ساعدوني ابي مدرسة خاصة قريبة

السلام عليكم
الحين الله يهداك انتي بسلوى مصدر المدارس الخاصة طبي وتخيري
مدرسة البريطانيا بالكويت انجليزية—-مدرسة الكويت الانجليزية — المجموعة الانجليزية للتعليم المبكر — الغانم
وبعد ابي البنات يفيدونك

للرفع

انا بنتي بالانجلش بلاي قروب
وايد ممتازه

انا بنتي بالدانة زينة
ومفيدة
بس يمنكن في احسن منها ويمدحون الغانم والبلي قروب

انا عيالي بالدانه وايد زينه

حياتي اول شي حددي اي نظام تبيين انجليزي ولا امريكي بالنسبه للانجليزي البلاي جروب وايد حلوه بس يقولون بينقلونها تاكدي وبس وايد من اهلنا توهجوا بعد الروضه موكل المدارس رضت تقبلهم الاولويه لليهال اللي كانت روضتهم بالمدرسه نفسها وبالنسبه لي bsk (البريطانيه) احسنهم واعرف وايد ناس ابهاتهم دكاتره بالجامعه ادب انجليزي يمدحونها وآنا شخصيا لو يرد الزمن فيني ورا ما كنت راح احط عيالي إلا فيها تاسيسهم ممتاز وتعليمهم للطفل النظام اما الامريكي ماعندي خبره وايد فيه بس مثل الغانم ثنائية اللغه مو امريكي بس اتمني البنات يفيدونج اكثر واكثر وموفقه يارب

إختي سمو الهمه بالنسبه للمدارس الخاصه بسلوى اول حددي ميزانيتج وشوفي أسعارهم وبعدين حددي إذا تبين نظام انجليزي عندج مدرسة الكويت الإنجليزيه ممتازه وتأسيس قوي وفي المدرسه البريطانيه ووإذا تبين رسوم أقل عندج أكسفورد بس مستواها مو قوي وعندج الغانم ثنائية اللغه بس مافيها ثانويه ومقارنة بباقي المدارس الأمريكيه آنا أشوف تأسيسهم مو قوي وعموما إذا إنتي تبينه يكمل لي الثانويه لا تدخلينه مدارس ماتعرفين مستواها أو جديده مافيها ألا روضه وصفين ابتدائي لأن بعضهم وهقوا الأهالي وعدوهم أنهم كل سنه راح يفتحون مرحله وبعدين وقفوا عند رابعه ابتدائى والأهالي اضطروا يدورون مدارس ثانيه حق الصف الخامس وترى القبول مو سهل بالمتوسطه خاصه بالمدارس القويه وآنا شفت كذا ام حايشتهم هالمشكله وعيالهم ماانقبلوا بكذا مدرسه!

انتي بسلوي منطقتكم لها مدارس راقيه