|
|
بغيت أسئل عن بعض جهات العمل بالكويت
بصراحة توني متخرجة من الجامعه وضايعه مارسيت على بر مادري وين ودي أشتغل
أولا
(الهيئة العامة للصناعه)
شنو طبيعة شغلها
ووين مكانها
وشلون لو فكرت أقدم فيها
وشنو تخصصاتهم إلي يبونها
المكان زين ولا فيه سلبيات وايد
يعني شغلهم تكدش ولا زين معقول
إهيا جهة حكومة .. مبين من إسمها صح
ثانيا
(معهد الكويت للأبحاث العلمية)
إلي بالشويخ يم الجامعه ضبط .. حدي ودي اتوظف فيه
بس ودي اعرف شنو طبيعة شغلهم
زين ولا لأ .. تكدش ولا لأ
شلون أقدم عندهم؟ آنا سمعت يبون متقدم فوق 3 نقاط الحمد الله آنا فوق 3 نقاط
شنو أقسامهم؟ نظام شغلهم نظام Group ولا عادي كل موظف بروحه؟
إلي عندها خبرة عن هالمكان خل تفيدني بليز الله يجزاكم خير
ثالثا
(المركز العلمي)
شنو طبيعة وظايفة
وشلون معاشاتهم؟ كلش ما أعرف ولا ربع معلومة عن هالمكان
زين ولا لأ؟ يبيلة واسطة؟ ساعات العمل وايد؟
يعني إلي تعرف أي معلومة عن هالمكان ياريتها تساعدني
مادري قاعده أفكر بهالأماكن
بس متردده يمكن أغيير رايي فيهم خير شر
بإنتظاركم بنات وإن شاء الله ألقى الفايدة منكم
شنو تعرفين عن معهد الكويت للابحاث العلمية ,, زينة ,, ليه وديج تشتغلين فيها ,,؟؟
وهمن يفيديج تسألين اللي يشتغلون ويقولون لج متى تقدمين وشلون .. عموما الهيئه العامة للصناعه تقدمين فيها
عن طريق الديوان ويبيلها وساطه معهد الأبحاث حلو المكان وشرح يقولون مافيه شغل وايد وشغلهم بحثي بحت
ويبون فوق ال3 وتنرفض الطلبات اذا معدلج اقل من ال3 لو بعشر أما المركز العلمي ما ادري نصحتي انج
تشوفين بنفسج وشكراا
دوامهم من 7:30 لي 3
انا يوم رحت حق المقابله شفت مكاتبهم بارتشن
يعني كل موظف له مكتب بروحه ماله شغل بالثاني
وانا صراحه ودي اعرف جم معاشاتهم بالضبط بس اللي اعرفه انها قويه وجنه يعطون تذاكر سنويه
برد على ردودكم رد رد
قمرشمر
هلا حبوبة .. والله إلي سمعته عنهم إنهم معهد راقي وشغله ذرب مافيه عفسة الوزارات ومشاكلها ولويتها .. بس القبول عندهم شوية صعب .. وبما إنه معدلي فوق الـ 3 عشان جذي فكرت فيه عرفتي ولا آنا ما أعرف عنه معلومات دقيقة عشان جذي سألت
*قفشة عسل*
مشكورة عالرفع حياتي
banotah^_^
هلا فيج حبيبتي إي والله آنا مفكرة أدور عليهم وأسئلهم أحسن شي تواجهينهم وتعرفين طبيعة المكان .. ومثل ماقلتي معهد الأبحاث يبون فوق 3 والحمدالله هالشي متوفر عندي .. وإذا شغلهم عالأبحاث البحته فمو مشكلة عندي لأني أحب الشغلة البحثية من الجامعه والله شكلي بروح لهم هاليومين .. الله يعطيج العافية ماقصرتي حبيبتي على ردج
kwtia
وناسة عندج إمتحان بالمعهد الله يوفقج إن شاء الله ويسهل عليج
والله حلوة سالفة التذاكر توني أدري عنها تصدقين ! الله يعطيج العافية خوش معلومات قلتيها لي
وبغيت أسئلج حبيبتي .. كل وحده تبي تتوظف تقدم إمتحان مثل إلي إنتي قدمتيه؟
وتسلمين لي حبوبة
وتسلمون لي كلكم يلي وقفتوا عند موضوعي ورديتوا ماقصرتوا
والدبلوم زياده امتحان انجليزي بس انا جامعيه ماكو
والله كريم عاد ادعولي انجح ويقبلوني
عسى الله يسهل عليج ويوفقج ويقبلونج آمين يارب
آنا بعد جامعية .. زين والله بس مقابلة وإمتحان تخصص مايبون توفل؟ ونستيني والله
إذا على إمتحان التخصص و المقابلة هينه .. آنا علبالي يبون إمتحان توفل إنجليزي بعد
بشرينا عاد إذا إقبلوج
أنتم السابقون وبذن الله نحن اللاحقون لوووول 
alatoto
والله حبيبتي إلي أعرفه إنه في بنات ورياييل مومفصول
بس مو متأكده من معلومتي بس هذا إلي اعرفه ليلحين
وجنه جنه الشغل فيه Group أحيانا .. هذا إلي سمعته من ربعي لكن والله مومتأكده .. إلي عندها خبر تفيدنا
بخصوص التوفل
كانوا حاطين بالإعلان شرط التوفل دقيت عليهم وقلت لهم ما عندي توفل قالوا لي عادي مو لازم وقدمت والحمدالله مشت
وعلى سالفه القروب
بالمقابله قالولي مسماج مساعد باحث
وشغلي كله راح يكون مع دكاتره يعني اساعد الدكتور بأبحاثه وجذي
بس لي مكتب بروحي
واللي سألت عن الريايل والحريم
كل الأقسام خلط ماكو قسم للحريم بس او قسم لريايل بس
هذا كل اللي اعرفه
بس ياريت لو تعرفون جم المعاشات تقريبا ؟؟؟؟؟