عندي مشكلة واجهتني اليوم وحبيت آخذ رايكم ….
وصل من ديوان الخدمة ورقة ترقية يعني انتقلت من مسمى معلم ج الى معلم ب وكان هذا من شهر 11 ونظرت ينزلي الزيادة على الراتب
بس اكتشفت لما راجعت المنطقة ان المسمى لم يتغير عندهم و عند الديوان الخدمة بالعكس مسجل عندهم تعيين جديد الدرجة الرابعة معلم د
أي دال أي بطيخ آنا صارلي 6 سنوات خبرة بالتربية
والصدمة الثانية ان الزيادات مو نازلتي بالمرة معاشي حال التعيين اليديد
عندي سؤال هذا التصرف صحيح؟
والي تترقى من معلم د الى ج أتكون ( درجة ثالثة )؟
والي تترقى من معلم ج الى د اتكون أي درجة ؟
وجم الزيادة وتتوقعون ينزلي الفلوس بأثر رجعي ؟ وين أرجع ؟ غير قسم الكادر
ويصير آخذه عن طريق الشيك ؟
ساعدوني ……
اختي الغالية الترقي من د ال ج زيادة 15 دينار على الراتب وتبقيت بالدرجة الثالثة اما ب زيادتها 20 والدرجة الثالثة تجيج السنة الجاية يعني لازم تخلصين 6 سنوات وزيادتها 35 طبعا ,,,,,,, ما بنزلون الا لما انتي تراجعينهم لا تنطرين وال10 السنويه لا نتسينها واذا طاف وقتها تنزل بحسابج اثر رجعي مو شيك
حبيبتي آنا ماشية ب 6 سنوات ويتلي ب بس المشكلة انه بالوزارة طلع مسجلين د يعني الله يستر
اشلون تعرفون اذا انتوا مستحقين الدرجة؟؟
يعني اشلون اعرف اني انتقلت من د إلى ج .. و هو أساسا المسمى مو متغير من الوزارة نفسها!!!!
يبا عادي لا تستغربين حبيبتي انتي بوزارة التربية لا وين بعد بديرتنا بس ما اقول الا الله يعينج ويردلج حقج كامل
انا بعد بعرف
اشلون اعرف اني انتقلت من درجه الى درجه
حبيبتي مشكلتج نفس مشكلتي انا ادري ان تقاريري كلها امتيازات بس الى صار ان كنت بمنطقة حولي التعليمة و صرت هناك من د الى ج معرفتي بالامور هذي كانت بسيطه المهم بعدها انتقلت الى منطقة الفروانية و قعدت فتره طويله ما صرت من ج الى ب ومثل ما قلت لج ما كنت اعرف عدل بالمواضيع هذي لين نبهتني رئيسة قسمي لما شافت تقرير راتبي وقالت لي انتي ليش معلم ج للحين مع انج طول هالسنين امتياز رحت و راجعت المنطقة قالو لي انشالله السنه هذي راح تجي لج ج انصدمت اطلعت السالفة ان لما انتقلت ما انقوا في ملفي سواء كتابة او كمبيوتر اني مترقيه من د الى ج فيحولي و وصلت بالفروانية اني د مو ج و توهم يرقوني ج مع اني استحق ب
قالو لي راجعي حولي التعليمية و اخذت منهم كتاب و رجعت عدلت وضعي و نزلو لي بعد فتره بشكل دفعات باثر رجعي كل الى فات
وقالت لي الموظفة هناك هذي غلطتج المفروض اتراجعون اول باول لا سمح الله ما تدرين شنو شغل هالموظفة الى يطيح عندها ملفج مثل ما صار معاج بحولي
وصح كلامها المفروض نسال اول باول جل من لا يسهو ( ادري طولت عليكم ) روحي راجعي احسن 
الله يردلج حقج انشالله ومشكوووره واايد انج نبهتينا على هالسالفه وبعدين صج لاتنسين احنا بوزاره التربيه ودايما توقعي انه حقوقنا مهدوووووووره .
روحي راجعي
ممكن يرجع لج كل شي باثر رجعي
السلام عليكم معلمات …بغيت استفسر منكم عن ال10 دنانير المكافأة السنوية ؟ انا صارلي سنة بالضبط من تعينت وقالوا لي انه فيه مكافأة 10 دنانير تنزل ..متى وشلون علموني وتشكررررررررررات مقدما
ماضاع حق وراة مطالب
أنا جاتني الدرجة الثالثة بالأقدمية في السنة السابعة يعني بعد ما كملت 6 سنوات لأن في السنة الرابعة ما حصلت فيها امتياز ،،،، ونفس الحالة صار مع رفيجاتي اللي ما حصلوا امتيازات ورى بعض ،،،،لكن تكون خبرة المعلمة 6 سنوات وعلى الدرجة الثانية مستحيل طبعا ،،،،
عزيزتي ترقية المعلم تجيج على الامتيازات مالها شغل بالدرجة من ج الى د اذا كنتي سنتين ورا بعض امتياز و الدرجة تجيج بعد ست سنوات خبرة , اما الزيادة راح تجيج باثر رجعي و اهي زيادة 15 دينار بالشهر و راح تتاخر المعاملة اشو يعني على اخر شهر فبراير أما انج تاخذين فلوسج شيك ما تسوى عبالتها و الذل اللي راح تشوفينه من الوزارة , مالج الى الصبر
انزين انا السنه اللي طافت يتني الدرجه 3 بالاقدمية متى اقدر اخذ الدرجة الثانيه بالاختيار يعني السنه اللي طافت خذيت امتياز وانشالله باذن الله هالسنه باخذ امتياز متى تييني بالاختيار
اقتباس:
المشاركة الأصلية كتبت بواسطة ديما الكويت  السلام عليكم معلمات …بغيت استفسر منكم عن ال10 دنانير المكافأة السنوية ؟ انا صارلي سنة بالضبط من تعينت وقالوا لي انه فيه مكافأة 10 دنانير تنزل ..متى وشلون علموني وتشكررررررررررات مقدما
|
الزيادة السنوية ما تنزلج العشرة كاملة تقريبا 9 لأن جزء منها يروح للتأمينات ،،،، اذا كان تعيينج الفصل الأول تنزل مع معاش يناير أما اذا الفصل الثاني تنزل مع معاش آخر العام الدراسي