زوجي يخوني . مو هني المشكله المشكله انا مهتمه ؟؟ ليش ؟؟؟

بنات

أنا متزوجه من 5 سنين

أول سنه من زواجي دلع دلع دلع .. وزوجي يا أرض إنهدي ما عليج أدي ..

كل شوي يطالع وجهي .. يقولي أنا كنت أتمنى أتزوج وحده مزيووووووووووونه صارووووووخ ..

والحمدالله .. الله حققلي مرادي ..

معني جميله .. أشوف نفسي جميله وبس .. صاروخ عاد ؟؟

قلت سبحان الله حببني بفنسه .. وخلاه ما يشوف غيري ..

المهم ..

ثاني سنه صوره بتلفونه .. والمرسل أسم رجال

فلان الفلاني . وهالقبيله زوجي ماعنده أي أحد فيها .وهالأسم ما عمره مر علي ..

دازله صورة بنت ربي كما خلقتني ..؟؟؟

دشيت شيكت متى مكلم هالرجل . لقيته 1 أو 2 .. بالليل والمكالمه مستمره 3 ساعات ؟؟ واضح إنها بنت ..

عطيته تلفونه .. وبيجيت شوي راح الحمام بتلفونه ورجع بعد شوي قال .. تعالي بدقلج على هالرجال . هذا رفيجي ..

من نفسه قال .. شوي وإلا أقوله جيب التلفون بشيك عالرقم .. أخاف غيرته أنا متأكده من الرقم اللي مساع حفظته ..

وإلا يصارخ ويحلف تالي قام يعصب ويسب وطلع بره البيت .. وما دق عليه .. معناته مغير الرقم داخل يوم كان بالحمام ..

وأنا أصلا ما شيكت عالأرقم.. الأولي ..

طلع من البيت معصب .. دزيتله مسج شنو تبي عشا ؟؟ <<< بقره مو ؟؟

رجع سويتله عشا قام يقولي شهالطباخ الزين .. شالنكه .. وأنا أضحك مستانسه يمدح طباخي .. … بالضبط نفس الهبله . .. وربي ..

من يومها هالسالفه .. جم مره ألقى إنتضار نص الليل … وجم مره ألقى أفلام وصخه بتلفونه مو واحد مو ثنين .. مو 3 .. قولو ميه .. ميتين

المصيبه الكبيره تلفونه مقفله برقم سري .؟؟ و موراضي يعطيني إياه ..؟؟؟ بحجة أخاف يضيع و يدقون علي دولي و انا خطي فواتير أتدبس … ؟ ؟

زين عطني الرقم السري .. خايف مني أدق مكالمات دوليه على أهلي بالفلبين يعني ؟؟

المهم .. بنات كل نفاساتي .. فبيت اهلي كلش ما يهتم .. فيني عادي عندي .. معني اموت فيه .. أشتغل بالبيبي و أطنشه

من ناحية الفراش .. عادي عنده يطنش بالأسابيع تصير مره كل أسبوعين .. مع إن قبل .. كان العكس .. الطبيعي مرتين باليوم ؟

لأن حيل يهتم بهالشيء .. حيل عنده شيء مهم .. فجأه يقولي مالي خلق .. مو مهتم . تعبان ..

ما أدري ؟؟

زوجي ما يخلي فرضه .. ما يخلي صلاته أبد .. وكل شوي عمره ويهتم بالدين حيل ؟؟

ياربي ماني عارفه شكتب .. بس بقولكم كل شيء أعرفه و إنتو قولولي شنو تحسون فيه

يني شلون قريب لربه و يسوي جذي ؟؟

وليش للحين؟؟

وهل من الممكن يكون فعلا ما يحب العلاقه الجنسيه لأنه فعلا تغير وإلا في شيء إمتعه ومشبعه غيري ؟

فما عاد محتاجني ؟ وإذا الجواب إيه ؟؟؟

وين صلاته و قريبه لربه ؟ شلن يوصل لهالمواصيل ؟؟

أنا مقصره بشيء ؟؟

وليش أنا مو مهتمه بهالخيانه ؟؟ معني أعشقف الأرض اللي يدوس عليها ؟ أحبه حب مو طبيعي أبد ..

وليش قافل جاهزه مو راضي يبطله لي ؟؟

أفكاري متشتته … داشه فبعض . ماأدري شقول

ما قاعده أكتب بحره .. لا قاعده أكتب جنها قصة رفيجتي مو قصتي ؟؟

وترى مرات يدق تلفونه ما يرد أصارخ بالسياره و اقوله ليش ما رديت دق على رفيجج ..

فيدق عليه .. دايم … يدق عليه ويطلع رجال .. مو بنت ..

والله مادري شقولج بس ادعي ربج والله يفرجها

شكرا فتوته …
أول مشاركه لج بالمنتدى بموضوعي هههههههه

نتشرف

ربي ايعينج وايرفج عليج وايصبرج –>امبيه احس تعقدت من هالسوالف حدي خايفه من الزواااج وهالشي اللي امخليني ارفض لان ماتخيل نفسي بهالموقف احس راح انهاااار ..
ربي ايفرج عليج وايسخره لج وايهديه ويبعد عنه بنات الحرااام..امين

كثري من الاستغفار والدعاء وان شاء الله ربي قادر يهديه لج ويبعد عنه بنات الحرام وكل ازواج بنات المسلمين …امين

الله يفرج همج

هالمواضيع كثرانه الله المستعان

بس حبيبتي ليش قلتيله انج طحتي على الصوره؟؟
وعقب عادي دقيتي تقولين له تبي عشا؟؟؟
شفتي اشلون ماقام يحط لج احساب!!!
دام انج قلتيله او بينتيله انج دريتي لازم تصير عندج ردة فعل قويه مثل تزعليج وماتحاجينه تبينيله انج مضايقه من تصرفه
بس انج تدرين وتسوين له ان الوضع عادي غلط خليتيه يتمادى
بس الحين حاولي تكلمينه وتقعدين معاه بقعدة نقاش راقي في ظل الاحترام يعني كل واحد يحترم عقل الثاني وقوليله انا بتكلم معاك سيده من غير لف ولا دوران احنا مو يهال عشان انجذب على بعض والاغلاط اللي عندك انا عارفتها كلها فماله داعي انك تخش او تنكر
ونبي حل لي هالمشكله
انا زوجتك ومن حقي احس براحه في حياتي

تدرين لو اساسا انتي موقايلته او امبينتله انج دريتي جان الوضع ثاني

والله كريم

إنتو ليش تدشون هالركن .. كله مأسي .. بتتعقدون ..

طلعي بره. .. ولا عاد أشوفج إلا بركن الطالبات و ركن الجمال و المكياج .. و بس ..

إن دشيتي هني ياويلج .. يبيلنا مشرفه نحطها عند باب الركن وياها عصاتها … تلسب .. بهالبنات .. ههههههههههههه

حاولت أزيد ردة فعلي أتصنع العصبيه أدري لو بيشوف ردة فعلي عاديه .. يمكن يكلمها جدامي عادي ..

بس ماقدرت .. بالعكس قعدت أضحك من شكلي و انا أمثل التعصيب ؟؟

والله غريبه ..

بس منيوالدرب أجي أكلمه .. ماصار موقف شيء عشان أكلمه ؟؟

مادري شقولج
الخيانات كاثره هالايام بشكل موطبيعي …..واحد من الاسباب اللي امخليني ارفض اتزوج اهي الخيانه

حاولي تقعدين معاه بقعده حلوه كلميه باسلوب حلو قوليله شلي امقصره معاك فيه
انتا ريلي وبوعيالي وحبيبي ومن هالحجي
بعده بجم يوم ذكريه انه اللي يزني الله يسلط عليه من يزني باهل بيته ومن هالكلام
وصلي كليوم بليل صلاة الحاجه وادعي الله سبحانه انه يهدي ريلج

الله يسخرلج ريلج ويسخر ريايلكم لكم

حلو يمه مني .

بخلي بداية الموضوع سؤال إذا أنا مقصره بشوف يمكن أنا مقصره بشيء ومو حاسه..
يمكن لأن حيل حايسه مع عيالي وهم ورى بعض الله يخليهم لي .. و تعب و دوام

ما أدري .. بس أهو أصلا ما يحب قعدة البيت ..؟؟

مو ضروري يصير موقف
تصرفاته وتغييره هذا يكفي انج تكلمينه
وليش تنطرين يصير موقف يغثج

والله يهدي سركم

حاولي تكلمينه بهدووء وشوفي رده

والله مدري شقول .. الله يعينج ويصبرج ويسخره لج انشالله

يمكن في شي بجسمج مو عااااجبه ؟
دقققي بجسمج وشوفي
وإذا مالقيتي سأليييييه
وغيري من نفسج يمكن زهق
سويلج نيو لوك جددي بغرفتج بشقتج بأسلوبج معاااااه

مممممممممممممممممم

انتي يمكن مقصره انتي تحبين اهتمي فيه غيري استايلج يمكن الي تسوي رفجته ماتسوينه

اهتمي غيري استايلج يعني سولفي وياها مو كله اتشكين مادري شنو عطيه الثقه وغاري عليه بالعقل

والله يسخره لج

اساليه شنة الشي مايعجبك فيني اذا رده كذا وكذا غيري

او اذا قالج ولاشي كل شي فيج حلووو بطيها بوجها ليش تخون وليش اطاللع افلام وغيره وازعلي بس لاتروحين بيت اهلج حلي مشكلتج فبيتج

اول شرط يغير خطه (طبعا مستحيل بس حاولي

رقم سري لازم تعرفينه

سوالف افلام وخرابيط ماتتكرر

الله يصبرج