|
|
خواتي تكفون شيروا علي راح انجن ,,
انا لي اربع اجهاضات سابقة اخرها شهر فبراير 2024 وحملت بمنشط دورة 7|6|2011
المهم حللت نفس يوم الدورة 286 طلع الهرمون 7000 شي غريب صح ؟؟؟؟؟؟
المهم بعدة بيومين طلع 9000 شي غريب بعد ؟؟؟؟؟؟
يعني ماتضاعف
سويت سونار داخلي قالو كيس صغير ومافي جنين يمكن حمل مو زين ؟؟؟
انتظرت اسبوع اعدت الهرمون طلع 1000 يا شيب راسي ماتضاعف ؟؟؟
المهم سويت سونار داخلي عند الدكتورة دعاء فسلطينية بالعرف قالت اذا مابيين هالمرة
راح ننزلة او تسوين تنظيف لان شكل حملك غير طبيعي ؟؟؟
تخيلو بعد معاناة بين النبض ؟؟؟؟؟؟؟؟؟؟؟؟
الحين ردت قالت الدكتورة الهرمون مايتضاعف ويصعد ببطأ ؟؟؟؟
وانا مرعوبة يكون اجهاض وش العمل ساعدونى واشيروا علي
من مرت بهذي الحالة ؟؟؟؟
نطري لا تستعيلين وان شاء الله خير يارب
انا الحين اكلمج وانا بالشهر الخامس ماشاءالله لمن كنت بالسبوع الثامن قالولي ماكو جنين كيس فاضي
سويت تحليل هرموني طلع مرتفع وبعد يومين عدت التحليل طلع نازل ورديت وعدته ارتفع ورديت مره رالعه طلع نازل ،،، اخذيها مني مختبرهم فاشل فاشل فاشل ولاتعورين راسج بالتحليل الهرموني وتتعب نفسيتج ،،،،، تصدقي وادعي ربج واصبري اذا مانزل دم ان شاءالله مافيج الا العافيه وخلي العرف ومختبرهم يولي ،،،،،،. راح تتعب نفسيتج حيل كل اللي ابيه منج تصبريييييييين ولاتحاتين انا مابين الجنين والنبض الا بنهاية الاسبوع التااسع
اذا لا سمح الله اجهاض ارضي بامر الله
نصيحتي اج تاخذين فولك اسيد واحسن لو تاخذين فيتامينات Pregnaplan
سواء الله تم حملج او اجهضتي لا سمح الله امشي على الحبوب 4 اشهر ع الاقل قبل لا تحملين
لان عادة الاجهاضات تكون بسبب تشوه بالجنين
والفولك اسيد ينمي الجهاز العصبي ويمنع 70% من تشوهات الحمل
وعسى الله يكتبلج اللي فيه الخير
لا تعتمدين على كلامهم و روحي عند اكثر من دكتوره بس حاولي بدون فحص داخلي
و الله يطمن قلبج يارب
وتزفينه وهو معرس
قولي يااااااااارب بس وتوكللي عليه
واختي مظلومة ياناس كلامك طمني واللله
تدرين تني سويت عندهم سبع تحاليل متابعة هرمووون وعليك الحساب
غير السونار اللي بالمختبر تحت اربع مرات
وكل مرة الهرمون ضعيف
لين بين النبض سبحان الله مع ان الهرمون مو قاعد يتضاعف
الله يوفقك يا اختي
وشكرت مس ليما
وبعطيكم اخر تطورات حالتي
قريب