سؤاال ضروري عن المجلس الطبي

اللي جربت او تعرف شلون طريقه اللجنه الطبيه اول مرة اروح وموعدي باجر بعرف منكم شلون ادخل بروحي والا مع زوجي عادي؟وشنو يسألوني؟ وانا اشرح حالتي والا اهم يسألوني اسئلة ؟؟؟عفيه ابي التفاصيل احاتي هالروحه ؛؛؛ ناطره تجاربكم بنات 

اب اب اب ////// باجر موعدي بليز اي معلومة

السلام عليكم…حبيبتي تدخلين بروحج …ولازم تقرير بحالتج من دكتورتج
ويسالونج اساله عاديه …ماعليج لاتخافيييين )؛

مشكووورة ام ريان ع الرد ماقصرتي ياقلبي ؛ المشكلة الكل يقول لازم واسطة وانا ريلي مااايحب الواسطات كلللللش ؛ الله كريم على وضعي يقول دكتوري المفروض يعطونج راحه لأن عندي اجهاضات متكررة وضغطي عالي وآخذ مثبتات ونازله المشيمه عندي بس الله العالم شيقررون لي الله يسهل؛؛ تجاربكم بنات ناطرتكم

اااااااااب

انشالله سهالات
وادعي ودام عندج كذا اجهاض غصبا عليهم يعطونج
انه بكل حمال ايصير معاي دم وسوالف
والحمدلله خذيت اجازه من المجلس الطبي
وانشالله لج بالمثل
واهي اتدشين وعلى حسب الدكاتره
في يسالونج
وفي يعتمدون عالتقارير الطبيه مالتج
وفي يعتمدون على سونارهم اللي قبل لا ادشين اتسوينه
والله ايوفقج يارب

الله يتمم عليج ويرزقج بالذريه الصالحه….

وباذن الله يعطونج للوضع (:

حبايبي ماقصرتوا ام فطوم وام ريان ومشكورين وجزاكم الله خير ع هالدعوات الطيبه؛؛ام الحلوات مشكورة ع الرفع ؛؛ *

اب خواتي

انا عيل شقووول
انا الاسبوع الياي الاربعا موعدي
انا حامل ومعاي ديسك
العوار قوي
لااقدر اقعد ولاامشي ولااسوي اي مجهود
مدرسة وحالتي صعبة
المهم من الالم اتحنط وماقدر اخذ دوا
ولااقدر اداوم والحين من بدا الكورس الثاني
مادومت
تهقون يعطوني؟؟؟؟

الله يسهلها لج ياصاحبة الموضوع وان شاءالله تاخذينها
والي فيها ديسك عسا ربي يشافيج ويعافيج ويحرمه علينا
انا زلقت بالحمام والم ع الحوض واحس بألم ومرات ما اقدر امشي من صوبه
اجل انتي الله يعينج ويعينا ويشافينا

مشكورين كلكم ع الردود ؛ رحت اليوم كان موعدي بعد انتظار للموعد شهر ونص الى شهرين تقريباً وقبلها اجراءات الدوام ودخلت على دكاتره حريم كويتيات واسئله ونفس اللهم ياكافي ؛؛ ويقولون لي عادي امشي وتحركي !!! المشيمة نازله ومصنفه انها متقدمة وبينها وبين عنق الرحم 2 سم بس !! يقولون عادي امشي وطلعي موزين على نفسيتج ومو مهم الراحه والسدحه!!!تقولي تبين تييج جلطه بالريل والا الرئه !! خافي على نفسج اكثر من الجنين!!! انا اهنيه فجيت حلجي شهالحجي !!!!! للعلم عندي 4 اجهاضات سابقه وآخذ مثبتات وآخذ علاج ضغط 3 مرات باليوم ومورمه من الضغط وخشمي على طووول ينزف اذا ارتفع ضغطي ؛وطبعاً تقلصات اسفل البطن والظهر من حللت لي الحين المهم وااايد تضايقت منهم حسسوني ان مافيني الا العافيه ليش!! لان يايه بدون واسطه الزبدة عطوني بس 6 اسابيع !! مع ان دكتوري يقول بيعطونج لي الولاده لان حالتج تستحق كافي ال4 اجهاضات !!!وطبعاً ناس اعرفهم حمالهم عااادي وياخذون لي الولاده بس الواحد شيقول غير حسبنا الله ونعم الوكيل لأن واسطتي كانت رب العالمين فاللهم لك الحمد والشكر على كل حال

اي مستشفى هذيل قطع ليش قاسيين جذي ؟؟؟

ياحياتي حالتج تستاهل المجلس الطبي غيرج مافيها الا العافيه وتاخذه لي الولاده وانتي حرام بس تبين الصج الاغلبيه اذا مو الكل يلخذون المجلس الطبي بالواسطه ….حاولي دوريلج واسطة

انا تبع مستشفى الصباح وصج في دكتورة كنت قاريه عنها مرة بالمنتدى مو متحجبه يذمونها للاسف وطلعت لي صج اسلوبها ينرفز!! صاجه كيوت لو تشوفين اللي ناطرين اااخر كشخة ومكياج وتطلع مستانسه تحسين انها مرتاحه عارفه بيعطونها؛وانا طالعه مدقورة وجني جذابه و ريلي مووو راضي بالواسطه كللللش مايحب يستحرم هالشي شسوي الله كريم*