سؤال للبنات الي ماخذين اجازة المجلس الطبي للحامل

السلام عليكم بنات … شلوووونكم

سؤالي الي يعطونها اجازة من المجلس الطبي للحامل .. هالاجازة تكون براتب ولا لاء ؟

ومشكوريييييييييين

اي براتب عادي عيل ليش مجلس طبي وعباااله

اي حبيبتي عادي براتب كامل بعد

لا تحاتين

انا بعرف شلون تاخذون اجازه من المجلس الطبي انا توني داشه الثامن وتعبانه مالي خلق اداوم

تطلبين تحويل من دوامك يعني تكتبين طلب يوقع المدير موجه إلي رئيس المجلس الطبي العام وتلرفقين معاه تقرير من طبيبك يبين وضعك الصحي وأنك في الثامن والخ
بعدين تاخذينه تودينه المجلس الطبي يفتحون لج ملف ويحولونك لمستشفى الولاده ويحطولك موعد مع لجنه وبعدين شغلي واسطاتك

مشكوووووووورين بنات

و اختي لاماركيز كفت ووفت حق طريقة المجلس الطبي

في ناس يعطونهم اجازة من المجلس الطبي بس بدون راتب على حسب البند المكتوب بالاجازة
خصوصا اذا اخذتيها من اول فترة الحمل

براتب كامل

حبيبتي

انا لما حملت غبت طول فترة الحمال

وياني مجلس طبي بعد اسبوعين وما رحت كملت طبياتي كل اسبوعين ليما صار تقريبا شهر وشوي رحت المجلس وقلت لهم عن حالتي

وفحصتني الدكتورة وحولوني على لجنة طبية بالعدان وعطوني موافقة على كل طبياتي ووديت اوراقها والحمدلله ارتحت وولدت وكل شي سهالات

ان شاءالله افدتج من تجرتي بالمجلس الطبي

براتب كاامل

الله لايوفق مستشفى الاعدام

ثاني مره اسوي مجلس طبي ويرفضونها

تكفون باجر عندي موعد طبي ادعوا لي انهم يوافقون عليها وارتاح شوي من البهذله

حبيبتي إجازة المجلس لها ثلاث درجات :
1. إجازة بدون راتب
2. إجازة بنصف الراتب
3. إجازة براتب كامل
[ وأنا من حملت كنت تعبانه حيل وماخذة مجلس طبي على الدرجة الثالثة يعني براتب كامل ومعطيني الاجازة لي الولادة طبعا أخذه ثلاث شهور ويسوولي لجنة وأجدد إلى الان .. وإدعيلي إن الله يسهلي ولادتي.

انزين جم مدة اجازة المجلس الطبي ؟؟

يعني انا لازم اقولهم لى اي بند ابي و لا اهم يختارون شلون اعرف شنو اختارو

انه سويت لجنه على حمالي الاول وحولوني العدان
وكنت حدي تعبانه
وولا رضوا يعطوني اجازه
بس هالمره ابي احاول لان جد تعبانه والحمال مانعني ولان شغلي موشغل اوادم انه ممرضه كراااااااااااف
اولا بس ايطقني عرج او امشي اشوي ينزل على طول دم
وفيني تجمع دموي بالمشيمه ابجهة اليسار
وفيني انفصال جزئي بالمشيمه هم ابجهة اليسار وولا اطلع مكان
وكله ابي انام وايديني الثنتين يتخدرون حييييييل اللي ما اقدر اشيلهم
عاد هالمره صج اذا مارضوا صج صج بقعد ابجي