه التفاح والشوربه جاهزه بس اخررها ووايد فرق معاي الوضع
اشلون تاكلين كيك وكرواسون وتاكلين باستا وككاو وتبين تضعفين!!!!!!!!!!!!!
امبيه زين ماصعدتي
لا وبعد تاكلين 3 توست وبفك؟؟؟؟؟؟؟
الناس ماتاكل توست بالمر وماتنزززززززززل موليه
شفي حياتي انتي بعدي عن الككاو والخبز والباستا وسوالف الخربطه بين الوجبات
واكلي اكل رجييييييييييييم اهم شي
وامشي 
وشوفي اشلون
يعني اكلج والله كله خرااااااابيط ابخرااااابيط
ومثل مانصجتج واهم شي الحركه
أهم وجبة الريوق شلون تاكلين كيك على الريج !! وريوقج وايد متأخر بعد الساعه 11 لا تترقين نطري الغدا
يبيلج تنسيق بنوعية الأكل بعدي عن النشويات كثر ما تقدرين وعن الكاكاو خلي أكلج كله مشوي ومسلوق
يعني الريوق: مثلا أومليت بالجبن وعصير (أو) توسته سمره وجبنه وعصير (أو) أول بران وحليب
الضحى: تفاحه (أو) لبن قليل الدسم
الغدا: صدر ديايه مشويه مع ربع خبزه (أو) ستيك لحم وخضار سوتيه مع أي نوع مشروب دايت
العصر: قطعة سويت بس دايت (أو) روب قليل دسم
العشا: أي نوع سلطه تحبينها بس بدون صلصات فيها مايونيز
وسلامتج وبشري بالضعف
– يقطع العشا مولية
– ريوق خبز أسمر
– غذا سلطة بدون صلصه مع تونه مغسوله من الدهن أو صدر ديايه مسلوقه
– جاي أخضر 3 مرات باليوم
– مشي 45 دقيقه يوميا
