|
|
السلام عليكم ورحمة الله وبركاته
شلونكم بنات ؟
ان شاء الله بخير
عندي سؤال ماعليكم امر …
مرة سمعت ان ممكن يعطون اجازة امومة لمدة 4 سنوات طبعا من غير راتب
بغيت اعرف هالشي صحيح او لا ؟
وهل يكون اول شهرين براتب و اربعه شهور بنص راتب و الباقي من غير راتب ؟
وجم مرة اقدر آخذ اجازة الامومة الطويلة اللي مدتها 4 سنوات ؟
ادري اسئلتي وايد … بس ياليت اللي تعرف اي شي عن الموضوع تفيدني 
والله يعطيكم العافية
.gif "Eh S(3)")
6 شهور ما تكفي حق البيبي ….
على الاقل الوحدة ترجع الدوام بعد مايصير عمر البيبي سنة ونص علشان تقدر تدخله حضانه …
والا وين تخليه الصبح ؟
والخدم الصراحة مالهم امان !
اول شهرين من تاريخ الولادة تعتبر اجازة وضع براتب كامل
و 4 اشهر اجازة امومة بنص راتب
وتقدرين تاخذين مثلا شهر كامل اضافي بس بدون راتب …….. هذا الي اعرفة
الامومه فقط 4 شهور وضيفي عليها اجازة الوضع اللي هي شهرين يصيرون 6 شهور
ولك انك تاخذين امومه بدون راتب لمدة اربع سنوات .. بس ماكو مرتب ولاتقدرين تقطعينها قبل مرور ست شهور من تاريخها .. يعني ماتقدرين تاخذين بس شهر بدون راتب عالاقل تاخذين ست اشهر وفوق وسلامتج هذا الي اعرفة عن وزارة التربيه
ماقصرتوا الصراحة
لقيت الخبر الاكيد من موقع ديوان الخدمة
———-
إجازة لرعاية الأسرة والأمومة والطفولة ولمزاولة الأعمال التجارية والصناعية والمهنية:
عملاً بالمادة (51) من النظام التي تنص على أنه " يجوز منح الموظف بناء على طلبه إجازة خاصة بدون مرتب خلاف الإجازات الخاصة المنصوص عليها في هذا النظام وفقاً للقواعد والأحكام التي يقررها مجلس الخدمة المدنية ، فقد أصدر المجلس قراره رقم (13/1979) والمعدل بقراره رقم (10/1981) يجيز منح إجازة لرعاية الأسرة والأمومة والطفولة ، وكذا منح إجازة لمزاولة الأعمال التجارية والصناعية والمهنية أو العمل لدى الغير وإن كان لم يذكرها صراحةً، إلا أنه يفهم ذلك من سياق النصوص ونعرض فيما يلي أهم المبادئ لكل من هاتين الإجازتين.
أ. أهم مبادئ إجازة رعاية الأسرة والأمومة والطفولة:
1. أن تكون بناء على طلب الموظفة الكويتية المتزوجة أو غير الكويتية المتزوجة من كويتي أو الأرملة أو المطلقة ولها أولاد كويتيون .
2. تكون بقرار من الوزير الذي يترخص في منحها.
3. لا تقل مدة الإجازة عن ستة شهور ، ولا تزيد عن أربع سنوات طوال مدة الخدمة يجوز قطعها والعودة للعمل قبل قضاء الحد الأدنى.
4. يشترط ألا تقل مدة الخدمة عن سنة واستثناء من هذا الشرط يجوز منحها للموظفة المتزوجة لمرافقة زوجها في الخارج بشرط أن يكون كويتياً .
5. لا يجوز للموظفة العمل خلال هذه الإجازة سواء لحسابها أو لحساب الغير.