سااااااااااااعدوني وشلون احضر المنهج الكويتي في دفتر التحضير

مساء الخير اخواتي ارجوا منكم المساعدة انا مدرسة جديدة سعودية وجاية ادرس في الكويت لكن اكتشفت ان طريقتنا في تحضير الدروس غير عنكم /حبيباتي دلوني على طريقتكم اللة يخليكم او وين ابحث علشان القى الطريقة ****ادري اني طولتها بس ياليت القى تحاضير جاهزة علشان افهمها اكثر ولكم جزيل الشكر

هلا حبيبتي وحياج الله ويانا وانشالله راح تلقين كل اللي يفيدج انشالله اهنيه في منتدانا وحياج بعد عندنا بديرتج الثانيه وانشالله ترتاحين فيها يارب ..

اول شي بغيت اسألج انتي ادرسين اي مرحلة واي مادة الله يعافيج عشان انعرف نوعيه التحضير لان يختلف من ماده للثانيه

ان شاء الله البنات ما يقصرون معاااج
بس انا ما عندي فكره كلش ..

حبيتي ماسة كل تحضير يختلف عن الثاني يعني حق كل مادة تحضير و كل مرحلة لها تحضير فالاحسن تنطرين لبداية الدوام و تسألين رئيسة قسمج و راح تساعدج

انتى اي تخصص؟

بس قولي لنا تدرسين أي مادة وإن شاء الله ما راح نقصر معاج
حيا الله أهل السعودية
والله نحبكم .. منورة الديرة مقدما بوجودج يا أبلة

حياج الله معانا

وان شاء الله نفيدج

الله يووفقج

اي ماده حياتي ؟

احنا عندنا بالكويت كل مدرسة له طريقيه

اذا داومتي سألي المشرفه

وبالتوفيق

عطينا تفاصيل اكثر وان شاء الله اساعدك انا وكل البنات

حتى لو نعطيك بس فكرة

مثلا كيمياء للصف العاشر نبغى حتى لو درس نشوفه

الله يخلي كل من ردت علي ومشكورات على الترحيب حبيباتي انا طول عمري احب الكــــــــــــــويت وبالنسبة تخصصي دراسات اسلامية والمرحلة متوسط وماادري يمكن بحطوني اي سنة ماادري والله ……عندنا بالسعودية كلنا طريقة وحدة وبصراحة خايفة وشلون راح ابدى اللة يجزاكم خير ريحوني

لاتخاااااااااااااااااافيين
كلها
سهالات

لاتحاتين حبيبتي انا كنت مثلج بس خلال 3 اسابيع راح تتعلمين كل شي وكل مشرفه لها طريقه خاصه واهي تحدد نوع التحضير اللي تبيه منك وانتي تمشين على طريقة تحضيرهابالبداية بتحسين نفسج مو فاهمة اي شي بس مع الوقت بتتعلمين الطريقة وبتمشين عليها كل يوم لحد ماتحفظينها والله يوفقج وياهلا فيج بديرتج الثانيه