سؤال عن اللبس بنات فى غرفة النوم ؟؟؟

بنات شنو تلبسون فى غرفة نومكم بالبرد هذا ولو ان زوجى ينام بغرفه ثانيه وانا بغرفتى بس ابي اعرف شنو تلبسون والبرد زايد هاليومين عظام الوحده تطلع بره وفوق هذا كله الياهل كلا بجي بالليل وكل ساع طالعه بره الغرفه اغسل الممه او اقط الحفاظ مكرمين بالزباله يخلي الوحده مالها خلق تلبس وتكشخ واذا دخل فجأه ريلي بالليل وشافني بملابس عاديه تعتقدون راح يصد عني ويقول هذي مو سنعه !!؟؟

ومن وين تشترون ملابس النوم البسيطه السنعه ما ابي غالي شريت من الطاهر وانور ومحلات غاليه لبستهم لنفسي لما مليت منهم 0

حبوبه بجامات ناعمه وحلوه وتدفي حق الشتا دام انج تنامين مع البيبي مو مع ريلج
او نفانيف مادري دراريع اقصار حلوه بناتيه وشغلي الدفايه
وقت الي تكونين مع ريلح لبسي الي بخاطرج وشغلي الفايه من وقت وتدفى الغرفه بعدين بدلي

انا عن نفسي احب مجمع الايوووووووووب محلات اكسفورد وفيرجن وربعهم تحت بالسرداب عندهم فناتق وموديلات اتهبل واسعار زينه وموجودين بالمهلب بعد وعندهم الشغلات البسيطه
عندج لاسنزا وشنو بعد….اويشووووو بالمارينا ومن سيكرت بالمهلب حلويين

هذا الي اذكره الحين

اشتري الرووب الي جنه فوطه ناااااعمه عشان اذا قمتي من الفراش تلبسينه لان حر بيصير اذا لبستي جم طوييل ونمتي او شي ثقييل
واذا تبين شغلات حلوه حق الشتا روحي ومن سيكرت او لاسنزا بس ومن سيكرت عندهم سوالف تيينن ومرتبه
او اذا تبين الرخيص روحي دريم موول شكثر عندهم سوالف افتري وشوفي شنو يعجبج

والله البيجامات الحين تهبل ..

وانتي عاد تفنني بشعرج وانواع القلوسات والعطور ..

تلقين بسوق السالمية عند سيتي سنتر محلات المعلم اشياء حلوة

وناعمه ان شاء الله تلقين اللي يناسبج وفي ترقات مخمل حلوه والوان عجيبة ..

عندج مآكس ورد تاغ حلوووين واسعارهم حييييييييييل مناسبه

وهم عندج لاسنزا وايشوو حلووووين

بس انا من رااي انه ماتنامين بغرفه وزوجج بغرفه لانه راح تعودوون على هالشي ..

والله يوفقكم إن شاءالله..

اي والله نفسي انا مالي خلق البس شي من البرد
بس البس بجامات بناتيه حلوة على بابايات مع انعولهم وجذي تكون مخصرة ومنهم قصيرة وبرمودات وحلوة عشان ريلج يشوف انج حتى بجاماتج اغراء وذوق واشغل الدفايه ..

والله حبيبتي البنات ما قصرو بس عمري ليش تنامون كل واحد في غرفه لا تعودينه على فراقج والياهل يا عمري اشتريله اكثر من مميه عشان ما تغسلينهم الا الصبح يعني اخذيي لج خمسه سته على حسب جم رضعه يشرب جذي راح ترتاحين على الاقل تنامين شوي….سوري طولت عليج يا عمري

انا ابدع بالبجايم والدراريع القصار ووايد في شغلات بالسوق حلوه وادفي وبنفس الوقت البس اكسسوارات

اي حبيبتي لا تعودينه على فراقج
ولا تحسسينه انا الياهل خذاج منه
كوني انتي وياه بغرفه والبس واكشي وتعدلي
مومعقوله الياهل على طول يبكي وفي حالة اذا بجى على طول طلعي انتي وياه من الغرفه

حبيبتي في وايد بجامات تكون شتوية بس حلوه و ناعمه مو لازم شكلج يكون مغري بس عالاقل خله يصير حلو و كيوت
بعدين اذا عندكم دفايه شغلوها و لبسي اللي تبينه .. و عندج وايد محلات اسعارهم حلوه نفس لاسنزا و ومن سيكرت بالافنيوز

انا مع البنات ليش كل واحد ابغرفة؟؟؟؟؟؟؟؟؟؟؟؟؟

هذي فترة وتعدي ولازم كلكم تتحملونهاا

انا اكلمج عن تجربتي ام لطفلين

البس اللي خاطري فية بجايم وحركات واسوي شعري وانام كلنا بغرفة وحدة مو عذر اليهال…… اذا ناام اتسبح والله يخلي الستريتنر 10 دقايق والشعر يلمع

لا تقولون يخترب ..ما ينفعج الشعر لين طقش من الكشة هههههه

تقولين هذي شتقول صعبة الياهل يبيلة مجابل… صح نظمي وقتج وخلي اولوياتج البيبي واذا ناام على طوول الحمام غيري البيجاما لأنة اكييد فيها تكرمين ترجيع.. رتبي شعرج.. تعطري…وطلعي اكلي قعدي مع ريلج..