السلام عليكم بنات؟
بصراحه انا ما عندي حريم حما لكن دايم اختي تشتكي منهم قبل لا يتزوجون اخوان ريلها كانوا يحبونها وبعد ما تزوجوا الحين ما يحبونها والسبب غيرة الحريم وموبس هذا وايد يسببون لها مشاكل .
تاركتكم الموضوع للمناقشه واللي واجهت مشاكل تقول عشان الكل يستفيد واللي بمشاكل شنو الحل لها بصراحه الله يستر لتزوجوا اخوان ريلي من كثر ماسمع من اختي.
ام مارية
وعليكم السلام يا قلبي
تري الغيرة شي طبيعي في الحريم
وفي ريايل يسمعون للحريم
وفي ريايل يطنشون للأن يعرفون الحريم ما وراءهم الا عوار القلب
وأن شاء الله
أخوان زوجك لم يتزوجون ما يكرهونج
ولا تصير مشاكل
ومشكوووره علي الموضوع
انا ما عندي حريم حما
بس الله يعيني اذا صار عندي
انا اسمع سوالف وايد تخرع
يتوقف علىشخصية الزوج…. يعنى لا يسمع للحرييييم ,,موراهم ألا عوارالراااس,, وكل المشاكل بين حريم الأخوووان سببها الغيرة,,
أم مارية
أنا عندي بس حموان 2
واحد مأخذ أختي
والثاني مأخذ بنت عمه
وأنا مالي شغل فيهم
لا أدخل بحياتهم
ولا أهم يدخلون بحياتي
انا عندي مشالله خير من حريم الحماا تقريبا 9
بس احسن شي الوحده تصير رسميه معاهم ولا تطيح الميانه معاهم وبجذي تفتكين من المشاكل
لا والله انا مرت حماي تهبل احبها وحماي عادي ماتغير عقب الزواج
والله يا بنات انا ما عندي حريم حموان لانه الحد الآن ما تزوج بس إلى اشوفه من حريم اخواني عكس الكلام ما شاءالله عليهم يهبلون إذا ما جت الوحده زارتنا في وقت الجمعه يدقون عليها يسألونها شفيها ما جت .
شوفي عزيزتي انا ما عندي حريم حموان بس اذا انشالله صار عندي راح اكون حليوه معاها وطيبه لان انا من نوعي ما احارش بس اذا شفت منها اذيه وشر اسود عيشتها ياويلها ياسواد ليلها لان انا بطبعي مسالمه وما احارش بس الي يحارشني او يغلط علي ارد عليه بالعشر لاني ما احب اسكت عن حقي عشان محد يتمادى معاي فسوي مثلي لا تقولين اسكت احسن لي الحين حلاته الواحد ما يشكت احسن يطلع كل الي بقلبه
انا ماعندي حريم حموان ..
عندي حما واحد وتوه صغير
و انا مثل رفرف .. عندي حما واحد .. اصغر من ريلي و مو متزوج للحين .
احسن شي يابنات تكونين رسميه بعلاقتج مع حريم حموانج مثل ما اسوي انا……عاد مو لدرجة تصيرين ماتنتحاجين لا عادي خلج ريلاكس اذا في سوالف وضحك شاركي واذا صمت صمتي احسن……واذا قدرتي تزيدين لحظات الصمت يكون احسن علشان لا تقولين شي جدامهم تتحسفين عقب اذا تذكرتيه………هذي خلاصة تجربتي 8سنين ودمتم سالمين
على فكره نصيحه للتعامل مع مرت الحما……اذا حاولت تغثج بكلمه ولا حركه نص كم حقريييييييييها ولا تعطينها ويه علشان لا تنزلين لمستواها الى ان تمل من هالحركات السخيفه وتغض النظر عنج
أنا عندي وحده بس الحمدلله علاقتي معاها رسميه لأبعد الحدود ماأشوفها إلا يوم بالشهر..
ماأحب أكون معاها عادية لأن ماأبي أسولف وأتحسف على السوالف… تعرفين مو كل الحريم سوا..
انا ماعندي حريم حموان بس دايما اطفر حماي الي اصغر من زوجي واقوله اذا تزوجت بسوي عصابه مني انا ومن خالتي الي اهي ام زوجي واموت فيها والله لايغيرها علي انشالله وحماتي ضد مرته
والله الصــراحه انا ماعندي لاني اساســا مو متزوجه
بس اشوف بنات خالتي بالعكس وحده منهم حمواتها اهبــلووون ذهب والله والي تزوجت عادي بالعكس صار اقرب من بنت خالتي
والثانيه مــاعرفهم عدل بس اهي معاهم رسميه وو الثالثه ايننون بعــد وكلهم كبــار يعني مو من طقتهــا اهي بالعشرينات واهمه بالاربعينات وفوق بس عادي بينهم يعني
سوري طولت عليج بس سوالف الغيره ماشووفها انا وكا اشوف عماتي وامي بالعكس