(زوجي يطالع هالبنية)

السلام عليكم ورحمة الله وبركاته

شلونكم يا أحلى من العسل.

شكثر نسمع ولا نقرى عن الزوجات اللي يشتكون من أزواجهم بس وين الغلط ومنو يتحمله؟؟؟

الزوج لي صار مرتاح في بيته وبعض الأزواج راحتهم تكتمل بالعناية فيهم وتفقد أحوالهم وترتيب أغراضه وتكون وجبته زاهبة وهمه ماتطيح عينه إلا على كل شي سنع.

وفي زوج لأ ؟؟ يبي التكشخ والتدلع ويحب المكياج واللبس والذي منه.

وفي زوج يحب الهدوء وراحة البال ولا تحن الزوجة على راسه وكله نكد ومشاكل .

فياحبيبتي يالغالية يالسنعة شوفي انتي زوجج شنو يبي واتعبي علشانه مرة ومرتين بتقدرين وبتوصلين للي تبينه.

طحتي عليه مرة يغازل ولا يتمقل في وحدة ولا شفتي رقم غريب بجهازه شتبين تسوين؟؟؟

بتزعلين وتروحين بيت أهلج ؟؟ هذا اللي تبيه المره الثانية لا يقلبي خلج في بيتج وتمسكي فيه بس عاد مو بالهواش والصراخ خلج ذكية وتعلمي شلون اتصرفين بهالمواقف .

يمكن يكون بأول زواجكم هالشي وصبري وتحملي ولا تلومين بنات الناس شوفي نفسج وشنو المقصرة فيه اي انتي ؟؟

يمكن الحجي الحلو ما يسمعه منج؟؟
يمكن حنتج والتشكي؟
يمكن الغيرة الزايدة والشك؟
يمكن ماتوفرين له الجو اللي يبيه؟
ماتعطينه وقته في خصوصياته مثل يبي يقعد مرة بروحه او يبي يغير جو مع ربعه شاللي يمنع والله اللي كاتبه ربي بصير .

الزوجة والزوجة والزوجة اهي السبب الرئيسي في راحة الزوج وتعلقه في بيته لاتقولين اهو السبب عاد لاصار غير جذيه يعتبر هالزوج حاله شاذة او نادرا ما تلاقين الزوج ماينفع معاه ولا شي فما نقول إلا لاحول ولا قوة إلا بالله.

وترى فيه مراهقة على كبر وهذي مالج الا الصبر عقب هالعيال والعشرة شتبين تسوين ؟؟

أتمنى يحبيباتي إني ما زعلت أحد وعسى ربي اللي عينه ماتنام يسخرلكم أزواجكم ويبعد عنكم بنات وعيال الحرام اللهم آمين.

يسلمووووو بس احيانا في رياجيل مايملى عينهم الا التراب

مثل مآ البنت تعرف تصون بيتها، هو خل يحترم العشرهـ ويحط لها احترآم قدإمه
شكرا على كلامج

مواضيعج دايما تعجبني

مبدعه يا بخت زوجج ماشاء الله عليج

ثانكس عالموضوع

تسلمييييين حبيبتي ع الموضوووووووع الثقيـــــــــــــــــــــــــــــــــــــــــــــ ـــــــــــــــــمم

موضووعج حلو واسلووبج رووعه

بس ترى واايد ريايييل حريمهم مو مقصرين معاهم بكل الجوانب اللي ذكرتيها ومع جذي عينهم زاايغه

ترى التقصير مرات مايكون من الزوجه, تكون العله بالرياال نفسه..

والنقطه هذي اللي ذكرتيها:
وترى فيه مراهقة على كبر وهذي مالج الا الصبر عقب هالعيال والعشرة شتبين تسوين ؟؟

صدقتي فيها يالغااليه وهذي صج اللي مالها طب ولا علاج !!!

يعطيج العافيه

انا معااج باللي قلتيه اذا الريااال لقى رااحته ابييته ما يطااالع بره
يمكن الزوجه عند نفسها انها مو مقصره بس اهوا يحس بالتقصيير من شيمعين عاد كل ريال و نظامه

مشكورهــ حبيبتي كلآمج عسل ..‘‘

انا معاج بس والله مو الكل فيه رياييل مايملي عينهم غير التراب مره اسالو واحد ليش تزوجت على مرتك جان يقول اهيا مو ناقصها شي بس تغيير

مشكوره حبوبه عالموضوع
صح كلامج في نقاط ذكرتيها عين العقل ،، بس حبيت أعلق على شي انا من وجهه نظري لم تيي هالحاله مع الرياال بكبر يمكن لانه مل او بطبيعته جذي الريال ما يملي عينه شي ومهما سوت مرته يتم يطااالع ويخز وهذي حقيقه محد يختلف فيها
بس اذا كانت البنت باول زواجها ؟؟ وريلها خازوزجي ومغازلجي بالله شالله حادها انها تقعد وتتحمل ؟؟ وليش هالنظره الدونيه للمرأة الي لازم تتحمل وتتصبر ؟؟
انا معاج لو كانت تقصير من البنت صحح لازم تغير من روحها ؟؟ بس ما يحقله لاي سبب من الاسباب انه يخون او يغازل
الي لازم يسويه اذا اهوه صج خايف على علاقته الاسريه :
1 – يصارح البنت ويقعد معاها قعده ويحط النقاط على الحروف ، ويا فالنه انتي غلطانه اهني وابيج تتغيرين
ما نفع .؟
2- يكلم احد من اهلها مثل امها يا عمتي بنتج كيت وكيت كلميها وعقليها ؟؟
مانفع .؟ذييك السااعه البنت تكون مقصره
لان وايد منا يا بنات تسوي شي حسبالها عادي يطلع بنظر غيرها وبالاخص ريلها شي مليق
فرجاءا بنااات لا تحملونا فوق طاقتنا وتبررون حق الرياااييل
الي ما يستاهل مرته الاحسن انها تنفصل حتى لو كان عندها يهاال ومو نهايه الدنيا والي ياايه ايين غيره بعد
واسمحولي طولت عليكم بس وجهه نظر لازم اقولها

صح الريال اللي مرته قايمة فيه مايطالع براا
بس بنات هالوقت حنة ورنة طلباتهم ماتخلص عنيدات
ماتعرف تسوي شي بالبيت كله على الخدامة وين بتملاا عينه
وحجتهم دايما انا مو مقصرة
يرجع البيت مايلاقي غداه وعفسة والمدام يا بالدوام ولانايمة وين بتملا عينه
ماكو سنع

هلا بجواهر يسلملي عمرج يارب

مو الكل البعض وصدقيني يقلبي لو المره سوت اللي عليها ورضت ربها وزوجها الزوج حتى لو ما قال واعترف بينه وبين نفسه بيستحي ويحس بالذنب.

نورتي يالعذاب عسى ربي يشرح صدرج

ماعليه يالحبيبة الزوجة السنعه الفاهمة الراكدة ما اتسرع بالتزعل والتحلطم والنجرة لي حست بقلبها حجي ودها تقوله تختار الوقت المناسب والمكان وتفتح قلبها له وتسولف له عن ايجابياته وسلبياته وهني يعرف الزوج شنو اللي يضايق مرته.

يعمري عمرج يالغالية

يعل ربي يحفظج ويسهل أمرج اللهم آمين

الله يسلمج ويعز غاليج يالجود

ويعل ربي يوفقج دنيا وآخرة.

هلا بالحلى والدلال كله

قلت انا لي صار كل شي على سنع ومنع يبقى الزوج اللي ماوراه رجا حالة شاذة أو ابتلاء من رب العالمين عسى ربي ياجر الزوجة ويعوضها بعييلها.

هلا بالكيكة عسى ربي يعافيج ويسمح دربج ويهنيج.

هلا بالغالية

عسى ربي يسخرلج الزوج اللي يحطج بعويناته ويخليج دهينه لاتنكتين

العفو يقلبي ماسويت شي

ويعل ربي يسهل أمورج ويريح بالج.

هلا بالجوري والورد كله يعل ربي يرزقج باللي تمنينه

انا ما عممت في حالات نادرة والزوج صدقيني يمكن قال تغيير من باب التشيحط والمفاخرة لكن اللي بالقلب بالقلب

هلا يعمري
ويعل ربي يسخرلج وليد الحلال اللي يخاف ربه .

حلو بعض كلامج الحوار والحوار أهم شي بس ترى البيوت أسرار لا تقولين العيب بالزوج ترى ياما زوجات خربوا على نفسهم ومافي بين الزوج والزوجة شي اسمة : لأ لو سمحت كرامتي بالأول ؟؟؟ صدقيني العشرة والعيال تحكم بس ها لا توصل الطق اهني لا. مع في زوجات ياعيني عليهم والله متحملين العذاب والشقى ليش؟؟ نار زوجي ولا جنة اهلي.

واذا تطلقت المره علشان أسباب مالها داعي أو علشان الغيرة والشك ولا : لا خلوه ما أبيه وضعي مايسمح أعيش معاه أنا دلوعه ولا انا أحب هذا وما أحب هذاك الزواج مو يوم وشهر عسل ووناسه الزواج مسؤوليه بيت وعيال بذمتنا لازم نحافظ عليهم.

هلا يقلبي
الظاهر البنيات هالزمن مالهم حيل للبيت وحنة الزوج ولا مسؤوليه العيال الله يسهل.

يعطيج العافية