سؤال علي السريع

سؤال سريع حبيباتي ورجاء ابي رد سريع
رفيجتي اولدت ومسوية استقبالها في المستشفي يومين انا ابي اروح الصبح ,العصر عندي شغل عادي ولا احراج
السؤال التاني : اخذ شي معاي , شنو مثلا؟ هدية ولا اخليها بعدين في بيتها انا ما ابي اروح اكثر من مرة شنو نصيحتكم

ادري سؤال سخيف بس ساعدوني

روحى العصر طبعا احسن خذى لها معاك ورد او صحن كاكاو من باتشى

اتمنى انشاء الله اكون فدتج

السلام عليكم
روحي بعد العصر او المغرب الصبح مو حلوه
واخذي لها كاكاو حسب المولود ازرق اذا ولد او وردي اذا بنت
واخذي من لابيلا او باتشي او اميغو او روشيه
المحلات وايد
وباركي لها بالنيابه عني

السلام عليكم
حبيبتى انا افضل انج تروحين العصارى وايد احسن تدرين الصبح راح تكون تعبانة و مالها خلق.. و غير جذى الصبح فى الغالب يكون حق اهلها و حمولتها و جذى ف انسب وقت العصارى او المغربيات
و اكيد لازم تاخذين وياج شى مو حلوة تدشين و ايدج فاضية.. مثل ما البنات قالو اخذيلها كاكاو ازرق اذا صبى وردى اذا بنوتة و عندجوايد محلات حلوة مثل باتشى.. اروسا..روشية.. لو كادو.. حتى سابلية عندة سوالف حلوة و بسعر ارخص…
او تاخذين لها بوكية ورد حلو
او تقدرين تاخذين لها الست مال البيبى عندج من لاند مارك وايد حلوين و mother care وBHS
و ممكن اذا كانت بنوتة تاخذين لها بروش ذهب صغيرونو مال المواليد او عموما اي شى ذهب حق المواليد..
و اذا كلش كلش يبى ظرف يكون كشخة و شكلة حلو اتوقع يبيعونا فى بوابة الهدايا و حطيلها داخله فلوس و عطيها اياه..
و اذا اهى ناويه تسوي اسقبال فى بيتها و انتى مالج خلق تروحين مرتين.. انا اقترح تدزين لها بوكية ورد على المستشفى وبعدين تروحين لها البيت.. مادرى هذا راييى
و تبين الصراحة اهو بعد يعتمد لى قوة علاقتج فيها عرفتى شلون؟
اتمنى اكون فدتج و انشاللة البنات فيهم الخير و البركة مايقصرون

بعد عمري تسلمون بنات كويتيات وراح اروح العصر ان شاء الله والحلو الزين معاي تسلمون والله لا يحرمني منكم

ما عندي شي أزيده البنات كفوا ووفوا

ا1ا مسويه استقبال بالمستشفي يعني ماراح اتسوي بالبيت علي الغالب فيفضل نتخذين هديتها وياج وتعطينها اياها بالمستشفي