زوجي والفلبينيه .

المهم الرحمن الرحيم بنات ابي مساعدتكم والكل يشارك
انا متزوجه من 8 سنوات وعندي طفلين
اول عرسي دريت أن لزوجي علاقه مع فلبينيه وكنا على طول مشاكل
واقنعني أنها كانت رفيجته قبل ومن تزوجني تركها
بعد زواجنا بس3 سنوات حملت وكان لي شهرين ودش السجن الصدمة انها حملت معاي بس انا ماكنت ادري وسافرت لأن كانت تظن انه بيطول بالسجن وولدت وجابت ولد بالفلبين
وزوجي طلع بعد ولادتي باسبوعين ومر شهر من طلعته طق تذكرتها وجابها
وانا ماااادري بس بعدها دريت وصارت بينا مشاكل كانت تسببها مع هالمشاكل حملت بولدي
وقبل رمضان بيوم صارت بينا مشكله كبيرة بسبتها وزعلت عند اهلي وظليت 4 شهور وقتها دق علي زوجي وقالي خلاص سفرتها خل تولي كلها خدامه بس مصرف الياهل ماراح اقطعه
المهم بعدها رجعت له من شهر 11 ومن يومين انعدمت انه نطرش حق المكان الي تشتغل فيه يقولي شنو صار على فيزتها للعلم أن الفلبينيه تشتغل مصممه مسكات عرايس بمكان معروف بالكويت
واجهت زوجي قاعد يلف ويدور علي ماخذيت منه جواب وقلت له أن دشت الكويت انا وعيالي مالنا قعده عندك ضل ساكت وماعطاني أي جواب لأن عرفت انه محتار
وهي قالت له انا بس ابي اشتغل ماراح ادق واسويلك مشاكل مع زوجتك وهو صدقها
بس انا اعرفها تظل تدق عليه وتأخذ ه لشقتها و………
وأنا أحس خلاااص طفح الكيل من الجذب ولا اني عارفه شسوي لأن اهلي قالو له قبل اذا ردت بنطلق بنتنا

قولو لي شسوي ؟؟………

اهو متزوجها ؟ و لا علاقه زنا و حمل زنا؟

متزوجها عرفي عن طريق محامي لقيت ورقه عنده

والله إنج طويلة بال

اخلعيه خلع الضرس الخايس .. هاللي ناقص يحط على راسي فلبينية .. قدره الزبالة واللا أنتي قدرج عالي . .

دامه متزوجها سمحي لي بس اهوه له كل الحق ايبها ويعيش عندها

وانتي لج كل الحق انج تزعلين او تطلبين الطلاق او تسوين اي شي وتبردين حرتج بس تقولين له ما تطب الديرة أخالفج لأنه زوجج في رقبته ياهل منها ومثل ما عيالج لهم الحق يعيشون في ديرتهم هالياهل بعد له كل الحق يعيش في ديرته ومن حلال ابوه خصوصا انه الزواج شرعي والولد شرعي

للأسف هالكلام مثالي وقاعدة اقوله من ورا قلبي بس اخاف عليج وعلى عيالج من حوبة الولد

شعورج وضيقج وتفكيرج وجهيه حق زوجج اهوه اساس البلا

خرا عليه و خرا عليها و عساهم حطب لجنهم هذا زنا و المفروض من عرفتي تتطلقين منه خياس بخياس
حسبي الله عليهم ونعم الوكيييل

خليه يولي لايجيب لج امراض و بلاوي

خرا عليه و خرا عليها و عساهم حطب لجنهم هذا زنا و المفروض من عرفتي تتطلقين منه خياس بخياس
حسبي الله عليهم ونعم الوكيييل

خليه يولي لايجيب لج امراض و بلاوي

أي والله عدل كلامج ^^^

لحول شيبون بهالجنسية الوصخه لاوبعد متزوجها هذي اشكال حد يتزوجها تعرف مليون غيره !!

الله يعينك على مابلاك مدام صار عنده ولده منها ماراح تنقطع العلاقه بينهم على الاقل عشان الولد

اولاً السلام عليكم ورحمة الله ..

عزيزتي ..

اشكرج على سـعة صدرج .. لكن من الافضل لو كانت ردة الفعل من الاساس صادرة عن تفكير .. وماخطيتي خطوة الا باستخارة وبعقل ..

اقدر عظم هالصدمة .. و وقعها عليج لاسيم بعد وجود الاطفال في حياتكم … و بالاخص انج مرا تفكر بعاطفتها ..

لكن انتي رحتي لاهلج ورديتي لبيتج .. و بعدها صارت مشاكل ودروا الاهل .. و جذي

لو من الاساس فكرتي بعقل جان يمكن قدرتي تسوين شي قبل لا تجيب منه طفل ..

على العموم .. اقدارنا مكتوبة قبل لا ننولد ..

يعني الندم بيزيد القهر بس ماراح يحل المشكلة وهذي سمة الضعيف انه يرد يندم على شي مضى ويفتح عمل الشيطان بكلمة ( لو ) !

بس حبيت اوضح لباجي العضوات الي لهم قصص مشابهة لا يطيحون بنفس الغلطة ..

عزيزتي .. زواجهم من الاساس غير صحيح والله اعلم لكن اعتقد مو نفس باجي العقود الصحيحة في الزواج الشرعي الصحيح ..

نصيحتي لج .. لا تشكين همج لأحد يا اختي ..
والله الحريم كل وحدة لها راي وبتضيعج ..
لانه كل وحدة لها شخصية
وكل وحدة لها نظرة للرجل ..
وكل وحدة زوجها يختلف عن الثاني ..
وكل وحدة لها ظروفها ..

وهذا زوجج انتي وبس ..
انتي اكيد عارفة مفاتيحه .. شلون تدشين له .. شلون تجذبينه .. تغيرينه ..!

عارفة متى يجذب عليج .. متى يكون صاج .. متى يحتار !

اختي الغالية .. دايماً رددي :

( اللهم ياحي يا قيوم برحمتك استغيث اصلح لي شأني كله ولا تكلني الى نفسي طرفة عين )
لا تكلني الى نفسي طرفة عين ..
تأمليها حيل .. عشان تعرفين انه الحل لا بيدي ولا بيدج ولا بإيد السحرة ( الي تستعين فيهم بعض النساء ) ولا بالخطط الي تسوينها ..

الحل بيد الله وبس .. !!
مع بذل السبب منج ..
لما تصلين لج ركعة بس بجوف الليل وتقولين من قلب ام محترة و بيقين تام ( اللهم اني إليك افوض امري وعليك اتوكل وبك استعين ف فرج لي همي ) .. وادعي بإلي تبين .. اشكي لربج .. ابجي عنده .. ومابعد البجي ع السجادة الا راحة .. و أجر .. وحل بإذن الله .. واستجابة ..

قلتلج فيما سبق اقدارنا مكتوبة بس تدرين في شي واحد يغير القدر !

هو الدعاء الصادق .. مع يقين الاجابة ..

انا مادري ليش الناس الحين مبتعدة عن الدعاء .. والله سبحانه وتعالى يغضب ع المبتعد عن الدعاء لان الابتعاد عن الدعاء من الغرور على الله والعياذ بالله ..

اكيد البعض يقول هذي قامت تقط مواعظ والبنت تبي حل !

عزيزتي .. تأكدي اني ما املك حل لج و ولا وحدة هني راح تفيدج .. لانه لا انا ولا هم نعرف ظروفج ولا نعرف شلون انتوا عايشين ف البيت او شلون يعاملج .. ماندري شالظروف الي على اساسها لازم نسدي النصيحة ..

عن نفسي ماقدر اقول هديه واهوا يمكن زين لعياله او يعزج صج .. او له مواقف حلوة ماتستاهل هالشي .. او يمكن يكون منه امل ويردلج انتي وبس ومن نفسه بدون لا تخططين او تهددين ..

وفرضاً لو قلتلج هديه .. يمكن تسمعين نصيحتي واتسبب في تفكك اسرة .. عيالج مالهم ذنب كلش .. فكري فيهم حيل واي خطوة استخيري فيها ..

اختي الغالية ..

يمكن عندي لج ( المفتاح ) بس .. لحل مشكلتج !

وهي التقرب من الله وبس ..

يمكن البعض يسمع هالنصيحة مني ويطلعها مني ..
بس مردكم بتعرفون كلكم انه التقرب الى الله هو السعادة .. مو بس يحل مشكلة نفس جذي الا يسعدج في الدارين ويكتب لج الاجر ويشرح صدرج .. وماتدرين من وين ربي فرجها !!

مو هذا الي تبينه ؟

شناطرة ؟ .. ادعي لربج بس توكلي عليه ومن يتوكل على الله فهو حسبه

والدعاء يكون دايماً عبادة متواصلة مو بعد حل المشكلة تردين عادي ..

حافظي على صلاتج .. وطولي في السجود وانتي تدعين من قلب

استشعري انج تخاطبين ربج العظيم .. الي بيده اهو وبس الحل الاكيد .. الي خلقج وخلق زوجج والدنيا كلها .. والي الدنيا ماتسوى عنده جناح بعوضة ! .. والي من له عرش السماوات والارض .. يعني مشكلتج اتفه من التافهة عند عظم ربج !
وربج يفرح اذا العبد تقرب له ودعى له ..

اقري صفحتين باليوم من القرآن ترا هجرانه سبب من اسباب احزاننا .. ومشاكلنا ..

واصبري وبقلبج محتسبة الاجر لانه اجر الصابر عظيم .. استشعري الاجر ..

وَ حافظي على اذكار الصباح والمساء

احرصي على الدعاء ب الوقت الي يكون فيها ساعات استجابة ( عند السجود / عند المطر / بعد الساعة ١٢ بليل / بين الاذان والاقامة )

سوي كل شي ممكن تتقربين من الله فيه

وصدقيني مو بس هالمشكلة راح تنحل الا كل حياتج بتتربت وقلبج بيرتاح .. وتتوفقين بإذن الله في الدارين الدنيا والآخرة ..

واحنا المفروض مانلجأ لربنا بس عشان مصيبة او نجيه بالضراء لازم بالسراء قبل الضراء .. وفي كل وقت .. المفروض عندنا حيا من ربنا ..

صدقيني فوضي امرج لربج وربج بيحلها لانه الله مايرد عبد يدعي ويستحي سبحانه يرد عباده واحنا مانستحي !!

قولي قبل كل دعاء ( لا إله الا انت سبحانك اني كنت من الظالمين ) هذي سبب لإجابة الدعاء ان شاءالله ..

هذا الحل الوحيد لكل مشكلة ممكن تواجهنا اختي الغالية ..

اعتذر ع الإطالة

والحمدلله على كل حال ,

والله كلامك برد على قلبي وابكاني الله يجزاك خير
رغم ردك مو لي ولا موضوعي بس استفدت منه واعدت النظر باشياء بحياتي كنت غافله عنها

دعواتك ياغالبه ربنا ياجرنا بمصيبتنا واخلف لنا خير منها

منصدمه ماقدر اقول لج شي ..

الله يفرج عليج ..

معاها حق

والله سالفتج قطعت قلبي …….شصاير فهالدنيا… حسبي الله ! …مو قادره اقولج اي شي !
ما أملك لج غير الدعاء الصادق : ربي يفرجها عليج ويسخر لج الخير لج ولأولادج يارب ويمسح على قلبج !!!!