|
|
بسم الله الرحمن الرحيم
صباحكم ومسائكم ورد
كيفكم حبيباتي؟؟
انا متابعتكم بصمت وهذي اول مشاركه لي
انا صارت لي مشكله وحبيت أشاوركم فيها
انا متزوجه من سنتين ومعاي ولد وزوجي اكبر مني بأشهر بس يعني في نفس السن
مشكلتي انه مو نفس شباب جيله زوجي مكبر نفسه غصب
مايجلس الا مع الكبار وربعه كلهم شياب رغم انه هو اصغر اخوانه واخوانه الباقين كلهم عايشين حياتهم عادي
وصلت به الامور انه حتى بالعلاقه الزوجيه مو مثل شباب جيله
حاسه كأني متزوجه شايب
يقول لي دايم (ابوي يقول لاتكثر ، ابوي يقول احفظ منيك ، ابوي يقول بعدين تتندم)
تخيلوا حتى انه ثالث يوم زواجنا واحنا لسى معاريس طلعني اسهر مع اهله من بعد صلاه العشاء الى الساعه 12 بالليل لا وبعدها راح للسوق
ويوم طلايعي بولدي جايتله متضبطه ومتعدله وتخيلوا جا من عند الرجال آخر واحد لااااا وكمل السهره عند خواته غير خالته قالت له قووووووم خذ زوجتك انت الليله معرس
الحمد لله انا مو ناقصه جمال بشهاده الجميع وعاجبته
واحافظ على نظافتي خصوصا بوقت هالسالفه واحط كريمات وعطورات
بيني وبينكم اول ايام زواجي كنت انقهر
لكن بعد حمالي طنشت وتعايشت مع الوضع وبعد ولادتي شغلني البيبي عنه
لكن لما اجلس لحالي وافكر انقهر طيب ليش؟؟
ناوي يتزوج علي مثلا؟؟
الحين والله نبي نكمل شهر ماجاسني ولاقرب لي
والمشكله بعد انه هو يستحي حيييييل ويبغاني انا اللي اجرأه رغم ان خطوبتنا دامت سنه كامله الا انه والله عمره مافتح لي طاري هالسوالف
تعبت معاه
اخاف اني اتجرأ وينقد علي (رغم انه هو اللي يطلب مني اني أجرأه) بس الرجال ماينظمنون
بليز ساعدوني والله احترت معاه وش راااااايكم
ديري بالج ..!
دامه اهو طلب اتجرأينه اكسبيه .!
يعني تجرأي وجرأيه معاج وراح تجنين خير وترتاحين ويصير غصبا عليه شاب وشايش..
خلي عنج الحيا والظنون الغلط ياخذ فكره ماياخذ فكره ..!
زوجته حلاله ..
موفقه خير
اول 5 شهور عقدني نظاام شياااب ..
بس وضحتله وفهمته وانا معاه بالفراش ..
بعدين الرجال تغير 180 درجه احس توني امسس متزوجه
صار اهتمامه غير ..
وبين لي حبه اكثر واهتمام اكثر من قبل
كوني زوجه وبس لااكثر من زوجه
اللحين الحمد لله الحمد لله الله لايغير علينآ يارب ..
ويرزقنآ بالذريه الصآلحه يارب
حاولي انج تتجنبين انج تتجرأين انتي اغريه ودلعيه هذي النوعية من الرياجيل ترى قلوبهم طيبة صدقيني وانا اختج
احفظ منيك ؟؟؟؟؟؟؟؟؟ يحفظه لشنو ؟؟ لليوم الاسود مثلا !!؟؟
بعد شتسوين !! دامه خجول خلج جريئة 
| احفظ منيك ؟؟؟؟؟؟؟؟؟ يحفظه لشنو ؟؟ لليوم الاسود مثلا !!؟؟ |
ههههههههههههههههههههههههههههههههههه
قسم مت من الضحك وربي صاجه يحفظه لشنو بالله
وانتي تجرئي اشوي هذا زوجج حلالج يعني مو حركات حيل جريئة ابدي معاة بالتدريج
خليت الموضوع ورحت للكلمة هههههههههههههههههههههههههههههههههههههههههههههههههه ههههههههههه
المهم نوعية ريلج يتشكل على مزاجك .. مو شايف من الدنيا شيء انا اقول هبليه بالحركات من كل نوع وشكل …
نظامه يسمع كلام الناس ( دير بالك لا تمشيك لا لاتركب على راسك لا تسوي ) وهو مسكين يسمع .. دامه يسمع انتي سمعيه الكلام الحلو .. زوجك يبيله فطنة ومسكنة وجرأة زايدة حتين
دام اهوا قالج وطلب منج انج تتجرأين معناته ناطر منج المبادره ومو عيب ولا غلط انج تبادرين انتوا الحين ماشالله عشتوا عمر وبينكم ياهل يعني مو توج متزوجه عشان بحط فباله انج جريئه وتعرفين كل شي … مثل ماقالو الخوات بلشي معاه حبه حبه وكل يوم شي ولبسي وهالله هالله بالقمصان السنعه وتدلعي وشوية حركات مني مناك بتلقينه منثول فيج حرام ريلج شكله وايد طيب ويسمع كلام الكل فليش تخلينه يسمع من برا خليه دايم معاج وانتي وشطارتج عاد
والله يتمملكم على خير
ردتني رفيجتي لهالموضوع لوووووووووووول
قولي لريلج ابوك نصايحه لك يقصد تبعد عن الحرام لاتندم مو مرتك ..!
تحياتي ..