ساعدوني بنتي عمرها 4 شهور ونص جم رضعه لازم تاخذ باليوم

السلام عليكم

بغيت مساعدتكم بنات انا بجريه موعارفه لبنتي كلش

بنتي قلت شهيتهاا للحليب ما قامت ترضع وقالي الدكتور لازم اغير حليبها

والحين لي يومين من غيرت حليبها بس موشايفه اي تحسن

صرت انومهاا وبعدين اعطيها المميه عشان ما ترفضهاا هل جذي صح ؟

اعطيها تقريبا كل خمس ساعات اسويلهاا 120 بس تاخذ نص الرضعه ( تقريبا 4 او 5 مرات باليوم )

بنات اللي البيبي اللي عمره 4 شهور ونص جم رضعه لازم ياخذ باليوم و جم مقياس الرضعه و بين كل رضعه و الثانيه جم ساعه ؟؟

وانا ما اعطيها اي اكل مع الحليب معتمده على الحليب بس

بليييييييييييز بنات ساااعدوني الله يخلي لكم عيالكم

بنتج تحتاج 5 رضعات باليوم

مقدار 180 مل ….

وتقدرين اتابعين تعليمات الحليب ..

وتقريبا كل 3 الى 4 ساعات تحتاج رضعة ووقت النوم مافي الى الصبح

علشان تنتظم نومتها

ووراها اكل حبيبتي لازم تنظمين رضعاتها وتشبعينها

بعدعمري حنتوشه ما قصرتي على تجاوبج معاي

للاسف احاول فيها ما ترضى اساسا ما تبجي من اليوع كلش ما احسها تييوع وديتها كذا دكتور كلهم يقولون مافيها شي زي الفل

والله محتاره معها

خلاص خليها على طبيعتها

خليها تاخذ احتياجها لا تتقيدين بكميات واوقات اهم شي التنظيم وتكون شبعانه

ام يارا الله يخلي لج بنتج .. بس هي تحتاج من 5 الى 6 رضعات باليوم والتعليمات مكتوبه على علبة الحليب وبس ابي اعطيها عذاء الاطفال او حطي لها بسكوت فارليز مع الحليب وروحي حق دكتورها خليه يسوي لج جدول حق الاكل والحليب والله يخليها لج

اي حنتوشه خليتها على طبيعتها تخيلي تقعد 18 ساعه ما تبجي تبي حليب بالمره ما اتحمل اقوم اسوي لها رضعه بالغصب تاخذ نصها

سنعه مشكوره على ردج والظاهر بنتي تبي تسوي رجيم انا اتمنى بس تاخذ رضعه وحده باليوم هذا كل طموحي

حبيبتي والله 18 ساعه احنا يالكبار ما نستحمل.. بس لازم تتعوض زين جربي لها حطي نص كسرة بسكويت فارليز مع الحليب يمكن يغير الطعم ويعجبها بس رضعه وحده ماتكفي وغريبه الدكاتره قالوا عادي الحليب ضروري حق تكوين اسنانها وعظامها وماتشوف شر ان شاءالله

استشيري طبيب اطفال فاهم علشان يدلج على طريقة تفتح شهيتها للحليب

والله قالوا لي البنت مافيها الا العافيه بس يمكن شهيتهاا مسدوده شوي غيري حليبها و صبري عليها

وانا نفس كلامج احنا الكبار حتى لو نتحمل على الاقل نعوض بماي اهي كلش ما يدش حلجهاا شي

الله يعين شسوي قاعده اغصبها كل 6 ساعات اسوي لها نص رضعه يمكن الله يهديها وتشرب

من بين البشر

شورج و هدايه الله بجرب دكتور محمد سعيد الكل يمدحه بس ناطره ابوها يوديني

مشكوره على ردج حبيبتي

حبيبتي لا تحاتين كل ياهل شهيته غير عن الثاني

انا بنتي الكبيره كانت جذي وبس كملت 4 شهور بديت اعوضها بالاكل وتخيلي وصلت سنه ونص ووتغصب روحها يالله رقم ونص من الرضعه

لدرجه اني فطمتها

فلازم تعوضين بالاكل بسكوت كبدايه وعصاير وتالي الاكل

والله يخليها لج وتشوفينها عروس

حرام لا تخلينها حطي لها بالحليب بسكوت ميلوبا من عمر 4 اشهر موجود بكل الجمعيات راح يحلي الحليب وتحبه وابدي وكليها فيه ماركة فرانس ليه من عمر 4 اشهر رز مخلوط مع فانيلا اي شي ثاني خلطيه مع الماي وعطيها بالقفشة اشوي اشوي راح تتقبله مو من اول مرة
18 ساعة وااااااااااااااااااايد 5 او 6 ساعات وايد لا حاولي تعودينها انها تشرب انتي عطيها حتى لو ما تبجي بعدين راح تتعود ان كل 3 ساعات فيه وجبة لها معدتها تتاقلم ان عودتيها على الاكل لا تخلينها على كيفها