سؤال محيرني الريال ليش ما يحب المكياج ؟وهل يلاحظ العيوب اللي احنا نشوفها بشكلنا

كنت احوس بالمواضيع ووحده من الخوات العزيزات كان عندها موضوع ان شنو قال ريلج عنج اول مره شافج بدون مكيااج ,,,
وطبعا كلللللللللللللل البنات قالوا ان ازواجهم قالولهم انتو احلى بوااااايد بدون مكياج,, ومن هالسوالف ((مايندرى صج والا تاليف ))

مافي ولا وحده قالت ان زوجها مثلا قال لها والله شكلج تعبان بدون مكياج ,ووالا بالمكياج احلى ,,الكل اجمع ان ازواجهم يشوفونهم احلى بدون مكياج

السؤال ليش الريال مايحب زوجته تحط مكياج ؟؟؟؟ او ليس يشوفها احلى بدون مكياج؟؟ مع ان معروف ان المكياج مو بس يحلي لا بالعكس يخش العيوب ,, فهل الريال ما يشوف العيوب اللي احنا نحس فيها بشكلنا ؟؟ في بشرتنا ؟ مثلا هالات والا بقع والا حبوب؟؟؟؟؟؟ يعني معقووله احنا معقدين عمرنا بهالاشياء وتاليتها الريال ما يلاحط؟؟؟؟؟؟؟؟؟؟؟؟

ولما الريال يقول لزوجته انتي بدون مكياج احلى ,,يقصد حتى المكياج الناعم اللي يغطي العيوب؟؟؟؟؟؟

يعني انا عن نفسي يمكن بالمكياج وبدون مكياج ماكو فرق كبيير ,, بس طبيعي لما احط مثلا كونسيلر خفيف اخش الهالات والا بلاشر وردي يعطي حيويه للويه والا قلوس خفيف اصيير احلى بوااايد او بمعنى اخر بدون مكياج يبين الويه مرهق بس مع شوووي رتووش طبيعي اكون احلى

شرايكم؟؟؟؟؟؟؟؟

انا معاج الخفيف يبرز اكثر

انا لما شافني اول مره من غير مكياج ولاشي حاطه عنده احلى بس توقعين لما يشوفون الفنانات الحلوين مايفز قلبه مالت عليه والله يطير واذا سوينا نفسهم مايحبون ماعرفنا لهم

هلا والله ام سلووم

انتي اول وحده تردين علي تستاهلين هالورده الحلوه مثلج

يدمره

انا مااحط على طول………….. بس مسكارا وقلوس..لان يحب الستايل الاوروبي..

انا ابي بعد

ممكن تكون غيره

انا جذيه بعد مكياج بس عند الاهل غيره نوووو

بس عادي مكياج خفيف يعني كريم بودره طبيعي مسكرا بلاشر لون طبيعي وقلوس شفاف ويمشي الحال لووول

شوفي حبيبتي

الريال يحب المكياج بس من غير ما يدري

بمعنى

ان الوحده لما تحط مكياجح خفيييف ما يبين انها حاطه خصوصا بالنسبه للريال يكون عليمي بهالسوالف فما يدري انها حاطه مكياج بس يشوف الفرقات هذا شي اكيد واكيد يشوفها احلى بالمكياج بس المكياج الخفيف الناعم الي يدوبك يغطي العيوب ويعطي لون وحيوية للوجه والشفايف خصوصا لما يكون قلوس وردي فاتح ..

الريال اذا حب مرته ما يشوف عيوبها الا اذا هي نبهته

صدقيني وعن تجربه .. وبالنسبه للمكياج يحبونه خفيف

المكياج ضرورى للمراة لكن مو علطول لان الراجل يحب يشوف زوجته متجدده دايم مرة بالمكياج ومرة تانية من غير مكياج هذه طبيع ة الرجل يحب التجديد مثل ماالمراة تريد

اي والله اللي مستغربه منه انهم لي شافوا الفنانات طاروا فيهم

انا للحين ما تزوجت :$

عرسي إن شاء الله بعد جم شهر

بس التخطيط اللي في بالي إني ما أخلي وجهي بدون مكياج

يعني مكياج خفيف كريم ناعم خفيف وكحل خفيف وقلوس وبس

ما عليج منهم حطي مكياج ولا تهتمين لكلامه

حبوبة انا ويه البنات بكلامهم بس عن نفسي ريلي يحبني بدون مكياج اكثر
مع العلم ان ويهي فية عيوب وهالات سودة وبقع في بعض المناطق بالوجة بس حتى اذا شافني احط كريمات تفتيح او اي شي يعالج البشرة كلة يقوللي ماكو شغل بتخربين ويهج انتي الحين عاجبتي ليش تحطين هالسوالف بويهج مثل الكريمات والماكياج حق منو
واذا تمكيجت وكشخت ما يعطيني اي اهتمام الا لما اغسل ويهي تشوفينة يفرح ويقول هذا اهو الجمال شحلوج جذي
بس شنسوي الريايل اطباع

لان الريال كائن حي بسيط جدا جدا

يحب البسااطة مايحب اللوية اللي احنا الحريم نعشقهاا

انا ريلي يقولي لمن اتحطين مكياج وايد اتصيرين جيكره وانا اصلا مااحب المكياج يغير شكلي
بس اهو يحب احط بس قلوس وماسكرا وكحله وحتى انا احب جذي

تصدقين انا لو احط يسكت واذا ماحطيت يقولي صايرة شحلوج