زوجي كاره غرفة النوم .

مساااااااء / صبااااااح الورد والحب
والطيبه ..

لأحلى كويتيات ..

في شي مضايقني زوجي كاره غرفة نومنا بشكل مو طبيعي ..

لدرجة ماننام فيها ويقول إذا دخلت فيها أتضايق ..

وآنا لاحظته كله يطلب من أييب له غيار أو العطر أو المشط .. إلخ

من غير مايدخل هو الغرفه ..

وأمس قالها لي بصريح العباره آنا كاره الغرفه موليه وأتضايق لادخلتها ..

صراحه ضاقت فيني الدنيا الحمدلله علاقتنا مع بعض وااايد حلوه ..

بس هذي الشغله مكدرتني ..

قولوا لي شسوي .؟؟؟!!!

شنو الأفكار اللي ممكن أغير فيها من الغرفه ؟؟ !!

وأي وحده مرت بهالحاله تقولي تجربتها …

ومشكوووررين أتمنى التفاعل معاي ..

مساء الخير
حبيبتي هم أنا مثلج ريلي مايرتاح بغرفة النوم
مع أني مغيره الديكور والصبغ
بس عاااااادي يدش فيها أوقات ننام فيها
حاولي تغيريت الأضاءه المفرش
وطريقة ترتيب الأثاااااااث
حطي فيها تلفزيون
والله مادري أنا سويت هذا كله مااااااااعدا التلفزيون
بييبه بعد كم يوم لأن ريلي يحب يتاااابع التلفزيون
ليم يدوخ وينام وحمواني بعد
وأبوي وأخواني مادري جربي
او نقلي أثاثكم بغرفه ثانيه وموفقه

حيبتي إسأل زوجك في الأول ليه هو كاره غرفة النوم هل هو الشكل الخاص بالغرفة أو اللون أو ايه وبعد كده تتصرفي على هذا الاساس لو كان شكل الغرفة غيرها ولو كان اللون غير الصبغ بالون يكون هو بيحبه وبيرتاح له وإذا كان الديكور فغير الديكور واذا أمكن غير مكان الغرفة بغرفة غيرها وهذا أفضل

حبيبتي اول شي بخري الغرفه كل يوم واقري فيها المعوذات واية الكرسي وشغلي فيها قران على طول حتى وقت طلعتكم وشيلي صور اذا فيها
ثاني شي ابدي غيري بالغرفه الكفر والمفارش حطي الي البنات يبيعونها اهني الناموسيه وهالفناتق وكله عطري الكفر والغرفه حطي شمعه اتطلع ريحه حلوووه وتسوي ريلاكس غيري اشةي بالدركور فنتقي انتي وذوقج وشوفي ريلج شنو يحب
وان شاء الله ماكو الا كل خير وتردون تنامون فيها وتستانسون حتى تقدرين تغيرين سويجات الليتات حطي الي نفس الفنادق يصيرون لف وتخففين الاضاءة وتزيدينها وااايد حلوه انا ريلي سواها عندنا صج جو
عسى ربي يوفقكم

حبيبتي يمكن عين او شي .. انتي اقري قران بالغرفه و شغلي القران .. و هم حاولي تغيرين بأثاث الغرفه يمكن مو مرتاح من الاثاث لانه هالشي يلعب دور بالنفسيه .. شوفي شنو الالوان اللي يحبها و حاولي تحطينها بالغرفه و انشالله ماكو الا الخير

حطي مسجل يقرأ سورة البقره والأحسن تقرين في البيت سورة البقره لان هو قال لج اتضايق يمكن صار يكرهها بدون سبب

حطي فيها سوره البقره

حبيبتي ماكو الا العافيه

بصراحة انا من فترة عرفت وحدة اسمها الأستاذة أمل لها أفكار حلوة للمتزوجات وتحل مشاكلهم بطريقة مو تقليدية
لها طرق فلسفية لتخطيط الحياة ,, ومن مشكلتج انا سمعت مرة انها حلت مشكلة وحدة عن طريق فلسفة الفينج شوي اهيه اللي تعتمد على التنسيق والألوان وغيرها ,, بس شي عجيب ,, حتى عندها دراسة بفلسفة الحوار مع الزوج ,,

ومادري بعد في اشياء حلوة اول مرة اسمعها منها وانتي على راحتج شوفي اللي يريحج والله يوفقج يارب

انا عندي ايميلها اذا تبينه أعطيج اياه عالخاص ,,

بخري الغرفه واقري المعوذتين هذا احد مسوي لكم شي

انا معاها واذا مانفع بدلو بالغرف مثلا غرفه النوم انقلي اثاثها لغرفه ثانيه
وموفقه

شغلي فيها سورة البقره

شغلى سورة البقرة

يمكن عييييييين ولا شي صايبكمـ ,,, حاولي تقرين دايم رقيه شرعيه من العين والحسد …

والله حبيبتي مابي اضيق خلقج بس انا كل شي سويت وماكو فايده غيرت الصبغ

والاثاث

والديكوور

والسجاد

وحطيت تلفزيون ورسيفر وهم نفس المشكله

اذا لقيتي حل خبريني

عليج بصورة البقره كل يوم ..