ساعدوني الله يجزاكم خير.

السلام عليكم ورحمة الله وبركاته…
اناعندي ولدي عمره 4سنوات فيه نقص اوكسجين من الولاده وهو مايمشي ولا يتكلم وابي ادخله روضه السنه الجايه ان شاالله
المشكله اني ساكنه في الصباحيه ولا اعرف روضه او حضانه لذوي الاحتياجات قريبه من منطقتنا .
كل ماسالت قالولي عن المناطق البعيده وانا ماقدر اوديه ولااضمن سايق وهنديه عليه.ودي بروضه فيها باص مع مدرسه
يوصلونه .الي عندها خلفيه عن الموضوع تساعدني لاني مابي السنه تروح عليه هو يحب الجمعه والاطفال ويحاول يتعلم
ويقلد اخوانه .
الله يخليكم ساعدوووني.

اقتباس:

المشاركة الأصلية كتبت بواسطة الصابرة المحتسبة وعليكم السلام هلا وغلا فيج وتفضلي حضانة لذوي الإحتياجات الخاصة (https://www.q8yat.net/showthread.php?t=320398) تفضلي أرقام المدارس العربية وثنائية اللغة التي تندرج تحت مظلة المجلس الأعلى &&& (https://www.q8yat.net/showthread.php?t=284520)

مشكوره حبيبتي على الرد وجزاك الله خير

اقتباس:

المشاركة الأصلية كتبت بواسطة @شمس الضحى@ عندج بالصباحيه الرعايه النهاريه لذوي الاحتياجات الخاصه مقابل مجمع المحاكم

مشكوره حبيبتي والله انج فرحتيني لانها قريبه
في المنطقه بس عندج معلومات عنها يعني تنصحيني ادخل
ولدي فيهاوهو مايمشي يعني يصير تروح معه الخادمه
معليه تحمليني جزاج الله خير

اقتباس:

المشاركة الأصلية كتبت بواسطة مواضي مشكوره حبيبتي والله انج فرحتيني لانها قريبه في المنطقه بس عندج معلومات عنها يعني تنصحيني ادخل ولدي فيهاوهو مايمشي يعني يصير تروح معه الخادمه معليه تحمليني جزاج الله خير

اي والله ممتازه فيهاا صفوف وطابور الصباح
وفيهاا علاج طبيعي بكل انواعه من سباحه وآلات
ةفيه سسترات حبوبات انا كنت اروح مع بنتي
واشوف اولياء امور مع عيالهم ووهم فيه اطفال مع الخدم

اقتباس:

المشاركة الأصلية كتبت بواسطة @شمس الضحى@ اي والله ممتازه فيهاا صفوف وطابور الصباح وفيهاا علاج طبيعي بكل انواعه من سباحه وآلات ةفيه سسترات حبوبات انا كنت اروح مع بنتي واشوف اولياء امور مع عيالهم ووهم فيه اطفال مع الخدم

مشكوووره وجزاج الله خير
وان شاالله بدخل محمد فيها بما انج مجربتها
وياالله يارب تشفي عيالنا وتجبر خواطرنا بشفاهم
ياكريم.

اقتباس:

المشاركة الأصلية كتبت بواسطة مواضي مشكوره حبيبتي والله انج فرحتيني لانها قريبه في المنطقه بس عندج معلومات عنها يعني تنصحيني ادخل ولدي فيهاوهو مايمشي يعني يصير تروح معه الخادمه معليه تحمليني جزاج الله خير

هلا يالغالية

بخصوص الرعاية النهارية: ماعندهم توصيل.

الخدامة ماتكون مع الطالب.

الوجبات تكون من الأهل وعلى حسب رغبة الطالب يمكن يكون أكله سائل أو مهروس فأنتي تحطين وجبته بالبكس ماله.

اذا كان ياخذ دوا تبلغين الممرضة هناك وتحطين الدوا عندهم.

في رحلات – أنشطة

اقتباس:

المشاركة الأصلية كتبت بواسطة الصابرة المحتسبة هلا يالغالية بخصوص الرعاية النهارية: ماعندهم توصيل. الخدامة ماتكون مع الطالب. الوجبات تكون من الأهل وعلى حسب رغبة الطالب يمكن يكون أكله سائل أو مهروس فأنتي تحطين وجبته بالبكس ماله. اذا كان ياخذ دوا تبلغين الممرضة هناك وتحطين الدوا عندهم. في رحلات – أنشطة

ليش مايخلون خدامته وياه على الاقل انا اكون متطمنه
انزين مافيه حضانه فيها توصيل وتكون الخدامه معه
والله يجزاج بالخير ياقلبي .

اقتباس:

المشاركة الأصلية كتبت بواسطة @شمس الضحى@ اقصد التوصيل اشوف خدم يدششون الاطفال وفيه كباااااار اما انها تقعد معاه ماتقعد انا كنت اودي بنتي للعلاج الطبيعي عندهم واقعد انطرها بالاستراحه واشوف شكثر خدامات ينطرون مثلي واطلطل اشوف طابور الصباح يا ربي على البراءه شلون يغنون وينفعلون مع الاغاني ويرفعون يدينهم والله تدمع عيوني وفيهم كبااار الله يشفيهم ويحفظهم واسالي عن الاخصائيه *** مصريه عسللل اذا للحين موجوده لاني من زماان عنهم

يعني اهي حضانه فيها تعليم وتدريس وعلاج طبيعي
وانتي دخلتي بنتج فيها وشلون تنطرين تخلص علاج
يعني اهي مومنتظمه بالحضانه وين دخلتيها بضبط.ماعليه ياقلبي
ثقلت عليج .

وتحطين عندهم حفاظات له وبودر وعطر وغيار للملابس علشان لاسمح الله توسخت اهدومه يغيرونه له.

اقتباس:

المشاركة الأصلية كتبت بواسطة مواضي يعني اهي حضانه فيها تعليم وتدريس وعلاج طبيعي وانتي دخلتي بنتج فيها وشلون تنطرين تخلص علاج يعني اهي مومنتظمه بالحضانه وين دخلتيها بضبط.ماعليه ياقلبي ثقلت عليج .

مواضي تموونين ياقلبي انا بالخدمه لخواتي
بنتي طريحة الفراش شلل دماغي الله يخليهاا لي
وصعبه عليهاا كل يووم اوديهاا وتتعبهاا الحركه والشيل والحط
وديتهاا بس علاج طبيعي اقل من ساعه وتطلع علي
الحين اسوي لهاا بالبيت