|
|
سلام عليكم يااخواتي العزيزات
تمت خطبتى والحمد لله طبعا كنت مطلقة قبل
والله يسعد كل وحدة يارب ويرزقها بالزوج الصالح ..
الحين أنا محتارة اسوي حفلة زواج ولا بس ملجة وحفلة ولا بس ملجة
محتارة ؟؟ شوركم وهداية الله
الف مبروك والله يتمم عليج يارب
والله حبيبتي سوي كل اللي خاطرج فيه واستانسي وحده من اهلنا تزوجت ثلاث مرات كل مره حفله ووعرس ونفنوف
عروس ,ووحده ثانيه تزوجت مرتين همن نفس السالفه
لاحرام ولاعيب ومن حقج تستانسين ياقلبي
اذا أي .. لاتسوين عرس بصاله خليها حفله على قدكم
ومن باجر سافروا ..
والف مبروك
انا من رايي احتفلي بهالمناسبة يعني لازم تسوين حفله
بكيفج عاد سواء تبينها صغيرة على قد الاهل والاصدقاء
او كبيرة تشمل المعارف
بس الاكيد انج لازم تحتفلين لأنه الزواج اشهار
يعني موحلوة بس تملجين وخلاص
وتقبلي مروري
والله يوفقج يااااااااااارب
شوفي نصيحتي سوي حفله مو عرس
ملجو وجذي وتجهزي وهذا وعقب سوي حفله بسيطه واستانسي وصوري وعقب سافرو
لا تخبين نفسج وايد الان الوحده الحين تبي الستر والزين مع ريلهااا وان ربي يوفقها ويسهل عليها حياتها معاه
فهالحفالات والخرابيط والله ما تخلصين من عيون الاودام وحجيهم شلي حادج كفي شرج وحطي فلوسج بسفرج وتجهيزج وونسي عمرج وريلج
حبيبتي سوي حفله واستانسي .. انا بنت خالتي تطلقت ولما تزوجت مره ثانيه سوت حفله احلى من اللي قبلها ..
انا من رايي تسوين حفله وتستانسين ..
والف الف الف مبرووووووووووك
وانا مادري ليش تسالين اذا عشان راي الناس ماعليج منهم سوي اللي بخاطرج واذا مطلقه عادي هذا ما يعني انج ناقصه حالج حال البنت بس زود عليها ان لج فرصه ثانيه
وان شاء الله ربي يوفقج و يهنيج
ومبروووووووووووووك مقدما
سوي هالمره استقبال
و بالاخير سوي الي بخاطرج فيه
والله يسعدج و يهنيج ياربي
حبيبتي الله يوفقج ويهنيج ونصيحه اخت لج اقري سورة البقره ترا العين حق ,,ومذكورهخ بالقرآن وحصني نفسج عشان ربي يرضا عليج ويوفقج انشالله<<
من رايي سوي عرس واستانسي ودشي القاعه لا حرام ولا عيب ,,استانسي والله ,,,
باجر لين توفقتي بتحسفين
انك ماسويتي شئ
انتي الحين عندج خبرة والعرس الثاني راح يكون اسهل انج تسوينه واحلى
لوول الله يوفقج حبيبتي وسوي اللي بخاطرج اذا تبين تسوين عرس سوي
واذا تبين تستانسين بفلوسج وتسافرين مع ريلج روحي
بالحالتين شوفي انتي حق شنو مرتاحه
وريلج شنو بخاطره يمكن بخاطره يشوفج عروس
ويمكن يبي تكون هذي بدايتكم مو بس تجربه ثانيه حقج
يعني مو حلوة تقوليله انا مسويه عرس قبل الحين ما ابي
اعتبري نفسج انسانه ثانيه معاه
والله يتمم عليج انشالله