|
|
عندي سؤال اتمنى القا له اجابه انا والده قيصريه مرتين الاولى ماكنت ادري شالطبخه بس كان الراس فوق فولدوني قيصريه الثانيه كانت مفروض طبيعي بس تعسرت وسوولي قيصريه الحين انا حامل والمصيبه ان اذا طرت علي الولاده اموت من الخوف حيل خايفه لدرجه ان النوم يطير من عيوني لاطرت لي العمليه وبعض الناس الله يهديهم كل يوم والثاني دازين واتس اب ادعوا لفلانه توفت وهي تولد وانا اعصابي منهاره ادري ان الاعمار بيد الله بس الخوف فطره ما ادري هالشي عادي ولا انا جد حيل وسواسيه اتمنى القا رد لسؤالي بليز
حبيبتي هذا وسواس
تعوذي من الشيطان
وتولدين وتقومين بالسلااامه ان شاء الله
وبصحه وعافيه انتي والبيبي
لا توسوسين
الله يرزقج بالولادة اليسيرة والنفاس الحلو
و اللي ماتوا هذا اجلهم لا يقدم و لا يتاخر
الشرهه على هالاوادم ويا واتس اباتهم الدايخه قال ماتت و قال ما ادري شنو
توكلي على الله و تصدقي دفعه بلاء قبل ولادتك و ماكو الا العافيه
وادعي الله يسهل ولادتج
بنت عمتي والده قيصيريه خمس مرات ماشاءالله
ودام انتي عارفه ومجربه القيصريه خلاص ارتااحي ,
وعسى الله يرزقج بالولاده السهله وتقومين انتي والبيبي بصحه وعافيه
الناس بس تخرع ماكو الا العافيه
وانا نفسج بعد قبل قيصريتين
الثالثة بالطريج
والحين إبرة ظهر ماتحسين بشي
وخلي عنج الوساويس ترا تأثر علي الجنين
ومثل ماجبتي اثنين
بتجيبين الثالث بسلامه ان شالله
توكلي على الله واصلا القيصري اصح للجنين من الطبيعي
تنامين وتقومين والا ضناج يمج
انا والدةطبيعي بس اخرمرة قررو عملية ومن الخوف بغيت اموت وكلة ابجي واوصي على عيالي ودخلت المستشفى وانا كله افكر بالموت وبحال عيالي بعدي
وآآآآآآآآآآآآآخ من الحريم وجذبهم لما كنت بالمستشفى وانا حالتي حالة سمعت صرخةحرمه من قوتها شقت راسي وخفت وطلعت والا الحريم برامتجمعين وانا ارجف شنو فيها قالو هذي اختها توفت بالوضع وصرخت وخذوها برا وربي انا نشف دمي وقلت خلا صانا ميته ميته
وثاني يوم طليت بغرفتها والا هذيج البنت المصريه قاعدة والبيبي بجنبها وقلت امس فيه حرمه هنيه وينها <<<<يعني ما ابي اخرعها
قالت الحرمه اعذريني انا كنت اصارخ جيتهم واصله وذبحني الطلق وصارخت ودخلوني على طول واليوم كل شوي جاية وحدة تسال اللي علي اللي توفت امس
وطقيتها بجيه جان تقول لا متخافيش وربنا انا اللي زعأت مفينيش حاجه وانا من امس عايشه برعب بسبه الاشاعات
ماعليج الحمد لله كاني ولدت وقاعدة انصحج واولدي واطلعي بالسلامه وطمنيني